Gujarati News

Gujarati News

News of Wednesday, 16th September 2020

અમદાવાદના શાહીબાગ વિસ્‍તારમાં એક મહિલાની હત્‍યા કરી હોમગાર્ડ જવાન સહિત ત્રણ આરોપીઓ નાસી જવામાં સફળ રહ્યા

શાહીબાગ પોલીસેહોમગાર્ડ જવાન મનોજ સામે ગુન્‍હો નોંધી તપાસ હાથ ધરીઃ આરોપીને ઝડપી લેવા ચક્રો ગતિમાન

અમદાવાદઃ અહિંના શાહિબાગ પાસે આવેલ ગણપતનગર વિસ્‍તારમાં પાડોશી વચ્‍ચે ચાલતી તકરારમાં હોમગાર્ડ જવાને મહિલાને ચપ્‍પુના ઘા મારી મોતને ઘાટ ઉતારી નાસી ગયાના સમાચાર મળતા પોલીસે ગુન્‍હો નોંધવા તજવીજ હાથ ધરી છે.

            શાહીબાગ વિસ્તારમાં ગણપતનગરમાં રહેતા હર્ષિદાબહેનના પરિવારને પાડોશીઓ સાથે અવારનવાર તકરાર થતી હતી. સામાન્ય બાબતે થતી તકરારે આજે ઉગ્ર સ્વરૂપ ધારણ કર્યું હતું. બનાવને પગલે બે પરિવારો સામસામે આવી ગયા હતા. જેમાં હર્ષિદાબહેનને હોમગાર્ડ જવાન  મનોજ સહીતના ત્રણ લોકોએ ચાકૂ ઘા માર્યા હતા. પત્નીને બચાવવા વચ્ચે પડેલા હર્ષિદાબહેનના પતિને  પણ ચાકૂનો ઘા વાગતા હાથમાં ઇજા પહોંચી હતી.

બનાવને પગલે શાહીબાગ પોલીસે સ્થળ પર પહોંચી તપાસ હાથ ધરી હતી. પોલીસે હત્યાનો ગુનો નોંધવા તજવીજ શરૂ કરી છે. શાહીબાગ પીઆઈ એ.કે.પટેલએ જણાવ્યું હતું કે,પાડોશીઓ વચ્ચેની તકરારમાં મહિલાની હત્યા કરી હોમગાર્ડ જવાન  મનોજ સહિત ત્રણ જણા ફરાર થઈ ગયા છે.

(11:10 pm IST)
  • આઈપીએલ માટે તમામ ટીમોમાં સૌથી મોટો પડકાર ગરમી હશે : મુંબઈ ઈન્ડિયન્સ ટીમના બોલર ટ્રેન્ટ બોલ્ટે કહ્યુ કે આઈપીએલની આ સીઝનમાં તમામ ટીમો માટે સૌથી મોટો પડકાર દુબઈની ગરમ અને ભેજવાળી સ્થિતિમાં એડજસ્ટ થવાનો રહેશે : હાલમાં ન્યુઝીલેન્ડમાં શિયાળો હોય છે જયારે અહિં ૪૫ ડિગ્રી તાપમાનમાં રણની વચ્ચે શરીરને ઢાળવવુ પડશે access_time 3:31 pm IST

  • જો સંતુલિત ટીમ ના હોય તો તમારે વધુ સક્રિય થવુ જોઈએ : આરસીબીના કેપ્ટન વિરાટ કોહલીનું માનવું છે કે આઈપીએલમાં બેંગ્લોરની ટીમ ૨૦૧૬ પછી પહેલીવાર સંતુલિત છે access_time 3:32 pm IST

  • સરદાર સરોવર ડેમની સપાટી 138 મીટર : નર્મદા ડેમ અંગે અંગે નાયબ મુખ્યમંત્રી નીતિનભાઈ પટેલે કહ્યું- સરદાર સરોવર ડેમની સપાટી 138 મીટર થઈ:ડેમમાં હાલ પાણીની આવક ચાલુ: વડાપ્રધાન મોદીના જન્મ દિવસે નર્મદા ડેમ ભરાઈ જશે: ઉદ્યોગો, પશુઓ અને ખેતીને ફાયદો થશે: પાણીની આવકના કારણે પાવર હાઉસ ચાલુ છે. access_time 12:52 am IST