Gujarati News

દરેક મનુષ્યની અંદર કંઈક કરવાની ઈચ્છા હોય છે. પરંતુ, અમુક સમયે ઉંમરનો અવરોધ તેમને તેમની ઈચ્છા પૂરી કરતા અટકાવે છે.

તેમની વચ્ચે એવા ઘણા લોકો છે જે તમામ અવરોધોને તોડીને ઇતિહાસ રચે છે. આવી જ એક ભારતીય મૂળના મહિલા યુકેના બ્રાઇટન શહેરમાં રહે છે, જે 85 વર્ષની ઉંમરે પણ લોકોને ગુજરાતી ભોજન પીરસી રહ્યા છે. મંજુલા પટેલ યુગાન્ડાથી શરણાર્થી તરીકે યુકે આવ્યા હતા અને હવે તે બ્રાઇટનની સૌથી જૂના રસોઇયા છે, તે લાંબા સમયથી રેસ્ટોરન્ટ ચલાવી રહ્યા છે. તેમના રેસ્ટોરન્ટમાં આવતા લોકોને તે ગુજરાતમાંથી પરંપરાગત શાકાહારી વાનગીઓ પીરસે છે. તેમની વાનગીઓ સમગ્ર બ્રાઇટનમાં એટલી પ્રખ્યાત છે કે દરરોજ મોટી સંખ્યામાં લોકો તેની રેસ્ટોરન્ટની મુલાકાત લે છે.
 

મળતી માહિતી મુજબ, મંજુ પટેલનો જન્મ ગુજરાતમાં થયો હતો, પરંતુ તે ત્રણ વર્ષની ઉંમરે તેમના માતા-પિતા સાથે યુગાન્ડાની રાજધાની કમ્પાલા રહેવા ગયા હતા. તેમના પિતા કમ્પાલામાં જનરલ સ્ટોર સંભાળતા હતા. મંજુ પટેલે જણાવ્યું કે તેનું બાળપણ ખુશહાલ હતું, પરંતુ 13 વર્ષની ઉંમરે તેમના પિતાના અચાનક અવસાન પછી બધું બદલાઈ ગયું. રાતોરાત, તેમની માતા ઘર ચલાવવા એકમાત્ર કમાણી કરનાર બની ગયા, ત્યારબાદ મંજુ તેમના પરિવારની સંભાળ રાખવામાં મદદ કરવાનું નક્કી કરે છે.