Gujarati News

Gujarati News

News of Wednesday, 21st April 2021

બાલાસિનોર શહેર સહીત ગ્રામ્ય વિસ્તારમાં કોરોનાના પ્રકોપમાં નિયમનો ભંગ કરનાર બે દુકાનો સીલ કરવામાં આવી

બાલાસિનોર:તાલુકામાં ગ્રામ્ય વિસ્તારોમાં દિનપ્રતિદિન કોરોનાનું સંક્રમણ વધતું જણાય રહ્યું છે. તાલુકાના જનોડ પિલોદરા રૈયોલી તેમજ ઓઠવાડના ગ્રામ્ય વિસ્તારોમાં કોરોનાનું સંક્રમણ અને કેસો મળી આવ્યા છે. 

હજુ પણ ગ્રામ્ય વિસ્તારોમાં સાવચેતીનો અભાવ જણાઈ રહ્યો છે. આ માટે જાગૃતિના પગલા લેવા એ જરૂરી છે જ્યારે તાલુકાના વસાદરા નડિયાદ દાખલ થયેલ વ્યક્તિ બારીમાંથી કૂદીને આપઘાત કર્યાનું જાણવા મળેલ છે. બાલાસિનોર નગરમાં પણ સોસાયટી વિસ્તાર તેમજ ઈન્દીરા નગરી વિસ્તારમાં કોરોનાના કેસો મળી આવેલ છે. 

નગરમાં તાલુકાના પ્રાંત અધિકારી તેમજ નગર પાલિકા અને પોલીસ દ્વારા વારંવાર સૂચનાઓ આપવા છતાં દુકાનમાં વધુ પડતી ભીડ જણા તા સત્તાવાળાઓ દ્વારા બે દુકાનો સીલ મારી દીધા હતા. હજુ પણ ગ્રામ્ય વિસ્તારોમાં જીપો અને છકડામાં આડેધડ મુસાફરો ભરીને લઇ જવાય છે તેની સામે પણ તંત્ર દ્વારા પગલા લેવાય એ જરૂરી છે. આજે તાલુકામાં ૧૨ કેસ મળી આવેલ છે.

(5:04 pm IST)
  • આસામમાં ઓએનજીસીના ૩ કર્મચારીઓનું ઉગ્રવાદીઓએ અપહરણ કર્યું : આસામના ઓએનજીસીના ત્રણ કર્મચારીઓનું ઉગ્રવાદીઓએ અપહરણ કર્યું છે તેની શોધખોળ શરૂ કરવામાં આવી છે. access_time 4:06 pm IST

  • કેન્દ્રીય સંરક્ષણ પ્રધાન રાજનાથસિંહના કાર્યાલયમાં મંત્રણાનો દોર શરૂ : જે રાજયોમાં કોરોનાની પરિસ્થિતિ બેકાબુ બની છે તે રાજયોની આર્મી હોસ્પિટલને કોવિડ હોસ્પિટલમાં ફેરવી આમ પ્રજા માટે ખુલ્લી મૂકવામાં આવે તેવા વિચાર કરી રહ્યા છે access_time 12:43 pm IST

  • દેશમાં હાહાકાર મચી ગયો : છેલ્લા 24 કલાકમાં ભારતમાં ઓલટાઈમ રેકર્ડબ્રેક 3 લાખથી વધુ નવા કોરોના કેસ નોંધાયા અને 2050 થી વધુ દુઃખદ મૃત્યુ નોંધાયા : લોકો ખળભળી ઉઠ્યા access_time 11:23 pm IST