Gujarati News

Gujarati News

News of Friday, 14th May 2021

ગુજરાતના ગામડાઓમાં પોઝીટીવીટીરેટ ખુબ જ ચિંતાજનક

શહેરોમાં દૈનિક કેસોમાં આંશિક ઘટાડો પરંતુ રાજકોટ, જુનાગઢ, ગિર સોમનાથ, વડોદરા, મહિસાગર જેવા જીલ્લાઓમાં ખુબ જ ચિંતાજનક સ્થિતિ

રાજકોટઃ ગુજરાત સહિત આખો દેશ કોરોના વાયરસના સંકટમાંથી પસાર થઈ રહ્યો છે. દેશમાં વાયરસના કારણે દરરોજ લાખો લોકો સંક્રમિત થઈ રહ્યા છે જ્યારે હજારો લોકો પોતાના જીવ ગુમાવી રહ્યા છે. ગુજરાતમાં પણ એપ્રિલ મહિનામાં ૧૪ હજારથી પણ વધારે કેસ સામે આવ્યા હતા, જો કે મે મહિનાથી કેસમાં ધીમે ધીમે ઘટાડો સામે આવી રહ્યો છે. રાજ્યમાં ઘટતા કેસ વચ્ચે દાવા કરવામાં આવી રહ્યા છે કે ગુજરાતને બીજી લહેરમાંથી રાહત મળી રહી છે પરંતુ આજે પણ ગુજરાતના ગામડાઓમાં પોઝિટીવીટી રેટ ખૂબ જ ચિંતાજનક છે.

કોરોના વાયરસની પહેલી લહેરની સરખામણીમાં બીજી લહેરમાં વાયરસનો કહેર ગ્રામીણ વિસ્તારમાં ખૂબ વધારે જોવા મળ્યો છે. ગ્રામીણ વિસ્તારોમાં સુવિધાના અભાવે લોકોએ વધારે પરેશાન થવાનો વારો આવ્યો છે ત્યારે હાલમાં ગુજરાતના શહેરોમાં દૈનિક કેસ ઘટી રહ્યા છે પરંતુ જૂનાગઢ, વડોદરા, રાજકોટ, ગીર સોમનાથ, મહીસાગર જેવા જિલ્લામાં પોઝિટીવીટી રેટ આજે પણ ખૂબ જ વધારે છે જે ચિંતાજનક છે.   પંચમહાલ જિલ્લામાં ૨૦ ટકા પોઝિટીવીટી રેટ છે જેનો અર્થ થાય છે કે પંચમહાલમાં ૧૦૦ કોરોના ટેસ્ટ કરવામાં આવે તો તેમાંથી ૨૦ લોકો પોઝિટિવ નીકળે છે. આજ રીતે જુદા જુદા જિલ્લાઓમાં ૧૫ ટકાની આસપાસ પોઝિટીવીટી રેટ જોવા મળી રહ્યો છે જેથી કહી શકાય છે કે   ગ્રામીણ વિસ્તારોમાં  આજે પણ સંક્રમણ વધારે છે. (૪૦.૧૦)

કયા જીલ્લામાં કેટલો પોઝીટીવીટીરેટ ?

પંચમહાલ-૨૦ %, જૂનાગઢ-૧૬  % , વડોદરા-૧૬ % , રાજકોટ-૧૫ %, ગીર સોમનાથ-૧૫ %, અમરેલી-૧૨ %, મહીસાગર-૧૦ %, દ્વારકા-૧૬ %

(3:46 pm IST)
  • પોરબંદરમાં આજે 20 મૃતદેહને અગ્‍નીસંસ્‍કાર કરાયો હતો હોવાનું જાણવા મળે છે access_time 10:03 pm IST

  • કાઠમંડુ : કે.પી.શર્મા ઓલી ફરી એકવાર નેપાળના વડાપ્રધાન બન્યા છે. નેપાળના રાષ્ટ્રપતિ સુ. શ્રી વિદ્યા ભંડારીએ નેપાળના બંધારણ હેઠળ સૌથી મોટા પક્ષના નેતા હોવાના કારણે ઓલીને વડાપ્રધાન તરીકે નિયુક્ત કર્યા છે. નેપાળની સંસદમાં વિશ્વાસનો મત ગુમાવ્યા બાદ રાષ્ટ્રપતિએ ગઠબંધન સરકાર બનાવવા માટે ત્રણ દિવસનો સમય આપ્યો હતો, જે આજે પૂરો થયો છે. પરંતુ નેપાળના વિરોધી પક્ષો દ્વારા તમામ પ્રયાસો છતાં બહુમતી મેળવવામાં તેઓ નિષ્ફળ રહ્યા હતા અને સત્તાનું સુકાન ફરી એકવાર કે.પી.શર્મા ઓલીના હાથમા આવી ગયું. access_time 11:11 pm IST

  • રાજકોટમાં ૪૧ ડિગ્રી : તાપ સાથે ૧૬ કિ.મી.ની ઝડપે ગરમ પવન પણ ફુંકાઇ રહયા છે બે-ત્રણ દિવસથી ગરમીમાં આંશિક ઘટાડા બાદ આજે થોડો વધારો થયો છે. access_time 3:36 pm IST