Gujarati News

Gujarati News

News of Saturday, 20th February 2021

સુરતના સરથાણા ખાતે સીમાડાના નાકે બિલ્ડિંગમા કામ કરતા શ્રમજીવીનું 2 વર્ષનું બાળક 12માં માળેથી નીચે પટકાતા ગંભીર ઇજાથી મોત

સુરત: શહેરના સરથાણા ખાતે સીમાડા નાકે એક નિર્માણાધીન બિલ્ડિંગમાં કામ કરતા શ્રમજીવી દંપતીનો 2 વર્ષનો બાળક 12 માં માળે રમતા રમતા દીવાલ ઉપર ચઢી જતા નીચે પટકાઈ ગયો હતો અને ઉપરથી પડેલા બાળક નીચે કામ કરી રહેલા એક મજુરની પીઠ ઉપર પટકાયો હતો. બાળકને ગંભીર ઈજા થતા મોત થયું હતું જ્યારે મજૂરને પણ ઈજા પહોંચી હતી.

પોલીસ સૂત્રો પાસેથી મળતી માહિતી મુજબ મૂળ છત્તીસગઢના વતની અને હાલમાં સરથાણાના સીમાડા નાકા ખાતે આવેલ સેતુબંધ હિલ્સ નામની નવી બંધાતી બિલ્ડિંગ સાઇટ પર રહેતા હલેશ્વર યાદવ અને તેમની પત્ની શુક્રવારે સવારે બિલ્ડિંગના બારમા માળે કડિયા કામ કરવામાં મશગૂલ હતા અને તેમનો બે વર્ષનો પુત્ર 12 મા માળે રમી રહ્યો હતો ત્યારે માસુમ બાળક રમતા રમતા એક ફૂટની દીવાલ ઉપર ચડી ગયો હતો ત્યાંથી તેનું બેલેન્સ ખોરવાતા નીચે પટકાયો હતો. તે સમયે નીચે કામ કરી રહેલા એક મજુરની પીઠ ઉપર બાળક પડ્યો હતો. 

જેમાં બાળક ગંભીર રીતે ઈજા થઈ હતી અને મજુરને પીઠના ભાગે ઈજા થઇ હતી. બંનેને સારવાર માટે નજીકની ખાનગી હોસ્પિટલમાં ખસેડાયા હતા જ્યાં ટૂંકી સારવાર દરમિયાન બાળકનું મોત થયુ હતું. આ અંગે સરથાણા પોલીસે વધુ તપાસ કરી રહી છે.

(5:12 pm IST)
  • રાજ્યમાં પ્રાથમિક વિભાગમાં અભ્યાસક્રમથી માંડીને પરીક્ષાને લઇને હજુ કોઇ સ્પષ્ટતા નહી: વિદ્યાર્થીઓ સહિત વાલીઓ અને શિક્ષકો મૂંઝવણભરી પરિસ્થિતિમાં મૂકાયાં: ઉપરાંત પ્રાથમિક વિભાગમાં ક્યાંથી કોર્ષ ચલાવો અને શું ભણાવવું તે અંગે પણ સ્પષ્ટતા કરાઇ નથી ધો. 1થી 5માં આગામી દિવસોમાં શિક્ષણ શરૂ થાય તેવી શક્યતા access_time 1:17 am IST

  • ૨૪ કલાકમાં ૧૪ હજાર નવા કેસ, આંકડો વધવા લાગ્યોઃ મહારાષ્ટ્ર અને કેરળ આ બે રાજ્યોમાં જ ૧૦ હજારથી વધુ નવા કેસઃ ત્યારબાદ પુણેમાં પણ આંકડો ૧૦૦૦ ઉપર પહોંચી ગયો : ચિંતાજનક સ્થિતિના એંધાણ access_time 11:27 am IST

  • નેશનલ હાઈવે ઓથોરીટી ઓફ ઈન્ડિયા (NHAI)નો મોટો નિર્ણય, ૧ માર્ચ સુધી ફાસ્ટેગ FREE access_time 4:51 pm IST