Gujarati News

Gujarati News

News of Friday, 11th June 2021

મહેસાણાની દુધસાગર ડેરી હવે હિમાચલ પ્રદેશ અને હરિયાણામાં દુધનો વ્યવસાયનો વ્યાપ વધારશેઃ મિલ્ક પ્રોસેસિંગ પ્લાન્ટ સ્થાપવાની મંજૂરી મળી

મહેસાણાઃ મહેસાણાની દૂધસાગર ડેરીએ ખુબ મોટું નામ ધરાવે છે. વર્ષે કરોડો રૂપિયાનું ટર્નઓવર ધરાવતી આ ડેરી હવે પોતાના વ્યવસાયનો વ્યાપ વધારી રહી છે. દૂધસાગર ડેરી હવે માત્ર ગુજરાત પુરતી સીમિત નથી રહી. હવે તેનો વ્યાપ દેશના અન્ય રાજ્યોમાં પણ વધી રહ્યો છે. મેહસાણાની દૂધસાગર ડેરીનો પ્લાન્ટ હવે હિમાચલ પ્રદેશ અને હરિયાણામાં સ્થાપશે અમુલ મિલ્ક માર્કેટિંગ ફેડરેશન દ્વારા મેહસાણા દૂધસાગર ડેરીને હિમાચલ પ્રદેશમાં મિલ્ક પ્રોસેસિંગ પ્લાન્ટ સ્થાપવાની મંજૂરી આપવામાં આવી છે.

ઉલ્લેખનીય છેકે,અત્યાર સુધીમાં હિમાચલ પ્રદેશમાં ડેરી ઉદ્યોગનો વિકાસ નહિવત થયો છે. ત્યારે એ વસ્તુનો લાભ લઈને મહેસાણાની દૂધસાગર ડેરી ત્યાં વ્યાપર કરવા કવાયત હાથ ધરી રહી છે. દૂધસાગર ડેરી નજીકના સમયમાં હિમાચલના પહાડી વિસ્તારમાં ડેરી પ્લાન્ટ સ્થાપશે. દૂધસાગર ડેરીને મિલ્ક માર્કેટિંગ ફેડરેશન દ્વારા હિમાચલ અને હરિયાણામાં પ્લાન્ટ સ્થાપવાની મંજૂરી અપાઈ ગઈ છે.

આગામી સમયમાં માનેસર અને ધારુહેડા બાદ હિમાચલ પ્રદેશ માં મિલ્ક પ્રોસેસિંગ પ્લાન્ટ શરુ કરશે જેમાં હરિયાણા માં 1 લાખ લીટર દૂધ અને હિમાચલ પ્રદેશ માં ૫૦ હજાર લીટર દૂધ પ્રોસેસિંગ કરી વિતરણ કરશે જેમાં દૂધ છાશ અને દહીં ના પાઉચ પેક કરી વિતરણ કરશે. દૂધસાગર ડેરી પ્રથમ ડેરી ને પ્લાન્ટ ની મંજૂરી મળતા પહાડી વિસ્તારના લોકો ને પણ લાભ થશે આ પ્લાન્ટ થકી આગામી સમયમાં પહાડી વિસ્તારના લોકો પાસે થી ગાય અને ભેંસ નું દૂધ એકત્રીકરણ કરવામાં આવશે અને વિવિધ બ્રાન્ડનું ઉત્પાદન કરવામાં આવશે.

આ રાજ્યો માં જગ્યા ભાડે લઇ 6 મહિના માં પ્લાન્ટ શરૂ કરવામાં આવશે અને હરિયાણા મા એક લાખ લીટર દુધ અને હિમાચલ પ્રદેશ માં 50 હજાર લીટર દૂધ પ્રોસેસિંગ કરી વિતરણ કરવાનું આયોજન કરવામાં આવશે તેવું ડેરી ના ચેરમેન અશોક ચૌધરી એ જણાવ્યું છે. ગુજરાતનો પશુપાલન ઉદ્યોગ અને તેના થકી થતો દૂધનો વ્યાપર હવે ધીરે ધીરે દેશ અને દુનિયાના ખુણે-ખુણા સુધી પહોંચી રહ્યો છે. ગુજરાતના આર્થિક વિકાસમાં આ વસ્તુનો પણ વિશેષ ફાળો રહેલો છે.

(5:01 pm IST)
  • ખૂબ જલ્દી કેન્દ્રીય કેબિનેટમાં ફેરફારની તૈયારી : પીએમ મોદીની ગૃહમંત્રી અમિતભાઇ શાહ અને જેપી નડ્ડા સાથેની બેઠક મોડી રાત્રે પુરી થઈ : પીએમ મોદી કાલે ધર્મેંદ્ર પ્રધાન, નરેન્દ્ર સિંહ તોમર, ગજેન્દ્ર સિંહ શેખાવત, મહેન્દ્ર નાથ પાંડેય, હરદીપ પુરીની સાથે તેમની સાથે સંબંધિત મંત્રાલયોના કામોની સમીક્ષા કરશે : કેબિનેટમાં બહુ મોટા પરિવર્તનો તુરંત માં થશે તેમ PMO ના સુત્રો થકી જાણવા મળે છે (ન્યૂઝફર્સ્ટ) access_time 11:41 pm IST

  • પેટીએમ, ઇન્ફોસિસ અને મેકમાયટ્રિપ કમ્પનીઓએ ઓનલાઇન કોરોના રસીના બુકિંગ પ્રદાન કરવા માટે કેન્દ્ર સરકારની મંજૂરી માંગી છે. (ન્યૂઝફર્સ્ટ) access_time 9:32 am IST

  • આખરે ટીએમસી માંથી ભાજપમાં શામેલ થયેલ બંગાળના દિગ્ગજ નેતા મુકુલ રોયની ઘર વાપસી થઈ : ફરી ટીએમસીમાં જોડાયા : ભાજપ માટે શરમજનક ઘટના : હજુ ઘણાં ધારાસભ્યો સહિત ભાજપના નેતાઓ પણ તેમની મૂળ પાર્ટી ટીએમસીમાં પાછા જાય તેવી સંભાવના : CM મમતા બેનર્જી બપોરે 3.30 વાગ્યે ટીએમસી ભવન ખાતે પ્રેસ કોન્ફરન્સ કરશે તેમ જાણવા મળે છે. (ન્યુઝફર્સ્ટ) access_time 2:42 pm IST