Gujarati News

Gujarati News

News of Saturday, 15th May 2021

રાજ્યના પૂર્વ મંત્રી એલ.ટી. રાજાણીનું નિધન

જૂનાગઢ જિલ્લા સહકારી બેન્કના પૂર્વ ચેરમેન તરીકે પણ ફરજ બજાવી’તીઃ અમદાવાદમાં કોરોનાની સારવાર દરમિયાન અંતિમશ્વાસ લીધા

(વિનુ જાશી દ્વારા) જૂનાગઢ, તા. ૧૫ :. રાજ્યના પૂર્વ મંત્રી એલ.ટી. રાજાણીનું અમદાવાદની હોસ્પીટલમાં કોરોનાની સારવાર દરમિયાન નિધન થતા ઘેરોશોક છવાઈ ગયો છે.

૭૫ વર્ષના પૂર્વ મંત્રી અને જૂનાગઢ જિલ્લા સહકારી બેન્કના પૂર્વ ચેરમેન એલ.ટી. રાજાણીની તબીયત નાદુરસ્ત થતા અમદાવાદ સારવાર માટે ખસેડવામાં આવ્યા હતા, જ્યાં આજે સવારે તેઓએ અંતિમશ્વાસ લેતા જૂનાગઢ પંથકમા શોકનું મોજુ ફરી વળ્યુ છે.

જનસંઘ વખતથી જૂનાગઢ જિલ્લામાં ભાજપને મજબૂત કરવા માટે સિંહફાળો આપનાર એલ.ટી. રાજાણી બે પુત્ર વિનુભાઈ અને કાળુભાઈ સહિતના પરિવારજનોને વિલાપ કરતા છોડી ગયા છે.

મેંદરડા તાલુકાના સમઢીયાળા ગામના વતની એલ.ટી. રાજાણી જૂનાગઢ જિલ્લા પંચાયતમા ચાર વખત સભ્ય તરીકે રહી ચૂકયા છે. તેમજ મેંદરડા યાર્ડના ચેરમેન તરીકે પણ સેવા આપી ચૂકયા છે.

એલ.ટી. રાજાણીના અવસાનના સમાચારથી જૂનાગઢ, મેંદરડા સહિત સોરઠમાં ભારે શોક છવાયો છે. પરિવારજનો, આગેવાનો, કાર્યકરોએ શોકાંજલી પાઠવી હતી.(૨-૧૮)

(1:05 pm IST)
  • વરિષ્ઠ પત્રકાર અને ફાઇનાન્સીયલ એક્સપ્રેસના એડિટર શ્રી સુનિલ જૈન નું દુઃખદ અવસાન : 12 દિવસ પહેલા તેમણે ટ્વીટ કરીને જણાવ્યું હતું કે તેઓ AIIMS ના ઇમરજન્સી વોર્ડમાં દાખલ થયા છે access_time 11:08 pm IST

  • પશ્ચિમ બંગાળમાં આવતીકાલ રવિવારથી ૧૫ દિવસનું આકરૂ અને સંપૂર્ણ લોકડાઉન : પશ્ચિમ બંગાળમાં આવતીકાલ રવિવારથી ૧૫ દિવસનું આકરૂ અને સંપૂર્ણ લોકડાઉન લાદવાનો નિર્ણય જાહેર કર્યો છે. પશ્ચિમ બંગાળમાં કોરોના બેફામ ફેલાયો છે, હજારો લોકો ભોગ બની રહ્યા છે, ત્યારે આજે મમતા બેનરજીએ ૧૫ દિવસનો સંપૂર્ણ અને આકરા નિઉયમનો સાથેનું લોકડાઉન જાહેર કરી દીધું છે, જેનો અમલ આવતીકાલથી થશે..ન્યૂઝફર્સ્ટ access_time 1:01 pm IST

  • દેશમાં ગુજરાત, તેલંગણા અને હિમાચલ ત્રણ રાજ્યોમાં જ માત્ર રાત્રિ કરફ્યુ અને નિયંત્રણો અમલમાં: બાકી સમગ્ર દેશમાં લોકડાઉન : ભારતમાં હવે માત્ર ગુજરાત, તેલંગણા અને હિમાચલ પ્રદેશ આ ત્રણ રાજ્યો એવા રહ્યા છે જ્યાં માત્ર રાત્રી કફર્યું અને કેટલાક નિયંત્રણો આ રાજ્યોમાં લાદવામાં આવ્યા છે. આ સિવાય લગભગ બધા જ રાજ્યોમાં લોકડાઉન લાદી દેવામાં આવ્યું છે. access_time 1:02 pm IST