Gujarati News

Gujarati News

News of Friday, 14th May 2021

નોકરીના બહાને ૬ વર્ષથી અલગ રહેતો પતિ બીજી પત્નિઃ બાળક સાથે ઘરે પરત ફર્યો

'તને પુત્ર ન થતો હોવાથી તું મને નથી ગમતી' કહી બીજી પત્નિ માટે ચાર દીકરીઓ સાથે પતિએ પહેલી પત્નિને ઘરમાંથી કાઢી મૂકી : ૨૦૧૪માં નોકરી માટે છોડીને ગયેલા પતિએ બીજા લગ્ન કર્યાઃ પેથાપુર પોલીસે ગુનો દાખલ કરીને વધુ કાર્યવાહી હાથ ધરી

ગાંધીનગર, તા.૧૪: નોકરીનાં બહાને ઘરથી અલગ રહેતો પતિ છ વર્ષ પછી અચાનક તેની બીજી પત્નીને લઈને પરત ઘરે આવતા પેથાપુર પોલીસમાં ફરિયાદ નોંધાઈ છે. એટલું જ નહીં, બીજી પત્નીને ઘરે લઈ આવ્યા બાદ પતિએ પ્રથમ પત્ની અને ચારેય સંતાનોને પણ ઘરમાંથી બહાર કાઢી મુકતા પોલીસે તેની સામે ગુનો દાખલ કરીને કાયદેસરની કાર્યવાહી હાથ ધરી છે.

હાલ માણસાના રિદ્રોલમાં પિયર ખાતે રહેતા ૨૪ વર્ષીય ચંદ્રિકાબેન ઠાકોર પેથાપુર પોલીસ સ્ટેશનમાં નોંધાવેલી ફરિયાદ મુજબ, વર્ષ ૨૦૦૮માં તેમના લગ્ન પેથાપુરમાં રહેતા શૈલેષ ઠાકોર સાથે થયા હતા. લગ્નજીવન દરમિયાન ચાર દીકરીઓનો જન્મ થયો હતો જેમની ઉંમર ૧૦, ૯, ૬ અને ૫ વર્ષની છે. ડ્રાઈવિંગનો ધંધો કરતો પતિ વર્ષ ૨૦૧૪માં નોકરી કરવાનું કહીને ઘરેથી જતો રહ્યો હતો. ૨૦૨૦ સુધી તેણે બહાર નોકરી કરી હતી અને ૬ વર્ષે પતિએ ફોન કરીને બીજી પત્ની અને બાળક સાથે ઘરે રહેવા આવતો હોવાનું જણાવ્યું હતું.

પોતાના ઘરસંસારમાં બીજી મહિલાની એન્ટ્રી થતાં ચંદ્રિકાબેને વિરોધ કર્યો હતો. પરંતુ વડ સાસુ અને આસપાસના લોકોએ સમજાવતા મહિલા તૈયાર થઈ ગઈ હતી. બીજી પત્ની અને બાળક સાથે ઘરે આવેલા પતિએ પાંચ દિવસમાં જુદા-રહેવા જવાની વાત કરી ઝદ્યડો કર્યો હતો જે બાદ તે અલગ રહેવા જતો રહ્યો હતો. મજૂરી કરીને પરિવારનું ગુજરાન કરતી ચંદ્રિકાબેનને પૈસાની જરૂર પડતા પતિ પાસે માગ્યા હ તા. જો કે, પતિએ મારઝુડ કરીને, તારે પુત્ર ના થતો હોવાથી તું મને ગમતી નથી, ના છૂટકે તને રાખી છે. કહ્યું હતું. જે બાદ ચંદ્રિકાબેન ચારેય દીકરીઓ સાથે પિયર જતી રહી હતી.

ચંદ્રિકાબેને જણાવ્યા અનુસાર પતિ બીજી પત્ની અને બાળક સાથે પેથાપુરના ઘરે રહેવા આવી ગયો હતો. હાલ પ્રથમ પત્ની ચંદ્રિકાબેનની ફરિયાદના આધારે પેથાપુર પોલીસે પતિ સામે ગુનો દાખલ કરીને તેની સામે કાયદેસરની કાર્યવાહી હાથ ધરી છે.

(3:48 pm IST)
  • રશિયન સરકારે “અંફ્રેન્ડલી સ્ટેટ્સ” ની સૂચિ બહાર પાડી છે જેમાં હવે અમેરિકા અને ચેક રિપબ્લિકનો સમાવેશ થાય છે. ચેક દૂતાવાસને 19 રશિયન નાગરિકો અને અમેરિકી દૂતાવાસોને એકપણ અધિકારી રાખવાની મંજૂરી આપવામાં આવશે નહીં તેમ રશિયન સરકારના સૂત્રોએ જણાવ્યું હતું. access_time 12:48 am IST

  • ઓસ્ટ્રેલિયા : યુનિવર્સિટી ઓફ ન્યુ સાઉથ વેલ્સ, સિડનીએ તેના મુખ્ય પુસ્તકાલય ટાવરને "ભારતીય વિદ્યાર્થીઓ અને મિત્રો" ના સમર્થનમાં ત્રીરંગા ના કલરમાં પ્રકાશિત કર્યો હતો access_time 10:48 pm IST

  • એમપીમાં પત્રકારો અને પરિવારની કોરોના સારવારનો ખર્ચ શિવરાજ સરકાર ઉઠાવશે મધ્યપ્રદેશમાં કોરોના વોરિયર પત્રકારો અને તેમના પરિવારના સભ્યોના કોરોનાની સારવારનો સંપૂર્ણ ખર્ચ ભાજપની શિવરાજસિંહ ચૌહાણ સરકાર ઉઠાવશે. access_time 4:59 pm IST