Gujarati News

Gujarati News

News of Wednesday, 21st April 2021

આણંદનો રીક્ષાવાળો PPE કીટ પહેરી ચલાવે છે રીક્ષા

દર્દીઓને વિના મુલ્યે પહોંચાડે છે હોસ્પિટલ

આણંદઃ આજે કોરોના મહામારીના સમયમાં લોકોએ પીપીઇ કીટનુ નામ પ્રથમ વખત જ સાંભળ્યુ હતુ. સામાન્ય રીતે પીપીઇ કીટ તમે તબીબો, નર્શિગ અને મેડીકલ સાથે સંકળાયેલા લોકો પહેરતા હોય છે પરંતુ અમે આપને એવા વ્યકિતને બતાવવા જઇ રહ્યા છે કે જે નથી એ તબીબ કે નથી મેડીકલ સ્ટાફ. આ વ્યકિત આણંદ જિલ્લાના બોરસદ તાલુકાના વાસણા ગામ રીક્ષા ચાલાક છે.

આ વ્યકિત નથી તબીબ કે નથી કોઈ મેડિકલ કર્મચારી આ છે આણંદ જિલ્લાના બોરસદના વાસણા ગામના ભાઇલાલ ભાઈ ભોઈ જે રીક્ષા ચલાવી પોતાનું તેમજ પોતાના પરિવારનું ચલાવે છે ગુજરાન હવે સવાલ થતો હશે કે તો પછી આ વ્યકિત એ પીપીઈકીટ કેમ પહેરી હશે??? તો ચાલો જણાવી દઈ એ કે ભાઇલાલ ભાઈ ભોઈ છેલ્લા કેટલાય વર્ષોથી રીક્ષા ચલાવી રહ્યા છે.

ભાઈલાલભાઈ અપરણિત છે પરંતુ તેમના સિરે વયસ્કમાં બાપ અને બહેનની જવાબદારી છે. ગત વર્ષે કોરોનાએ ભારતમાં દસ્તક આપી અને ત્યાર બાદ લોકડાઉનની સ્થિતિનું નિર્માણ થયું ત્યારથી ભાઈલાલભાઈ આ પીપીઈ કીટ પહેરી નેજ રીક્ષા ચલાવી રહ્યા છે.

એટલું જ નહિ કોઈ દર્દીને વિના મુલ્યે હોસ્પિટલ સુધી પણ તેઓ પહોંચાડે છે. પોતાની રીક્ષામાં નિર્ભય થઇ મુસાફરો મુસાફરી કરે છે. અને પોતે તેમજ મુસાફરો કોરોના સંક્રમણથી સુરક્ષિત રહે માસ્ક નહિ પહેરવા વિવિધ બહાના બનાવતા લોકો માટે રીક્ષા ચલાવતા ભાઇલાલ ભાઈ હાલ તો પ્રેરણા દાયક બન્યા છે.

રિક્ષાચાલકની રીક્ષામાં બેસનાર વાસણા ગામના મહિલા મુસાફર હંસાબેન સોલંકીના જણાવ્યા પ્રમાણે રીક્ષા ચાલાક ભાઇલાલ ભાઈ ભોઈ તેમની રીક્ષામાં બેસનાર મુસાફરને સેનેટાઇઝ કરી તે પોતે પીપીઈ કીટ પહેરી મુસાફરોને નિયત સ્થળે વ્યાજબી ભાડું લઇ પહોંચાડી આ કોરોના સમયમાં સાવધાની સાથે વર્તી રહ્યા છે.

રીક્ષા ચાલાક ભાઈલાલભાઈ ભોઈના જણાવ્યા મુજબ કોરોના સમયમાં પીપીઈ કીટ સતત પહેરી રાખવાથી ગરમી તો લાગે છે પણ કોરોનાના સમયમાં તે અતિ જરૂરી છે. ભાઈલાલભાઈના જણાવ્યા મુજબ દરેક સવારીને સેનેટાઇઝ કરી ફરજીયાત માસ્ક પહેરાવી પોતાની રીક્ષામાં બેસાડે છે.

(4:18 pm IST)
  • કોરોના બેફામ બન્યો : રાજકોટ શહેર - જીલ્લામાં આજે ૭૭ મોત access_time 1:06 pm IST

  • આજે રાજકોટ કોર્પોરેશને સાંજે જે નવા કોરોના કેસની યાદી બહાર પાડી છે તેમા અને ગાંધીનગરથી છેલ્લા 24 કલાક ના નવા કોરોના કેસના અકડાઓમાં વિસંગતતા જણાતા અકિલા એ રાજકોટ મ્યુ. કમિશ્નર શ્રી ઉદિત અગ્રવાલ ને આ બાબતે પૂછતાં તેમણે સ્પષ્ટતા કરી હતી કે રાજકોટ કોર્પોરેશને સાંજે જે આંકડાઓ દર્શાવ્યા છે તે છેલ્લા 24 કલાકના છે, નહિ કે બપોરથી સાંજના. એટલે રાજકોટ શહેરમાં છેલ્લા 24 કલાકમાં 397 નવા કોરોના કેસ નોંધાયાનું શ્રી ઉદિત અગ્રવાલે અકિલા ને જણાવ્યું છે. access_time 9:23 pm IST

  • કેન્દ્રીય આરોગ્યમંત્રી ડો. હર્ષવર્ધનની જાહેરાત : COVID19 પ્રધાનમંત્રી ગરીબ કલ્યાણ પેકેજ (PMGKP) હેઠળની વીમા યોજના, આરોગ્ય સેવા આપતા કર્મચારીઓ માટે આજથી વધુ 1 વર્ષ માટે લંબાવવામાં આવી છે. access_time 11:31 pm IST