Gujarati News

Gujarati News

News of Saturday, 20th February 2021

ગાંધીનગર શહેરમાં સે-3,5,6 માં આંતરિક માર્ગોના કામમાં છબરડા બહાર આવ્યા:ટુંકાગાળમાં માર્ગ પરથી કપચી ઉખડી જતા વાહનચાલકો માટે જોખમ

ગાંધીનગર:શહેરના સેક્ટર-૩પ અને ૬માં આંતરિક માર્ગોનું તંત્ર દ્વારા થોડા સમય અગાઉ રીસર્ફેસીંગ કરવામાં આવ્યું હતું. આ કામગીરી ગુણવતા વગરની હોવાના કારણે ટુંકાગાળામાં જ માર્ગ ઉપરથી જ કપચી ઉખડી જવાની સાથે સાથે ખાડા પડી જવાથી અવર જવર કરતાં વાહનચાલકો માટે જોખમી બન્યાં છે. આમ માર્ગોનું પુનઃ સમારકામ કરવામાં આવે તેવી માંગ સાથે સ્થાનિક નગરસેવક દ્વારા ઉચ્ચકક્ષાએ રજુઆત કરાઇ છે.

ગાંધીનગર મહાનગરપાલિકા વિસ્તારમાં સમાવિષ્ટ વોર્ડ નં.૭ના સેક્ટર-૩૫ અને ૬માં આવેલાં આંતરિક માર્ગોની સમયાંતરે જાળવણી કરવામાં નહીં આવતાં બિસ્માર બની જવા પામ્યા હતાં. તો બીજી બાજુ થોડા સમય અગાઉ ગટરલાઇનની કામગીરી અંતર્ગત ખોદકામ કરાતાં માર્ગોમાં ખાડા પણ પડી ગયા હતા. આમ તંત્ર દ્વારા માર્ગોના રીસર્ફેસીંગની કામગીરી આ વિસ્તારમાં શરૃ કરી દેવામાં આવી હતી અને પુર્ણ પણ કરાઇ હતી. ત્યારે રીસર્ફેસીંગ કરાયાં બાદ ટુંકાગાળામાં જ માર્ગો ઉપરથી કપચી ઉખડી જવાની સાથે સાથે ખાડાઓ પણ પડી જવા પામ્યાં છે. આમ આંતરિક માર્ગોની કામગીરી ગુણવતા વગરની કરવામાં આવી હોય તેવો આક્ષેપ પણ સ્થાનિક નગરસેવક ઉર્મિલાબેન વર્મા દ્વારા કરવામાં આવી છે. હાલમાં આંતરિક માર્ગો ઉબડ ખાબડ થઇ જવાથી અવર જવર કરતાં વાહનચાલકો પણ અકસ્માતના ભયે પસાર થઇ રહ્યાં છે જેથી તમામ રસ્તાની કામગીરી પુનઃ કરવામાં આવે તેવી માંગ ઉચ્ચકક્ષાએ કરીને આવેદનપત્ર આપ્યું છે.

(5:15 pm IST)
  • દેશમાં કોરોનાના ધીમીગતિએ વધતા કેસ :રાત્રે 12 વાગ્યા સુધીમાં કોરોનાના નવા 13,519 કેસ નોંધાયા :કુલ કેસની સંખ્યા 1, 09, 76,776 થઇ :એક્ટિવ કેસ 1,40,066 થયા: વધુ 9962 દર્દીઓ સ્વસ્થ થતા કુલ 1,06,75.882 થયા :વધુ 90 લોકોના મોત સાથે કુલ મૃત્યુઆંક 1,56,240 થયા access_time 1:17 am IST

  • દેશમાં કોરોનાના ધીમીગતિએ વધતા કેસ :રાત્રે 11-30 વાગ્યા સુધીમાં કોરોનાના નવા 13,918 કેસ નોંધાયા :કુલ કેસની સંખ્યા 1,09,91,091 થઇ :એક્ટિવ કેસ 1,42,696 થયા: વધુ 11,410 દર્દીઓ સ્વસ્થ થતા કુલ 1,06,87,532 થયા :વધુ 89 લોકોના મોત સાથે કુલ મૃત્યુઆંક 1,56,339 થયા access_time 12:57 am IST

  • મુંબઈ માટે આકરા કોવીદ નિયમનો જાહેર : રહેણાંક વિસ્તારના બિલ્ડીંગમાં ૫થી વધુ એકટીવ કેસ મળશે તો તે બિલ્ડીંગ સીલ કરી દેવાશે કોરોના રૂલ્સનો ભંગ કરનાર લોકો સામે ફોજદારી ફરિયાદ જેમને હોમ કોરન્ટાઈન રહેવાનું છે તેને સ્ટેમ્પ મારવામાં આવશે, જેથી તે કોરન્ટાઈન નિયમોનો ભંગ ન કરે મુંબઈની લોકલ ટ્રેનમાં ૩૦૦ માર્શલ મૂકવામાં આવશે, તે લોકલ ટ્રેનોમાં માસ્ક વિના કોઈ મુસાફરી ન કરે તે જાશે મુંબઈ કોર્પોરેશન લગ્ન સમારોહના સ્થળો અને હોલનું ચેકીંગ કરશે જયાં કોરોના નિયમનો સખ્તાઈથી પાળવામાં આવે છે કે કેમ તેનું ચેકીંગ રાખશે access_time 4:05 pm IST