Gujarati News

Gujarati News

News of Wednesday, 16th September 2020

મોવી ગામમાં પરવાનગી વિના શોપીંગનુ બાંધકામ કરનાર વ્યક્તિને નોટિસ આપવા ગયેલા મહિલા સરપંચને મારી નાંખવાની ધમકી

ચૈતર વસાવા તથા તેમની સાથેના માણસો એ ગે.કા. મંડળી રચી મારક હથીયાર ધારણ કરી સરપંચને ગાળો બોલી જાનથી મારી નાખવાની ધમકી આપી

(ભરત શાહ દ્વારા) રાજપીપળા : નર્મદા જિલ્લાના નાંદોદ તાલુકાના મોવી પાસે પરવાનગી લીધા વિના શોપીંગનુ બાંધકામ કરનાર ને નોટિસ આપવા ગયેલા ખરેઠા ગ્રુપ ગ્રામ પંચાયત ના મહિલા સરપંચને મારી નાંખવાની ધમકી આપી હોવાની ફરિયાદ રાજપીપળા પો.સ્ટે.માં નોંધાઇ છે.

 પ્રાપ્ત માહિતી અનુસાર ખરેઠા ગ્રુપ ગ્રામ પંચાયતના મહિલા સરપંચ શકરીબેન ચંદુભાઈ વસાવાએ આપેલી ફરિયાદ મુજબ મોવી ગામ ગ્રુપ ગ્રામ પંચાયત હસ્તકમાં આવતુ હોય ચૈતરભાઈ દામજીભાઈ વસાવા એ જમીન માલીક મોતીસીંગ ગોવાલભાઈ વસાવા ની જમીન સર્વે નંબર ૧૯૩ વાળી મોવી ચોકડી હાઈવે રોડ ને અડીને આવેલ હોય જેમાં સતા પ્રકાર ૭૩ એ એ ની સરકાર પાસે થી પરવાનગી લીધા વિના તેમજ જમીન એન.એ ની પણ પરવાનગી લીધા વિના શોપીંગ મોલનુ બાંધકામ ચાલુ કર્યું હોવાનું સરપંચ સકરીબેનના ધ્યાને આવતા તેમણે આ બાંધકામવાળી જગ્યાએ ચૈતર વસાવાને બાંધકામ બાબતે નોટીશ આપવા જતા ચૈતરભાઈ તથા તેમની સાથેના બીજા ૧૦ થી ૧૨ લોકોએ ગેરકાયદેસર મંડળી રચી મારક હથીયાર ધારણ કરી સકરીબેનને ગાળો બોલી જાનથી મારી નાખવાની ધમકી આપી હતી.   રાજપીપળા પોલીસે મહિલા સરપંચની ફરિયાદના આધારે ચૈતર વસાવા તેમજ બીજા ૧૦ થી ૧૨ વ્યક્તિઓ વિરુદ્ધ ગુનો નોંધી તપાસ હાથ ધરી છે.તપાસ પીએસઆઇ એમ.બી. વસાવા કરી રહ્યા છે.

(2:59 pm IST)
  • આઈપીએલ માટે તમામ ટીમોમાં સૌથી મોટો પડકાર ગરમી હશે : મુંબઈ ઈન્ડિયન્સ ટીમના બોલર ટ્રેન્ટ બોલ્ટે કહ્યુ કે આઈપીએલની આ સીઝનમાં તમામ ટીમો માટે સૌથી મોટો પડકાર દુબઈની ગરમ અને ભેજવાળી સ્થિતિમાં એડજસ્ટ થવાનો રહેશે : હાલમાં ન્યુઝીલેન્ડમાં શિયાળો હોય છે જયારે અહિં ૪૫ ડિગ્રી તાપમાનમાં રણની વચ્ચે શરીરને ઢાળવવુ પડશે access_time 3:31 pm IST

  • આલેલે... છ મહિનામાં ચીનાઓએ કોઈ ઘૂસણખોરી કરી નથી : ગૃહ બાબતોના મંત્રાલયે રાજયસભામાં જણાવ્યુ હતું કે ભારત - ચીન સરહદે છેલ્લા ૬ મહિના દરમિયાન કોઈ જ ઘૂસણખોરીનો બનાવ બન્યો નથી access_time 11:17 am IST

  • ઉત્તર પ્રદેશમાં 21 સપ્ટેમ્બરથી સ્કૂલો ખુલવાની શક્યતા નહિવત : રાજ્યમાં વધી રહેલા કોરોના સંક્રમણને ધ્યાને લઇ ડેપ્યુટી સી.એમ.દિનેશ શર્માનો નિર્દેશ : કેન્દ્ર સરકારે અનલોક 4 માં 21 સપ્ટે.થી સ્કૂલો ખોલવાની મંજૂરી આપી હોવા છતાં રાજ્ય સરકાર અસંમત : વિદ્યાર્થીઓની સુરક્ષાને પ્રાધાન્ય આપવાનો હેતુ access_time 12:20 pm IST