Gujarati News

Gujarati News

News of Friday, 11th June 2021

પેટ્રોલ-ડીઝલના ભાવ વધારા સામે કોંગ્રેસ દ્વારા ગુજરાતમાં ધરણા-વિરોધ પ્રદર્શન

અત્યાર સુધીમાં પેટ્રોલ-ડીઝલમાં ૨૨ વખત વધારો થયોઃ છેલ્લા ૭૩ વર્ષમાં સૌથી વધુ ભાવ વધારોઃ હાર્દિક પટેલ, પરેશ ધાનાણી, અમિત ચાવડા, મનિષ દોશીના ભાજપ સરકાર ઉપર પ્રહારો

રાજકોટ, તા. ૧૧ :. ગુજરાત પ્રદેશ કોંગ્રેસ સમિતિ દ્વારા આજે પેટ્રોલ-ડીઝલના ભાવ વધારાના વિરોધમાં આજે ગુજરાતમાં ધરણા સાથે વિરોધ પ્રદર્શન કરવામાં આવ્યો છે.

કોંગ્રેસના કાર્યકારી અધ્યક્ષ હાર્દિક પટેલે અકિલાને જણાવ્યુ હતુ કે મોંઘવારી અને પેટ્રોલ-ડીઝલના ભાવ વધારા સામે આજે ગુજરાતના જુદા જુદા વિસ્તારોમાં વિરોધ પ્રદર્શન અને ધરણા કરીને કેન્દ્ર અને રાજ્યની ભાજપ સરકાર સામે વિરોેધ કરવામાં આવ્યો છે.

ગુજરાત પ્રદેશ કોંગ્રેસ સમિતિના અધ્યક્ષ અમિતભાઈ ચાવડા, વિધાનસભા વિરોધ પક્ષના નેતા પરેશભાઈ ધાનાણી, ગુજરાત કોંગ્રેસના સહપ્રભારી જીતેન્દ્ર બધેલ, મુખ્ય પ્રવકતા મનિષ દોશી સહિતનાની આગેવાનીમાં મળેલી મિટીંગમાં વિરોધ પ્રદર્શન અને ધરણા માટેના કાર્યક્રમો નક્કી કરાયા છે.

કોંગ્રેસના પ્રવકતા મનિષ દોશીએ જણાવ્યુ હતુ કે ભાજપ સરકારે ૪ મે થી અત્યાર સુધીમાં પેટ્રોલ-ડીઝલના ભાવમા ૨૨ વખત વધારો કર્યો છે. છેલ્લા ૭૩ વર્ષમાં સૌથી વધુ ભાવ છે. જેના કારણે લોકો મુશ્કેલીનો સામનો કરી રહ્યા છે.

(11:45 am IST)
  • પૂર્વ પોલીસ કમિશ્નર પરમ બીરસિંહને સુપ્રીમ કોર્ટની પડી ફિટકાર : કોર્ટે કહ્યું કે "તમે 30 વર્ષ સુધી મહારાષ્ટ્ર કેડરની સેવા કરી અને હવે કહો કે તમને રાજ્ય પોલીસમાં વિશ્વાસ નથી - આ ખૂબ આઘાતજનક બાબત કહેવાય". સુપ્રિમ કોર્ટે શુક્રવારે મુંબઇના ભૂતપૂર્વ પોલીસ કમિશનર પરમ બીરસિંહે તેમની સામે મહારાષ્ટ્રમાં નોંધાયેલા તમામ ગુનાહિત કેસોને સેન્ટ્રલ બ્યુરો ઓફ ઇન્વેસ્ટિગેશન અથવા અન્ય કોઈ સ્વતંત્ર એજન્સીમાં સ્થાનાંતરિત કરવાની અરજીની સુનાવણી કરવાનો સુપ્રીમ કોર્ટ સાફ ઇનકાર કર્યો access_time 12:49 pm IST

  • સુપ્રીમ કોર્ટે AIIMS દ્વારા લેવાતી INI CET પરીક્ષા 2021 ને, કોરોના પરિસ્થિતિના કારણે, એક મહિના માટે મુલતવી રાખવાનો આદેશ આપ્યો છે. કોર્ટે સ્પષ્ટતા કરી છે કે, આ પરીક્ષા, જે 16 જૂને યોજાવાની હતી, હવે એક મહિનાની સમાપ્તિ પછી કોઈપણ સમયે યોજી શકશે. access_time 1:32 pm IST

  • ખૂબ જલ્દી કેન્દ્રીય કેબિનેટમાં ફેરફારની તૈયારી : પીએમ મોદીની ગૃહમંત્રી અમિતભાઇ શાહ અને જેપી નડ્ડા સાથેની બેઠક મોડી રાત્રે પુરી થઈ : પીએમ મોદી કાલે ધર્મેંદ્ર પ્રધાન, નરેન્દ્ર સિંહ તોમર, ગજેન્દ્ર સિંહ શેખાવત, મહેન્દ્ર નાથ પાંડેય, હરદીપ પુરીની સાથે તેમની સાથે સંબંધિત મંત્રાલયોના કામોની સમીક્ષા કરશે : કેબિનેટમાં બહુ મોટા પરિવર્તનો તુરંત માં થશે તેમ PMO ના સુત્રો થકી જાણવા મળે છે (ન્યૂઝફર્સ્ટ) access_time 11:41 pm IST