Gujarati News

Gujarati News

News of Wednesday, 16th September 2020

વસ્ત્રાપુરમાં રિલાયન્સ જિયોના નેટવર્કમાં લાગેલા છ ટાવરમાંથી રેફ્ટીફાયરની ચોરી

ત્રણ દિવસ દરમ્યાન ૧૨ રેકટીફાયર રૂ. ૧.૨૦ લાખની મતાની ચોરી

અમદાવાદ,શહેરના વસ્ત્રાપુર વિસ્તારમાં રિલાયન્સ કંપનીના jioના નેટવર્કમાં તકલીફ આવતા કંપનીના દ્વારા તપાસ કરતા જુદા-જુદા સ્થળે લાગેલા ૬ ટાવરમાંથી રેક્ટીફાયરની ચોરી થઇ હતી. જેના કારણે નેટવર્ક બંધ થયા હતા. ત્રણ દિવસ દરમ્યાન ૧૨ રેકટીફાયર રૂ. ૧.૨૦ લાખની મતાની ચોરી થયા હતા. જેથી કોન્ટ્રાક્ટરે વસ્ત્રાપુર પોલીસ સ્ટેશનમાં ફરિયાદ નોંધાવી છે.રિલાયન્સ jio પ્રાઈવેટ લિમિટેડ કંપનીના ટાવર લગાવવાનો કોન્ટ્રેક્ટ ધરાવતી પ્રતાપ ટેકનોગ્રેક્સ કંપની પાસે છે. કંપનીમાં એન્જીનિયર તરીકે નિલકંઠ જોશી ફરજ બજાવે છે. તા.૧૩થી ૧૫ના ત્રણ દિવસ દરમિયાન તેમના લેપટોપ મારફતે જાણ થઈ હતી કે, વસ્ત્રાપુર વિસ્તારમાં લાગેલા ટાવરમાં નેટવર્ક મળતું ન હતું. આ ફરિયાદને લઈ તેઓએ ઉદગમ સ્કૂલ, એજ્યુકેશન સોસાયટી પ્લોટ, સરકારી વસાહત બસ સ્ટેન્ડ, પ્રકાશ સ્કૂલ સંદેશ પ્રેસ રોડ, વસ્ત્રાપુર તળાવ સંજીવની હોસ્પિટલ અને તુલસી પબ્લિક પાર્ક જીવનદીપ બસ સ્ટેન્ડ પાસે લાગેલા ટાવરોમાં નેટવર્ક ન હોવાથી રૂબરૂ જઈ ચેક કર્યા હતાં. તમામ ટાવરની ઉપર લગાવેલા નાના દરવાજાનું તાળું તોડી તસ્કરો કુલ ૧૨ જેટલા રેક્ટીફાયર રૂ.૧.૨૦ લાખની મતાની ચોરી કરી ફરાર થઈ ગયા હતાં.કંપનીના ઉચ્ચ અધિકારીઓને નિલકંઠ જોશીએ જાણ કરી હતી. ઉચ્ચ અધિકારીઓની સૂચના આધારે તેઓએ વસ્ત્રાપુર પોલીસ સ્ટેશનમાં મંગળવારે રાત્રે ફરિયાદ નોંધાવી હતી. પોલીસે હાલ આ મામલે વધુ તપાસ શરૂ કરી છે.

(8:50 pm IST)
  • ઉત્તર પ્રદેશમાં 21 સપ્ટેમ્બરથી સ્કૂલો ખુલવાની શક્યતા નહિવત : રાજ્યમાં વધી રહેલા કોરોના સંક્રમણને ધ્યાને લઇ ડેપ્યુટી સી.એમ.દિનેશ શર્માનો નિર્દેશ : કેન્દ્ર સરકારે અનલોક 4 માં 21 સપ્ટે.થી સ્કૂલો ખોલવાની મંજૂરી આપી હોવા છતાં રાજ્ય સરકાર અસંમત : વિદ્યાર્થીઓની સુરક્ષાને પ્રાધાન્ય આપવાનો હેતુ access_time 12:20 pm IST

  • હવે રાજધાની દિલ્હીના રેલવે સ્ટેશનનું ખાનગીકરણ : 20 કંપનીઓ સ્પર્ધામાં : અદાણી પણ શામેલ : આ અગાઉ અમદાવાદ સહિતના પાંચ એરપોર્ટનું સંચાલન સંભાળી લીધા પછી હવે રેલવે સ્ટેશન પણ સંભાળી લેવાની તૈયારીમાં અદાણી ગ્રુપ access_time 8:27 pm IST

  • દેશમાં કોરોનાનો વધતો કહેર : રાત્રે 11-45 વાગ્યા સુધીમાં નવા 91.016 પોઝીટીવ કેસ નોંધાયા :1280 લોકોના મોત : કુલ કેસની સંખ્યા 50.17.930 થઇ :9,96,079 એક્ટીવ કેસ :વધુ 82,802 દર્દીઓ સ્વસ્થ થતા કુલ 39.39,048 રિકવર થયા : વધુ 1280 લોકોના મોત સાથે મૃત્યુઆંક 82,088 થયો access_time 12:23 am IST