Gujarati News

Gujarati News

News of Saturday, 15th January 2022

મહિલાને પ્રેમજાળમાં ફસાવીને સ્વિમિંગે કોચે દુષ્કર્મ આચયંર્ુ

વેરાવળમાં એક ચોંકાવનારી ઘટના સામે આવી : હોટેલમાં સ્વિમિંગ શીખવા જતી મહિલાનો વીડિયો ઉતારી સાત વર્ષ સુધી સ્વિમિંગ કોચ હવસ સંતોષતો રહ્યો

વેરાવળ, તા.૧૫ : એક ચોંકાવનારી ઘટનામાં સ્વિમિંગ શીખવા જતી ધનાઢ્ય પરિવારની પરિણીતાને પ્રેમજાળમાં ફસાવી દુષ્કર્મ આચરનારા સ્વિમિંગ કોચની પોલીસે ધરપકડ કરી છે. ફરિયાદ અનુસાર, પરિણીતા ૨૦૧૪માં સ્વિમિંગ શીખવા જતી હતી. તે દરમિયાન તેનો પરિચય પ્રકાશ શિમ્પી નામના ટ્રેનર સાથે થયો હતો. પ્રકાશ વેરાવળની એક હોટેલમાં સ્વિમિંગ શીખવતો હતો. ચોંકાવનારી વાત એ છે કે, ૨૦૧૪થી ૨૦૨૧ સુધી પ્રકાશે વારંવાર મહિલા સાથે દુષ્કર્મ આચર્યું હતું. સ્વિમિંગ શીખવા આવતી પરિણીતાને પ્રકાશે પોતાની મોહજાળમાં ફસાવીને તેની સાથે વાતો કરવાનું શરુ કર્યું હતું. આ દરમિયાન તેણે નીકટતા કેળવીને પરિણીતા પર દુષ્કર્મ આચરીને તેનો વિડીયો ઉતારી લીધો હતો. ત્યારબાદ તેણે પોતાનું અસલી સ્વરુપ બતાવતા વિડીયો વાયરલ કરવાની ધમકી આપીને મહિલા સાથે વારંવાર તેની મરજી વિરુદ્ધ સંબંધ બાંધ્યા હતા. પોતાની આબરું બચાવવા માટે પરિણીતા અત્યારસુધી ચૂપચાપ પ્રકાશનો અત્યાચાર સહન કરી રહી હતી. જોકે, પ્રકાશે મહિલાના દીકરાને અને પતિને પણ વિડીયો મોકલીને પરેશાન કરવાનું શરુ કર્યું હતું. આખરે મહિલાને જેનો ડર હતો તેવી ઘટના બનતા તે આઘાતમાં સરી પડી હતી. પ્રાપ્ત વિગતો અનુસાર, પ્રકાશે મહિલા સાથેના વિડીયોને વાયરલ કરી દીધા હતા. જેના કારણે મહિલા ક્યાંય મોઢું બતાવવા લાયક નહોતી રહી. આ મામલે પરિણીતા દ્વારા પોલીસની શી ટીમનો સંપર્ક કરવામાં આવ્યો હતો. જેણે મહિલાનું કાઉન્સેલિંગ કરીને તેમને ટ્રેનર સામે ફરિયાદ નોંધાવવા માટે સમજાવ્યા હતા. પોલીસે સહકાર અને હિંમત આપતા મહિલા ફરિયાદ માટે તૈયાર થઈ જતાં મૂળ મહારાષ્ટ્રના અને હાલ વડોદરામાં સ્વિમિંગ શીખવતા ટ્રેનર પ્રકાશ શિમ્પી સામે વેરાવળ પોલીસ સ્ટેશનમાં FIR નોંધાઈ હતી. વેરાવળ પોલીસે ફરિયાદ નોંધાયા બાદ ઝડપથી કાર્યવાહી કરીને વડોદરાથી પ્રકાશને ઝડપી લીધો હતો. આરોપી વિરુદ્ધ સાયબર ક્રાઈ ઉપરાંત દુષ્કર્મ આચરવા સહિતના

ગુના નોંધીને તેને કોર્ટમાં રજૂ કરવામાં આવ્યો હતો, જ્યાંથી તેના ચાર દિવસના રિમાન્ડ મેળવવામાં આવ્યા હતા. પોલીસના જણાવ્યા અનુસાર, ફરિયાદી મહિલાને ૨૦ વર્ષનો દીકરો છે. તેમણે અનેકવાર પ્રકાશને પોતાનો પીછો છોડી દેવા માટે વિનંતી કરી હતી, પરંતુ વિડીયોને આધારે પ્રકાશે તેમનું શોષણ કરવાનું ચાલુ રાખ્યું હતું. પ્રકાશ પરિણીતાને ધમકી આપતો હતો કે જો તેણે તેની માગ પૂરી ના કરી તો તે વિડીયો વાયરલ કરીને તેને બદનામ કરી દેશે. જોકે, પ્રકાશના કૃત્યથી કંટાળેલી મહિલાએ આખરે તેના તાબે થવાની ના પાડી દેતા આરોપીએ મહિલાના પતિ અને દીકરાને વિડીયો મોકલી દીધા હતા, એટલું જ નહીં આ વિડીયો સોશિયલ મીડિયા પર પણ વાયરલ કરી દેવામાં આવ્યા હતા. ત્યારબાદ છેલ્લા છ વર્ષથી અત્યાચાર સહન કરી રહેલી મહિલા પોલીસ ફરિયાદ માટે તૈયાર થઈ હતી. હાલ પોલીસના રિમાન્ડ પર રહેલા આરોપીને કડકમાં કડક સજા થાય જેથી આવું કૃત્ય કરતા પહેલા કોઈ સો વાર વિચાર કરે તેવી માગ પણ ઉઠી રહી છે.

(7:36 pm IST)