Gujarati News

કડી:શહેરના મલ્હારપુરામાં આવેલ મેનાની ચાલીમાં ધમધમી ઉઠેલા જુગારધામ ઉપર પોલીસે ઓચિંતી રેડ પાડી હતી. અહી જુગાર રમી રહેલા મુખ્ય સુત્રધાર સહિત ૨૩ આરોપીઓ ઝડપાયા હતા. પોલીસે રૃ.૧૪૯૭૦૦નો મુદ્દામાલ કબજે કરીને કાયદેસરની કાર્યવાહી હાથ ધરી છે.

કડી પંથકમાં દારૃ-જુગારની પ્રવૃત્તીઓમાં ચિંતાજનક વધારો થયો છે.રોજબરોજ પોલીસ દફતરે ગુનાઓ નોંધાઈ રહ્યા છે. જેમાં કડી શહેરના મલ્હારપુરા વિસ્તારમાં આવેલ મેનાની ચાલીમાં મોટાપાયે ચાલતા જુગારધામનો પર્દાફાશ થયો છે. બાતમી આધારે પોલીસે આ સ્થળે ઓચિંતી રેડ પાડી હતી. જેમાં અહીં મોબાઈલ ઉપર જુગારના શોખીનોનો સંપર્ક કરીને જુગારની પ્રવૃત્તી આચરનારા અસ્ફાક ફરીદ મનસુરી તેમજ મહેબુબ ઉર્ફે કાંગારૃ છોટેખાન બલોચ ઉપરાંત ૨૩ આરોપીઓ ઝડપાઈ ગયા હતા. જેમાં રણજીત ઠાકોર, હનીફ ઘાંચી, નરેન્દ્ર ઠાકોર, ભાવેશ વાઘેલા, રામાજી ઠાકોર, કનૈયા મારવાડી, નરેશ પટેલ, મુસ્તાક મનસુરી, માજીદ પઠાણ, દીગીશ ભટ્ટ, શૈલેષ પરમાર, અશોક પટણી, હર્ષદ પટેલ, કનુ શ્રીમાળી, ઈમરાન મનસુરી, વિનોદ પટેલ, દિનેશ દેવીપૂજક, શાંતી ઠક્કર, મુકેશ ઠાકોર, નિલેષ ખલાસી અને રામુ દરબારનો સમાવેશ થાય છે. પોલીસે આ સ્થળેથી મોબાઈલ, રોકડ અને જુગાર રમવાના સાહિત્ય સાથે કુલ રૃ.૧૪૯૭૦૦ની મત્તા કબજે કરી હતી. તેમજ ઝડપાયેલા આરોપીઓ વિરુદ્ધ ગુનો દાખલ કરીને તપાસ હાથ ધરી છે.