Gujarati News

Gujarati News

News of Friday, 11th June 2021

પ્રદીપસિંહ પર વાદલડી વરસી, શુભેચ્છાના સરોવર છલી વળ્યા

રાજકોટ તા.૧૧: ગુજરાત સરકારમાં ગૃહ, કાયદો, પ્રોટોકોલ, દેવસ્થાન, પોલીસ હાઉસીંગ, સ્વૈચ્છિક સંસ્થાઓનું સંકલન જેલ વગેરે વિભાગોનો હવાલો સંભાળતા રાજયમંત્રી શ્રી પ્રદિપસિંહ જાડેજા પર આજે જન્મદિનની શુભેચ્છાના વાદળો વરસી રહ્યા છે. તેઓ અમદાવાદના વટવા મત વિસ્તારમાંથી ધારાસભ્ય તરીકે ચૂંટાયા છે. અગાઉ યુવા ભાજપના પ્રદેશ પ્રમુખ, અમદાવાદના કોર્પોરેટર, જી. એન. એફ. સી.ના ચેરમેન વગેરે સ્થાનો પર રહી ચૂકયા છે તેમણે આજે યશસ્વી જીવનના ૬૦ માં વર્ષના પંથે પ્રયાણ કર્યુ છે. (જન્મ તા.૧૧ જુન ૧૯૬ર)

ફોન નં.૦૭૯-ર૩રપ૦ર૬૬

મો. ૯૮ર૪૧ ૦૦૯ર૦ ગાંધીનગર

(11:46 am IST)
  • સીનીયર ક્લાર્ક માટેની પરીક્ષા ૩૧ જુલાઈએ લેવાશે : ગૌણ સેવા પસંદગી મંડળે સીનીયર ક્લાર્કની પરીક્ષા માટેની તારીખ જાહેર કરી દીધી. હવે ૩૧ જુલાઈએ લેવાશે સીનીયર ક્લાર્ક માટેની પરીક્ષાઓ લેવાશે. અગાઉ ૨૪ જુલાઈનુ આયોજન હતુ પરંતુ હવે તે તારીખ થોડી પાછી લઈ જાય અને ૩૧ જુલાઈ કરવામાં આવી છે. access_time 9:53 pm IST

  • અમેરિકાના ફૂડ એન્ડ ડ્રગ એડમિનિસ્ટ્રેશન (USFDA) એ ભારતની કોવેકસીન રસી લોન્ચ કરવામાં વિલંબ કરતાં કોવેકસીન રસીના અમેરિકામાં ઇમરજન્સી યુઝ ઓથોરાઇઝેશન ની ભારત બાયોટેકની દરખાસ્તને નકારી કાઢી છે. ભારત બાયોટેકના યુએસ પાર્ટનર ઓક્યુજને ગુરુવારે કહ્યું હતું કે કંપની હવે કોવેક્સિનની સંપૂર્ણ મંજૂરી માંગશે. USFDA દ્વારા કંપનીને વધારાની ટ્રાયલ શરૂ કરવા કહેતા, આના પરિણામેં હવે કંપની બાયોલોજીક્સ લાઇસન્સ એપ્લિકેશન (BLA) માટે ફાઇલ કરી શકશે, જેને અમેરિકામાં સંપૂર્ણ મંજૂરી ગણાય છે. access_time 11:58 am IST

  • મહારાષ્ટ્રમાં ચોમાસું દસ્તક દઈ ચૂક્યું છે અને માયનાગરી મુંબઈમાં ભારે વરસાદ ચાલુ છે. શુક્રવારે પણ સવારથી જ ભારે વરસાદ પડી રહ્યો છે જેના કારણે ઘણા વિસ્તારો પાણીમાં ગરકાવ થયા છે. લોકોને સલામત સ્થળોએ ખસેડવામાં આવ્યા છે. હવામાન વિભાગની આગાહી મુજબ શુક્રવારે દિવસભર ભારે વરસાદ પડી શકે છે. રેડ એલર્ટ જારી કરવામાં આવી છે. આ પહેલા ગુરુવારે મુંબઈના પરા મલાડ (પશ્ચિમ) માં ચાર માળની ઇમારત ધરાશાયી થતાં 12 લોકોનાં મોત અને સાત ઘાયલ થયા હતા. મૃતકોમાં આઠ બાળકોનો સમાવેશ થાય છે. બીજી ઘટનામાં, ગુરૂવારે સાંજે દહિસર વિસ્તારમાં મકાન ધરાશાયી થતાં એક વ્યક્તિનું મોત નીપજ્યું હતું. access_time 9:31 am IST