Gujarati News

Gujarati News

News of Friday, 15th January 2021

રાજપીપળા સહિત સમગ્ર નર્મદા જિલ્લામાં જાહેરનામાના પાલન સાથે ઉત્તરાયણ પર્વની ઉજવણી કરાઈ

(ભરત શાહ દ્વારા) રાજપીપળા : રાજપીપળા સહિત સમગ્ર નર્મદા જિલ્લામાં ઉત્તરાયણના પર્વનો અનેરો ઉત્સાહ જોવા મળ્યો જેમાં કોવિડના નિયમના પાલન સાથે પતંગ રસિયાઓએ ઉત્તરાયણ પર્વની ઉજવણી કરી હતી.ગત વર્ષોની સરખામણી માં આ વર્ષે ધાબાઓ ઉપર જાહેરનામા

ના કારણે વધુ ભીડ એકઠી થઈ ન હોય દરેક પરિવારો એ પોતાની અગાસીઓ ઉપર પતંગો ચકાવી આનંદ લીધો હતો ત્યારે નર્મદા પોલીસ પણ આ બાબતે સજાગ બની હોય કોઈ જાહેરનામા નો ભંગ ન કરે તે માટેની સંપૂર્ણ તકેદારી રખાઈ હતી.ત્યારે મોડી સાંજ સુધી પતંગ રસિયાઓ પતંગ ની સાથે સાથે ઊંધીયા, જલેબી અને ફટાકડા ફોડી ઉત્તરાયણ પર્વ ને નિયમોનુસાર ઉજવ્યો હતો. સાંજ સુધી ઉત્તરાયણ પર્વ માં રાજપીપળા સિવિલ ખાતે એક બાળક અને એક આધેડ સહિત બે ઇજાગ્રસ્તો ને સારવાર અર્થે લવાયા હતા આમ જોવા જઈએ તો ગત વર્ષો કરતા આ વર્ષની ઉત્તરાયણ એક પારિવારિક ઉત્તરાયણ જોવા મળી હતી.

(11:42 pm IST)
  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11 વાગ્યા સુધીમાં કોરોનાના નવા 13,746 કેસ નોંધાયા :કુલ કેસની સંખ્યા 1, 05, ,26,577 થઇ :એક્ટિવ કેસ 2,10,482 થયા: વધુ 13,751 દર્દીઓ સ્વસ્થ થતા કુલ 1,01,59,805 થયા :વધુ 159 લોકોના મોત સાથે કુલ મૃત્યુઆંક 1,51, 924 થયા access_time 12:17 am IST

  • ૨૨થી વધુ વ્હીલવાળો મહાકાય ટ્રક પુલ નીચે ખાબકયો : રાજકોટથી અમદાવાદ હાઈવે ઉપરના બગોદરા નજીક આવેલ પુલ ઉપરથી આજે બપોરે એક મહાકાય ટ્રકના ચાલકે અચાનક બેલેન્સ ગુમાવતા ટ્રક પુલ નીચે ખાબકયો હતો : સદ્દનસીબે કોઈ મોટી જાનહાની સર્જાઈ ન હતી : હાઈવે ઉપરના વાહન ચાલકોએ તુરંત જ પોતાની ગાડીઓ થંભાવી અને ટ્રક ચાલક પાસે પહોંચી ગયા હતા પરંતુ ટ્રકચાલકને પણ કોઈ મોટી ઈજા થઈ ન હતી, દરમિયાન આસપાસના લોકોએ માર્ગ ઉપર સેફટીના સાધનો મૂકી વાહન વ્યવહાર ડાયવર્ટ કરાવ્યો હતો. access_time 4:25 pm IST

  • લેન્ડ ગ્રેબીંગ અંગે આજે સાંજે પ વાગ્યે કલેકટરના અધ્યક્ષપદે બીજી બેઠક મળશેઃ કેસો મંગાવાયા : રાજય સરકારે જમીન માફીયાઓ સામે દાખલ કરેલા લેન્ડ ગ્રેબીંગ કાયદા અંગેની આજે બીજી મહત્વની બેઠક કલેકટરના અધ્યક્ષપદે સાંજે પ વાગ્યે કલેકટર કચેરીમાં મળશે. જેમાં સીપી-ડીસીપી-એસપી-પ્રાંત-મ્યુ. કમિશ્નર-ડીડીઓ-રૂડા તથા અન્ય કુલ ૧૮ અધિકારીઓ હાજર રહેશેઃ સંખ્યાબંધ કેસો હોવાની શકયતાઃ સીટી પ્રાંત-ર દ્વારા પણ ૧ કેસ. આજે કેસોની સમીક્ષા બાદ કેસો દાખલ કરવા અંગે નિર્ણય. access_time 4:26 pm IST