Gujarati News

Gujarati News

News of Wednesday, 16th September 2020

ગાંધીનગરમાં કોંગ્રેસના ધારાસભ્યના નિવાસમાં રહેતા ભાણીયાનો આપધાત : ગળાફાંસો ખાધો

મૃતક રાકેશસિંહ છેલ્લાં કેટલાંક સમયથી પેરાલીસીસની બીમારીથી પણ પીડાતા હતા

ગાંધીનગર : શહેરના સેક્ટર-21માં સદસ્ય નિવાસમાં રાજ્યના તમામ ધારાસભ્યોને રહેવા માટે મકાન ફાળવવામાં આવ્યા છે ત્યારે ઠાસરાના કોંગ્રેસ ધારાસભ્યના નિવાસસ્થાનમા રહેતાં 42 વર્ષીય ભાણીયાએ ગળાફાંસો ખાઇ લીધો હતો. આ બનાવની જાણ સેક્ટર-21 પોલીસ સ્ટેશને થતા પોલીસે ઘટના સ્થળે પહોંચીને આગળની કાર્યવાહી હાથ ધરી હતી.

આ અંગે મળતી વિગત મુજબ સેક્ટર-21 સદસ્ય નિવાસમાં 12/10 નંબરનું મકાન ઠાસરાનાં કોંગી ધારાસભ્ય કાંતિભાઈ પરમારને ફાળવવામાં આવ્યું છે, ત્યારે આ મકાનમાં તેમનો 42 વર્ષીય ભાણિયો રાકેશસિંહ હઠીસિંહ ચાવડા તેના પરિવાર સાથે રહેતો હતો.

રાકેશસિંહ છેલ્લાં કેટલાંક સમયથી પેરાલીસીસની બીમારીથી પણ પીડાતા હતા. જ્યારે ગતરાત્રે સદસ્ય નિવાસના મકાનમાં જ ગળાફાંસો ખાઇ લીધો હતો. જ્યારે સેક્ટર-21 પોલીસ મથકે બનાવની જાણ થતાં મૃતકને ગાંધીનગર સિવિલ હોસ્પિટલમાં પીએમ માટે મોકલી આપ્યો હતો.

(12:50 pm IST)
  • આઈપીએલ માટે તમામ ટીમોમાં સૌથી મોટો પડકાર ગરમી હશે : મુંબઈ ઈન્ડિયન્સ ટીમના બોલર ટ્રેન્ટ બોલ્ટે કહ્યુ કે આઈપીએલની આ સીઝનમાં તમામ ટીમો માટે સૌથી મોટો પડકાર દુબઈની ગરમ અને ભેજવાળી સ્થિતિમાં એડજસ્ટ થવાનો રહેશે : હાલમાં ન્યુઝીલેન્ડમાં શિયાળો હોય છે જયારે અહિં ૪૫ ડિગ્રી તાપમાનમાં રણની વચ્ચે શરીરને ઢાળવવુ પડશે access_time 3:31 pm IST

  • હવે રાજધાની દિલ્હીના રેલવે સ્ટેશનનું ખાનગીકરણ : 20 કંપનીઓ સ્પર્ધામાં : અદાણી પણ શામેલ : આ અગાઉ અમદાવાદ સહિતના પાંચ એરપોર્ટનું સંચાલન સંભાળી લીધા પછી હવે રેલવે સ્ટેશન પણ સંભાળી લેવાની તૈયારીમાં અદાણી ગ્રુપ access_time 8:27 pm IST

  • સરદાર સરોવર ડેમની સપાટી 138 મીટર : નર્મદા ડેમ અંગે અંગે નાયબ મુખ્યમંત્રી નીતિનભાઈ પટેલે કહ્યું- સરદાર સરોવર ડેમની સપાટી 138 મીટર થઈ:ડેમમાં હાલ પાણીની આવક ચાલુ: વડાપ્રધાન મોદીના જન્મ દિવસે નર્મદા ડેમ ભરાઈ જશે: ઉદ્યોગો, પશુઓ અને ખેતીને ફાયદો થશે: પાણીની આવકના કારણે પાવર હાઉસ ચાલુ છે. access_time 12:52 am IST