Gujarati News

Gujarati News

News of Friday, 11th June 2021

રાજપીપળા નગરપાલિકા દ્વારા મીઠાઈની દુકાનોમાં ચર્કિંગ હાથ ધરાયુ,કોઈ વાંધાજનક વસ્તુ ન મળી

કોરોના મહામારી બાદ હાલમાં જ બજારો ની દુકાનો ને આખા દિવસની છૂટ મળતા કોઇ વેપારી વાસી મીઠાઈ કે અન્ય ખાદ્ય પદાર્થ ન વેચે તે માટે ચેકીંગ કરાયું


(ભરત શાહ દ્વારા) રાજપીપળા : રાજપીપળા શહેર માં નગરપાલિકા ટીમ દ્વારા મીઠાઈની દુકાનો માં આકસ્મિક ચેકીંગ હાથ ધરવામાં આવ્યું હતું.જેમાં પાલિકાના એસ આઈ હેમન્દ્રસિંહ માત્રોજા એ જણાવ્યું હતું કે કોરોના મહામારી બાદ લાંબા સમય પછી હાલમાં બજારો આખો દિવસ ખુલ્લા રાખવા સરકારે સૂચના આપી છે ત્યારે મીઠાઈ સહિત ની અમુક વસ્તુઓ કોઈ દુકાનદાર વાસી કે બગડેલી ન વેચાણ કરે તેની તકેદારી બાબતે પાલીકા પ્રમુખ કુલદીપસિંહ ગોહિલ અને મુખ્ય અધિકારી પરાક્રમ સિંહ મકવાણા ની સૂચના મુજબ આ ચેકિંગ હાથ ધરાયુ હતું,જોકે ચર્કિંગ માં રાજપીપળાની કોઈ દુકાનમાંથી વાસી કે કોઈ વાંધાજનક ખાદ્ય પદાર્થ મળી આવ્યો નથી.છતાં ગ્રાહકો ના સ્વાસ્થ્ય બાબતે પાલીકા દ્વારા આ તપાસ હાથ ધરાઈ હતી

(12:42 am IST)
  • મહારાષ્ટ્રમાં ચોમાસું દસ્તક દઈ ચૂક્યું છે અને માયનાગરી મુંબઈમાં ભારે વરસાદ ચાલુ છે. શુક્રવારે પણ સવારથી જ ભારે વરસાદ પડી રહ્યો છે જેના કારણે ઘણા વિસ્તારો પાણીમાં ગરકાવ થયા છે. લોકોને સલામત સ્થળોએ ખસેડવામાં આવ્યા છે. હવામાન વિભાગની આગાહી મુજબ શુક્રવારે દિવસભર ભારે વરસાદ પડી શકે છે. રેડ એલર્ટ જારી કરવામાં આવી છે. આ પહેલા ગુરુવારે મુંબઈના પરા મલાડ (પશ્ચિમ) માં ચાર માળની ઇમારત ધરાશાયી થતાં 12 લોકોનાં મોત અને સાત ઘાયલ થયા હતા. મૃતકોમાં આઠ બાળકોનો સમાવેશ થાય છે. બીજી ઘટનામાં, ગુરૂવારે સાંજે દહિસર વિસ્તારમાં મકાન ધરાશાયી થતાં એક વ્યક્તિનું મોત નીપજ્યું હતું. access_time 9:31 am IST

  • ગુજરાતમાં કોરોનાની બીજી લહેર પુરી થવાના આરે - આજે ઘણા મહિને રાજ્યમાં 500ની અંદર નવા કોરોના કેસ નોંધાયા : રાજ્યમાં નવા કોરોના કેસ ઘટીને આજે ફક્ત 481 નોંધાયા અને સામે 1526 દર્દીઓ સાજા થયા : આ સાથે આજે રાજકોટ શહેર - જિલ્લામાં પણ કોરોના થાક્યો : આજે સાંજ સુધીમાં રાજકોટ શહેરમાં 24 અને ગ્રામ્યના 10 કેસ સાથે કુલ ફક્ત 34 નવા કોરોના ના કેસ નોંધાયા : અને સાથે રાજકોટ શહેર - જિલ્લામાં આજે કુલ 41 દર્દીઓ સાજા થયા access_time 7:46 pm IST

  • RBI મોટો નિર્ણય : એટીએમ ટ્રાન્ઝેક્શન પર ચાર્જ વધાર્યો : એકવાર મફત ટ્રાન્ઝેક્શનની મર્યાદા પૂરી થઈ ગયા પછી, ગ્રાહકોને બીજા દરેક એટીએમ ટ્રાન્ઝેક્શન દીઠ 21 રૂપિયા ચાર્જ લેવામાં આવશે, આ સાથે 01 જાન્યુઆરી 2022 થી આ ચાર્જ પર ટેક્સ પણ વસુલાશે તેમ જાણવા મળે છે. (ન્યૂઝફર્સ્ટ) access_time 8:12 pm IST