Gujarati News

(ભરત શાહ દ્વારા) રાજપીપળા : નર્મદા પોલીસ વડા હિમકર સિંહ તથા નાયબ પોલીસ અધિક્ષક રાજેશ પરમાર રાજપીપલા નાઓએ જરૂરી સુચનાઓ અને માર્ગદર્શન આપતા પો.સ.ઇ. એ.આર.ડામોર ના સીધા માર્ગદર્શન હેઠળ દેડીયાપાડા પોલીસ સ્ટાફના માણસો પેટ્રોલીગમાં નીકળેલ હતા તે દરમ્યાન બાતમી મળેલ કે, દેડીયાપાડા મોઝદા રોડ ઉપર આવેલ શારદાદેવી સ્કુલ પાછળ ખુલ્લી જગ્યામાં લીમડાના ઝાડ નીચે પૈસા વડે પત્તા પાનાનો હારજીતનો જુગાર રમી રમાડે છે.જે બાતમી આધારે ત્યાં રેઇડ કરતા પત્તા પાનાનો પૈસા વડે હારજીત નો જુગાર રમતા છ ઇસમોને પકડી લીધેલ અને પકડાયેલ છે આરોપીઓની અંગ ઝડતીના તથા દાવ ઉપરના રોકડા રૂ .૧૨,૨૪૦  તથા મોબાઇલ નંગ -૦૬ કિં.રૂ .૩૦૦૦  તથા ટુ - વ્હીલર ગાડી નંગ -૦૩ કિં.રૂ.૬૦,૦૦૦  મળી કુલ કિં.રૂ .૭૫,૨૪૦ નો જુગારનો મુદામાલ કબ્બે કરી છ આરોપીઓને પકડી પાડવામાં આવેલ છે.
પકડાયેલ આરોપીઓ પૈકી શંકરભાઇ દયારામ વસાવા વિરૂધ્ધ દેડીયાપાડા પો.સ્ટે.માં અગાઉ પણ જુગારના ૯ ( નવ ) ગુના નોંધાયેલા હોય અને લીસ્ટેડ જુગારીયો હોય આ આરોપી વિરૂધ્ધ પોલીસ અવાર નવાર રેઇડો કરી કાયદેસરની કાર્યવાહી કરતી હોય જેથી પોતાનો ગેર કાયદેસરનો જુગારનો ધંધો ચલાવવા માટે થોડા દિવસ પહેલા પોલીસ વિરૂધ્ધ ખોટા આક્ષેપો કરતો જુનો વીડીયો સોશ્યલ મીડીયામાં વાયરલ કર્યો હતો. પરંતુ આવા અસામાજીક પ્રવૃતી કરતા ઇસમો વિરૂધ્ધ સખતમાં સખત કાર્યવાહી કરી દારૂ / જુગારની બદીને નેસ્ત નાબુદ કરવા નર્મદા પોલીસ સતત પ્રયત્નશીલ છે .