Gujarati News

(ભરત શાહ દ્વારા) રાજપીપળા :પાછલા કેટલાંક દિવસોમાં સ્થાનિક વર્તમાનપત્રોમાં એસ.ટી. ડેપોના સફાઈ કર્મીઓના પગાર અંગેના મથાળાવાળા અહેવાલ પ્રસિધ્ધ થયેલા હતા. જે અખબારી અહેવાલ સ્પષ્ટતા અંગે સબંધિત વિભાગને મોકલી આપેલ છે. જે અંગે ભરૂચ એસ.ટી. ના વિભાગીય નિયામક તરફથી સ્પષ્ટતા કરતાં જણાવાયું છે કે, એસ.ટી.ડેપોના સફાઈ કર્મીઓને જુનો ચડત પગાર ચૂકવવામાં આવેલ છે. વધુમાં આગળથી કર્મચારીઓની પગારમાં કોઈ પણ પ્રકારે અવરોધ ઉભો ન થાય તે અંગે સબંધિત અધિકારી-કર્મચારીઓને સૂચના આપવામાં આવેલ છે. તેમ અખબારી અહેવાલ બાબતે તે તરફથી ઉક્ત સ્પષ્ટતા કરવામાં આવી છે.