Gujarati News

Gujarati News

News of Friday, 11th June 2021

વડોદરાના નવાપુરા વિસ્તારમાં પત્ની સાથે છૂટાછેડા થઇ જતા ડિપ્રેશનમાં આવી 40 વર્ષીય શખ્સે ફાસો ખાઈ મોતને વ્હાલું કર્યું

વડોદરા:પત્ની સાથે છૂટાછેડા અને બેકારીના કારણે સતત ડિપ્રેશનમાં રહેતા ૪૦  વર્ષના યુવાને અગાશી પર રૃમમાં જઇ પંખા પર દોરી વડે ફાંસો ખાઇને આપઘાત કરી  લીધો હતો.જે અંગે નવાપુરા પોલીસે કાયદેસરની કાર્યવાહી હાથ ધરી છે.

પોલીસ સૂત્રો દ્વારા મળતી માહિતી મુજબ,નવાપુરા સિદ્ધનાથ રોડ  પર કમલપ્રભા એપાર્ટમેન્ટમાં રહેતો ગૌરાંગ રામચંદ્ર ઠાકોર છૂટક ધંધો કરતો હતો.ગઇકાલે તેણે અગાશી પર રૃમમાં પંખા પર દોરી વડે ફાંસો ખાઇને આપઘાત કરી લીધો હતો.સવારે તેનો ભાઇ અગાશી પર જતો હતો.પરંતુ,અગાશીનો દરવાજો બંધ હોય તેણે બાજુના એપાર્ટમેન્ટ પર જઇને જોયુ તો તેના ભાઇએ રૃમમાં ફાંસો ખાઇ લીધો  હતો.બનાવ  અંગે પોલીસને જાણ કરવામાં આવતા .એસ.આઇ.ચતુરભાઇએ તપાસ શરૃ કરી  હતી.પોલીસને પ્રાથમિક તપાસ દરમિયાન એવી વિગતો જાણવા મળી હતી  કે,ગૌરાંગ ઠાકોર છૂટક ધંધો કરતો હતો.પરંતુ,છેલ્લા બે વર્ષથી તેનો ધંધો બરાબર ચાલતો નહતો.અને તે દરમિયાન પત્ની સાથે તકરાર થતા બંને વચ્ચે છૂટાછેડા થઇ ગયા હતા.લોકડાઉન પછી તેનો ધંધો સાવ ભાંગી પડયો હતો.તેના કારણે ગૌરાંગ સતત ડિપ્રેશનમાં રહેતો હતો.અને તેના કારણે તેને આપઘાત કરી લીધો હોવાની શક્યતા  પોલીસે વ્યક્ત કરી છે.

(5:53 pm IST)
  • સીનીયર ક્લાર્ક માટેની પરીક્ષા ૩૧ જુલાઈએ લેવાશે : ગૌણ સેવા પસંદગી મંડળે સીનીયર ક્લાર્કની પરીક્ષા માટેની તારીખ જાહેર કરી દીધી. હવે ૩૧ જુલાઈએ લેવાશે સીનીયર ક્લાર્ક માટેની પરીક્ષાઓ લેવાશે. અગાઉ ૨૪ જુલાઈનુ આયોજન હતુ પરંતુ હવે તે તારીખ થોડી પાછી લઈ જાય અને ૩૧ જુલાઈ કરવામાં આવી છે. access_time 9:53 pm IST

  • એક લાખ કરોડ રૂપિયાના IL&FS કૌભાંડમાં માસ્ટર માઈન્ડ અને ઈન્ફ્રાસ્ટ્રક્ચર લીઝિગ એન્ડ ફાઈનાન્સિયલ સર્વિસ પૂર્વ ચેરમેન રવિ પાર્થશારથીની ધરપકડ : ચેન્નાઈ પોલીસની અપરાધ શાખા એ ધરપકડ કરી :ઈકોનોમિક ઓફિસ (EOW)એ કહ્યું કે પૂર્વ ચેરમેન રવિ પાર્થસારથીના નેતૃત્વમાં IL&FS ફ્રોડ કરવાનું મુખ્ય મથક બની ગયું હતું. access_time 12:41 am IST

  • અમેરિકાના ફૂડ એન્ડ ડ્રગ એડમિનિસ્ટ્રેશન (USFDA) એ ભારતની કોવેકસીન રસી લોન્ચ કરવામાં વિલંબ કરતાં કોવેકસીન રસીના અમેરિકામાં ઇમરજન્સી યુઝ ઓથોરાઇઝેશન ની ભારત બાયોટેકની દરખાસ્તને નકારી કાઢી છે. ભારત બાયોટેકના યુએસ પાર્ટનર ઓક્યુજને ગુરુવારે કહ્યું હતું કે કંપની હવે કોવેક્સિનની સંપૂર્ણ મંજૂરી માંગશે. USFDA દ્વારા કંપનીને વધારાની ટ્રાયલ શરૂ કરવા કહેતા, આના પરિણામેં હવે કંપની બાયોલોજીક્સ લાઇસન્સ એપ્લિકેશન (BLA) માટે ફાઇલ કરી શકશે, જેને અમેરિકામાં સંપૂર્ણ મંજૂરી ગણાય છે. access_time 11:58 am IST