Gujarati News

Gujarati News

News of Monday, 17th May 2021

અત્યંત તિવ્ર વાવાઝોડુ સૌરાષ્ટ્રના દરિયાકિનારાથી ૧૨૫ કિ.મી.દૂરઃ ૧૬ કિ.મી.ની ઝડપઃ રાત્રે ૧૨ વાગ્યા પહેલા દીવ આસપાસ લેન્ડફોલ કરશે

સૌરાષ્ટ્ર- કચ્છ- ગુજરાતમાં ૩૦ મી.મીે.(સવા ઈંચ) થી ૩૦૦ મી.મી.(૧૨ ઈંચ) સુધીનો વરસાદ ખાબકેઃ અશોકભાઈ પટેલ

રાજકોટઃ વાવાઝોડુ ''તૌકતે''એ અતિ તિવ્રરૂપ ધારણ કરી લીધું છે. એકસટ્રીમલી સિવિયર સાયકલોનીક સ્ટ્રોમમાં  પરિવર્તીત થયું છે. આ વાવાઝોડુ આજે રાત્રે ૧૨ વાગ્યા પહેલા દીવ આસપાસ લેન્ફોલ કરશે. જેની અસરથી ઓવરઓલ સૌરાષ્ટ્ર- કચ્છ- ગુજરાતમાં ૩૦ મી.મી. થી માંડી ૩૦૦ મી.મી. સુધીનો વરસાદ પડશે.

વેધરએનાલીસ્ટ શ્રી અશોકભાઈ પટેલે 'અકિલા' સાથેની વાતચીતમાં જણાવ્યું હતું કે મધ્યપૂર્વ અરબી સમુદ્ર ઉપર વેરી સિવિયર સાયકલોનિક સ્ટ્રોમ વધુ મજબૂત બની અને એકસસ્ટ્રીમલી સિવિયર સાયકોલોનીક સ્ટ્રોમ (અત્યંત તિવ્ર વાવાઝોડુ) બની ગયું છે. આજે રાતે ૧૨ વાગ્યા પહેલા દીવ આસપાસ લેન્ડફોલ થઈ જશે.

હાલમાં તેનું લોકેશન ૧૯.૬ નોર્થ ૭૧.૫ ઈસ્ટ સૌરાષ્ટ્રના દરિયાકિનારાથી દક્ષિણ- દક્ષિણ પૂર્વ ૧૨૫ થી ૧૩૦ કિ.મી. દૂર છે. જનરલ આઈ ઓફ સ્ટ્રોમ વધુ મજબૂત હોય તો આંખ પણ થાય. હાલ ૧૫, ૧૬ કિ.મી.ની ઝડપે આગળ વધી રહ્યું છે. પવનની ઝડપ ૧૮૦ થી ૧૯૦ કિ.મી. અને ઝાટકાના પવન ૨૧૦ કિ.મી.ના છે.

જેના લીધે સૌરાષ્ટ્રમાં કોઠાના વિસ્તારોમાં જયારે લેન્ડફોલ થાય ત્યારે પવનની ઝડપ ઘટે છતાં સૌરાષ્ટ્ર-કચ્છ ગુજરાતમાં ૫૦ થી ૧૫૦ કિ.મી.ના પવન ફૂંકાય. સૌરાષ્ટ્ર- કચ્છ ગુજરાતમાં વધુ વરસાદ સાયકોલોન ટ્રેકની બન્ને બાજુ વધુ વરસાદ રહેશે.

અશોકભાઈ જણાવે છે કે ઓવરઓલ સૌરાષ્ટ્ર કચ્છ ગુજરાત ૩૦ મી.મી. થી ૩૦૦ મી.મી. સુધીનો વરસાદ પડશે. વધુ  વરસાદ સાયકલોન ટ્રેક ઉપર ૧૦૦ થી ૩૦૦ મી.મી. અને સાયકલોન ટ્રેકની બન્ને બાજુ ૩૦ થી ૧૦૦ મી.મી. સુધી વરસાદ પડશે.

(4:29 pm IST)
  • ૧૫ જૂન સુધી પુરીનું જગન્નાથજીનું મંદિર દર્શનાર્થીઓ માટે બંધ રહેશે ઓડિશા અને જગન્નાથ પુરીમાં કોવિડ -19 કેસોમાં વધારો થતાં ભગવાન જગન્નાથજી મંદિરના અધિકારીઓએ આ ૧૨ મી સદીનું મંદિર ૧૫ જૂન સુધી ભક્તો માટે બંધ રહેશે તેવી જાહેરાત કરી છે. ઓડિશા સરકારે રાજ્યમાં લોકડાઉન લગાવ્યા બાદ ૫ મેથી આ જગ વિખ્યાત મંદિર દર્શન માટે બંધ કરાયું છે. access_time 9:27 am IST

  • જમ્મુ-કાશ્મીરની બે જેલમાં ૯૨ કેદીઓને કોરોના વળગ્યો છે. અધિકારીઓએ સોમવારે જણાવ્યું હતું કે આ કોઈ પણ કેદીમાં કોરોના વાયરસના લક્ષણો નહોતા અને કોરોના પોઝિટિવ આવેલ છે : બધાને અલગ કોટરીમાં રાખવામાં આવ્યા છે. ઉધમપુર અને કુપવાડા જિલ્લાની જેલોમાં કરવામાં આવેલ 'રેપિડ એન્ટિજેન' તપાસ (આરએટી) પછી હવે અહીં કુલ ૧૧૫ કેદીઓ કોરોનાથી સંક્રમિત છે. આ જેલોમાં ૫૭૦૦ થી વધુ કેદીઓ છે. access_time 6:09 pm IST

  • તૌક્તે વાવાઝોડા ના પગલે તિથલનો દરિયો થયો ગાંડોતૂર:ભારે કરંટ દેખાઈ રહ્યો છે: વલસાડ ના તિથલ દરિયામાં જોવા મળી રહ્યો છે કરંટ :વલસાડ માં ભારે પવન સાથે સતત વરસી રહ્યો છે વરસાદ જેથી ગ્રામ્ય વિસ્તાર માં વીજળી ડૂલ પણ થઈ છે (કાર્તિક બાવીશી ) access_time 10:32 pm IST