Gujarati News

વડોદરાના પાદરામાં એસટી વિભાગની ઘોર બેદરકારીના પગલે મુસાફરો પરેશાન થઈ રહ્યા છે. બસોના યોગ્ય રૂટ ન હોવાના કારણે પાદરા વડોદરા હાઈવે પર મુસાફરો રઝળી પડયા હતા. એસટી બસ સમયસર ન આવતા શાળાએ જતા વિદ્યાર્થીઓ અને મુસાફરો મુશ્કેલીમાં મુકાયા હતા.

 જાહેર માર્ગ પર બે કલાક ઉભું રહેવા છતા એસટી બસ ન મળતી હોવાનો મુસાફરો અને વિદ્યાર્થીઓના આક્ષેપ છે. બસ નહીં મળતા પાદરા એસટી ડેપોમાં મુસાફરોની ભારે ભીડ જોવા મળી હતી. એસટી બસોના યોગ્ય રૂટ મૂકવા માટે લોકોએ ડેપો મેનેજરને રજૂઆત કરી હતી.