Gujarati News

Gujarati News

News of Thursday, 17th September 2020

રાજપીપળાની કોવિડ હોસ્પિટલમાં દર્દીઓની સારવાર બાબતે વારંવાર બુમ છતાં કોઈ ખાસ સુધારો થતો નથી

રાજપીપળા સીવીલ અને કોવિડ માં સ્ટાફની અછત હોવા છતાં નર્સિંગ સ્ટાફને અન્ય જિલ્લામાં ડેપ્યુટેસનમાં મુકાયો :એક માત્ર ફિજીસીયનના માથે તમામ જવાબદારી : અન્ય કોઈ સ્ટાફ રાઉન્ડમાં જતા ન હોવાની બુમ:કલેક્ટરને પણ રજુઆત કરી હોવા છતાં હજુ ખાસ કોઈ બદલાવ નહીં

(ભરત શાહ દ્વારા)  રાજપીપળા : નર્મદા જિલ્લાના વડા મથક રાજપીપળા ખાતે આવેલી રાજપીપળા સિવિલ નો વહીવટ ખાડે ગયાની વારંવાર બુમો ઉઠી હતી ત્યાં હાલ કોરોના સંક્રમણ વધવા છતાં કોવિડ હોસ્પિટલ ના વહીવટ બાબતે પણ વારંવાર બુમો સંભળાવવા છતાં જવાબદાર અધિકારીઓ આ માટે કોઈ ખાસ સુધારો કરતા નથી...?
સૂત્રો દ્વારા મળતી માહિતી મુજબ રાજપીપળા ની કોવિડ હોસ્પિટલમાં સારવાર લેતા દર્દીઓ તદ્દન લાચાર બની ગયા છે કેમ કે ત્યાં નિયમિત કોઈ સ્ટાફ રાઉન્ડ માં ન જતા દર્દીઓ ને સમયસર દવા સહિત ની ઘણી તકલીફો માંથી પસાર થવું પડે છે.એક ફિજીસીયન ને જ જાણે બધી જ જવાબદારી સોંપી હોય તેમ અન્ય કોઈ સ્ટાફ રાઉન્ડ માં જતા ન હોવાની બુમ સંભળાઈ છે.સાથે સાથે એમ પણ જાણવા મળ્યું છે કે આ બાબતની ફરિયાદ અગાઉ દર્દીઓ દ્વારા કલેક્ટર ને કરાઈ હતી છતાં આ બાબતે કોઈ ખાસ સુધારો નથી થયો તો શું ત્યાના જવાબદારોને કોઈનો ડર નથી...?
 વધુમાં જાણવા મળ્યા મુજબ સિવિલ હોસ્પિટલ અને કોવિડ હોસ્પિટલ માં પહેલે થી જ સ્ટાફ ની અછત છે છતાં અહીંયા ના નર્સિંગ સ્ટાફ ને અન્ય જિલ્લાઓમાં ડેપ્યુટેસન માં મુકવામાં આવતા હોય તો ઘર ના છોકરા ઘંટી ચાટે જેવો ઘાટ અહીંયા જોવા મળે એ સ્વાભાવિક છે.
જાણકારો ના મતે કોરોના ના દર્દીઓમાં ડર વધુ ગંભીર બાબત બની શકે છે માટે આવા સમયે આ દર્દીઓને કાઉન્સિલિંગ ખાસ જરૂરી છે માટે વોર્ડ માં નિયમિત સારવાર ની સાથે સાથે કાઉન્સિલરો દ્વારા કાઉન્સેલિંગ મળે તે માટે કાઉન્સિકારો ની નિમણુંક થાય તો દર્દીઓનો ડર ઓછો થઈ શકે છે.માટે કોવિડ હોસ્પિટલમાં પડી રહેલી તકલીફો માં સુધારો થાય તેવી જાગૃત લોકોની માંગ છે.
 આ બાબતે નર્મદા જીલ્લા કલેક્ટર મનોજ કોઠારી એ ટેલિફોનિક વાત માં જણાવ્યું કે હું આ બાબતે હમણાંજ સીડીએમઓ (સિવિલ સર્જન) ને કહી દઉં છું.

(5:55 pm IST)
  • ગુજરાત ઉપરાંત દિલ્હી ,ઉત્તરાખંડ ,તામિલનાડુ ,તથા ઉત્તર પ્રદેશમાં 21 સપ્ટેમ્બરથી સ્કૂલો નહીં ખુલે : હરિયાણામાં સ્કૂલો ખુલી જશે : છત્તીસગઢ અને બિહાર હજુ સુધી અવઢવમાં : અનલોક 4 દરમિયાન 21 સપ્ટેમ્બરથી સ્કૂલો ફરીથી ચાલુ કરી શકવાના કેન્દ્ર સરકારના સૂચન સાથે મોટા ભાગના રાજ્યો અસંમત access_time 12:11 pm IST

  • ચીનના જાસૂસી કાંડ મામલે તપાસ :ચીની કંપનીના જાસૂસી કાંડ મામલે કેન્દ્ર સરકારે રાષ્ટ્રીય સાયબર સુરક્ષા સમન્વયકના વડપણ હેઠળ કમિટીની રચના :30 દિવસમાં માંગ્યો રિપોર્ટ access_time 1:03 am IST

  • દેશના પ્રધાનમંત્રી નરેન્દ્ર મોદી આજે 70 વર્ષના થયા છે. દેશભરમાં ભારતીય જનતા પાર્ટી PM મોદીના જન્મદિવસને 'સેવા સપ્તાહ' તરીકે મનાવી રહી છે. આ સાથે જ દિગ્ગજ નેતાઓ દ્વારા PM મોદીને જન્મદિવસની શુભેચ્છાઓ પાઠવવામાં આવી રહી છે. રાષ્ટ્રપતિ રામનાથ કોવિંદથી લઇને ગૃહમંત્રી અમિત શાહ, રક્ષા મંત્રી રાજનાથસિંહ, કોંગ્રેસ નેતા રાહુલ ગાંધી અને અન્ય મોટા નેતાઓએ પીએમ મોદીને જન્મદિવસની શુભેચ્છા પાઠવી. access_time 9:17 am IST