Gujarati News

Gujarati News

News of Sunday, 17th January 2021

કરાઠા ગામમાં ખેતરની વાડ બનાવનાર ઉપર દંપતીએ હુમલો કરી જાન થી મારી નાંખવાની ધમકી આપી

(ભરત શાહ દ્વારા)  નાંદોદ તાલુકાના કરાઠા ગામના તળાવ પાસે ખેતરની વાડ બનાવતા ઈસમ ઉપર હુમલો કરી મારી નાખવાની ધમકી આપનાર દંપતી વિરુદ્ધ ફરિયાદ નોંધાઈ છે.
  પ્રાપ્ત માહિતી મુજબ ચિરાગભાઇ જગદિશભાઇ પટેલ (રહે.કરાઠા )પોતાના ખેતરે વાડ બનાવતા હોય તે વખતે કરાઠાનો અશ્વિનભાઇ ચિમનભાઇ વસાવા ત્યાં આવી કહેવા લાગેલ કે અહી વાડ કેમ બનાવ છો તે વખતે ચિરાગે જણાવેલ કે અમારા ખેતરની હદ હોય જેથી તમારા ઢોર ઢાકર પેસી ના જાય તે માટે વાડ બનાવુ છુ તેમ કહેતા આરોપી અશ્વિને નજીકમાં પડેલ ઈટના ટુકડા લઈ ને છુટા મારતા તેમજ અશ્વિન ની પત્નિ એ લાકડી લઈને મારતા ચિરાગ ને ઈજા કરી એક બીજાની મદદગારી કરી જાનથી મારી નાખવાની ધમકી આપી હોય રાજપીપળા પોલીસે દંપતી વિરુદ્ધ ગુનો દાખલ કર્યો છે.

(10:45 pm IST)
  • પોલીઓની જેમ જ દેશમાંથી કોરોના પણ ભગાડશું: અમિતાભ બચ્ચન સુપ્રસિદ્ધ બૉલીવુડ અભિનેતા અમિતાભ બચ્ચને કોરોના રસીકરણને લઈને ટ્વીટ કરી કહ્યુ કે જેમ પોલિયોને આપણે ભારતમાંથી નાબુદ કર્યો તેમ જ ભારતને કોરોના મુક્ત પણ કરીશુ. access_time 8:35 pm IST

  • સમાજવાદી પાર્ટીના કદાવર નેતા આઝમ ખાં ને ઝટકો : જોહર યુનિવર્સીટીની 70 હેકટર જમીન યુ.પી.સરકારના નામે થઇ જશે : એસ.પી.પાર્ટીના રાજમાં સેંકડો વીઘા જમીન જોહર ટ્રસ્ટને પાણીના ભાવે અપાઈ હતી : એ.ડી.એમ.કોર્ટનો ચુકાદો access_time 8:14 pm IST

  • છેલ્લા ૨૪ કલાકમાં કેરળમાં ફરી કોરોનાના નવા- કેસનો આંક છ હજાર આસપાસ પહોંચી ગયો છે : મહારાષ્ટ્રમાં પણ ૩૦૦૦ આસપાસ નવા કેસ નોંધાયા છે: જ્યારે ગુજરાતમાં ૫૦૫ કેસ નોંધાયા છે, ગુજરાતમાં કોરોના કેસ સતત ઘટતા જતા હોય દેશમાં હવે દસમા નંબરે રહેલ છે: સૌથી ઓછા કેસોમાં ગુરુગ્રામમાં ૩૫, ચંદીગઢમાં ૩૯, ઈન્દોર ૪૩, જયપુર ૫૬, હિમાચલ ૭૧, ગોવા ૮૩, ભોપાલ ૮૭, અમદાવાદ ૯૯ અને જમ્મુ અને કાશ્મીર ૧૦૯ કેસ નોંધાયા છે. access_time 3:30 pm IST