Gujarati News

Gujarati News

News of Friday, 15th January 2021

મહેસાણા દુધસાગર ડેરીમાં અશોક ચૌધરીની ચેરમેનપદે અને અમરત દેસાઇની વાઇસ ચેરમેનપદે વરણી

મહેસાણા: દૂધસાગર ડેરીમાં અશોક ચૌધરીની ચેરમેન તરીકે નિમણૂંક કરવામાં આવી છે. અશોક ચૌધરીની ટર્મ 5 વર્ષની રહેશે.ચૂંટણી અધિકારી સીસી પટેલની અધ્યક્ષતામાં બોર્ડની બેઠક મળી હતી જેમાં અશોક ચૌધરીનું નામ ચેરમેન તરીકે જાહેર કરવામાં આવ્યુ હતું. પ્રથમ અઢી વર્ષ માટે વાઇસ ચેરમેન તરીકે અમરત દેસાઇ જ્યારે બીજા અઢી વર્ષ માટે વાઇસ ચેરમેન તરીકે જશીબેન દેસાઇની વરણી કરવામાં આવી છે.

મહત્વપૂર્ણ છે કે દૂધસાગર ડેરીમાં 15 વર્ષે સત્તા પલટો થયો હતો. અશોક ચૌધરીની પરિવર્તન પેનલનો ભવ્ય વિજય થયો હતો જ્યારે વિપુલ ચૌધરીની વિકાસ પેનલના માત્ર બે જ ઉમેદવારો જીતી શક્યા હતા. વાર્ષિક 5800 કરોડનું ટર્ન ઓવર ધરાવતી દૂધ સાગર ડેરીના અશોક ચૌધરી નવા ચેરમેન બન્યા છે.

મહેસાણા દૂધસાગર ડેરીની ચૂંટણીમાં 15 બેઠકમાંથી વિજાપુરની બે બેઠકને બાદ કરતા તમામ 13 બેઠકો પર અશોક ચૌધરી જૂથની પરિવર્તન પેનલનો વિજય થયો હતો.ચોકાવનારી વાત તો એ હતી કે ખુદ વિપુલ ચૌધરી ખેરાલુ બેઠક પર સરદાર ચૌધરી સામે 13 મતે હારી ગયા હતા.

કોણ છે અશોક ચૌધરી?

અશોક ચૌધરી વિસનગર તાલુકાના ચિત્રોડીપુરા ગામના વતની છે. મહેસાણા નગરપાલિકાના પ્રમુખ રહી ચુક્યા છે. ત્રણ બાળકોના કાયદામાં પાલિકા પ્રમુખ પદેથી તે સસ્પેન્ડ થયા હતા. મહેસાણા જિલ્લાના મહામંત્રી રહી ચુક્યા છે. ગુજરાત રાજ્ય હાઉસિંગ બોર્ડમાં ડિરેક્ટરની જવાબદારી પણ તે સંભાળી ચુક્યા છે. દૂધ સાગર ડેરીમાં ગત ટર્મમાં ડિરેક્ટર હતા. મહેસાણા જિલ્લામાં ભાજપનો યુવા ચહેરો છે.

(5:19 pm IST)
  • અમેરીકામાં કોરોનાના કહેરના પગલે ૧૦ ફેબ્રુઆરી સુધી શાળાઓ બંધ : અમેરિકાના ઓન્ટેરીયો પ્રાંતમાં કોરોનાના કહેરને કારણે ૨૮ દિવસની કટોકટી લદાઈઃ પ્રાંતના તમામ લોકોને ઘરે રહેવા આદેશો : ટોરોન્ટો, ન્યુ યોર્ક હેમિલ્ટન, વિન્ડસર-આઇસેકસ જેવા પ્રાંતોમાં શાળાઓ ૧૦ ફેબ્રુઆરી સુધી બંધ રહેશે. access_time 1:26 pm IST

  • સુપ્રીમ કોર્ટ બાર એશોશિએશનના અધ્યક્ષ પદેથી દુષ્યંત દવેનું રાજીનામુ : હોદાની મુદત પુરી થઇ ગયા પછી ચીટકી રહેવાનો કોઈ અર્થ નથી : ડિજિટલ ઈલેક્શન માટે અમુક વકીલો સંમત નથી access_time 7:36 pm IST

  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11 વાગ્યા સુધીમાં કોરોનાના નવા 15,336 કેસ નોંધાયા :કુલ કેસની સંખ્યા 1,05, ,43,844 થઇ :એક્ટિવ કેસ 2,08,357 થયા: વધુ 16,355 દર્દીઓ સ્વસ્થ થતા કુલ 1,01,78,437 થયા :વધુ 771 લોકોના મોત સાથે કુલ મૃત્યુઆંક 1,52,665 થયા access_time 1:04 am IST