Gujarati News

Gujarati News

News of Saturday, 21st November 2020

ભરૂચનાં કોવિડ વોર્ડમાંથી કોરોના પોઝિટિવ કેદી ફરાર થતા સનસનાટી : પોલીસતંત્રમાં દોડધામ

પોલીસે ચારે દિશામાં તેને શોધવા અંગેની કવાયત શરૂ કરી

ભરૂચ : સિવિલ હોસ્પિટલ ભરૂચનાં કોવિડ વોર્ડમાંથી કોરોના પોઝિટિવ કેદી ફરાર થઈ ગયો હોવાની ઘટના બનતા સનસનાટી ફેલાઈ ગઇ છે. હાલ તો પોલીસ તંત્ર દ્વારા ફરાર કેદીને શોધવાની કવાયત શરૂ કરવામાં આવી છે.

સિવિલ હોસ્પિટલનાં કોવિડ વોર્ડમાંથી ફરાર થયેલ કેદીના બનાવની વિગત જોતા સંતોષ રૂપરામ ચૌધરી (ઉં.વ. 25 )વાહન ચોરી અને અન્ય નાના-મોટા ગુના અંગે સબજેલમાં રાખવામાં આવ્યો હતો. આ કેદીની તપાસ અર્થે તેને લઇ જવાનો હોય તેનો કોરોનાં ટેસ્ટ કરાવવામાં આવ્યો હતો જે પોઝિટિવ આવતા તેને સારવાર અર્થે ભરૂચ સિવિલ હોસ્પિટલનાં કોવિડ વોર્ડમાં દાખલ કરવામાં આવ્યો હતો. કોરોનાં વોર્ડમાંથી રાત્રિનાં સમયે સંતોષ ચૌધરી ફરાર થઈ જતા પોલીસે ચારે દિશામાં તેને શોધવા અંગેની કવાયત શરૂ કરી છે. સબજેલમાં સંતોષ સાથે રહેતા અન્ય સાત કેદીઓના કોરોનાં રિપોર્ટ કરાવવા અંગેની તજવીજ હાથ ધરવામાં આવી છે.

(2:23 pm IST)
  • પેટ્રોલમાં ૧૫ પૈસા અને ડિઝલના ભાવમાં ૨૨ પૈસાનો વધારોઃ પેટ્રોલ ડીઝલના ભાવમાં આજે બીજા દિવસે પણ વધારો થયો છે. પેટ્રોલમાં ૧૫ પૈસા અને ડીઝલનાં ભાવમાં પ્રતિ લિટરે ૨૨ પૈસાનો વધારો થયો છે. ભાવ વધારો આજે સવારે ૬ વાગ્યાથી લાગુ થયો છે. access_time 11:38 am IST

  • ડ્રગ્સ કેસમાં લોકપ્રિય કોમેડિયન ભારતી સિંહની ધરપકડ : તેના પતિ હર્ષએ પણ ગાંજાનું સેવન કરતો હોવાની કબૂલાત કરી : 86.5 ગ્રામ ગાંજો ઝડપાયો : પૂછપરછ ચાલુ access_time 8:17 pm IST

  • કોરોનાનું હોટસ્પોટ બની ગયેલા ભુજમાં કોરોના સંક્રમણ અટકાવવા માટે તંત્ર એક્શનમાં મોડમાં : ભુજ શહેર અને તાલુકામાં કોવિડ ગાઈડલાઈનની અમલવારી માટે ટિમોની રચના :ભુજના 12 વોર્ડ માટે 4 અને તાલુકા માટે બે ટીમોની થઈ રચના:મદદનીશ કલેક્ટર અને ભુજ પ્રાંત અધિકારી મનીષ ગુરવાણીએ કર્યો હુકમ access_time 11:19 pm IST