Gujarati News

Gujarati News

News of Wednesday, 21st April 2021

નર્મદા જિલ્લાના દરેક તાલુકા મથકે ઉભા કરાયેલ કોવીડ કેર સેન્ટરમાં તમામ વ્યવસ્થા ઉભી કરવા ડેડીયાપાડા ધારાસભ્યની ના.મુખ્યમંત્રીને રજુઆત

(ભરત શાહ દ્વારા) રાજપીપળા : નર્મદા જિલ્લાના ગામડાઓમા કોરોના વાયરસના સંક્રમીત દર્દીઓ તથા અન્ય બિમારીના દર્દીઓની સંખ્યા વધારે છે .નર્મદા જિલ્લાની એક માત્ર રાજપીપળાની  કોવીડ હોસ્પીટલ ખાતે પુરતો સ્ટાફ, ઓકિસજન અને વેન્ટીલેટરની પુરતી વ્યવસ્થા ન હોવાથી અગવડ પડે છે . જેના કારણે લોકો બિમાર હોવા છતા કોવિડ ટેસ્ટ કરાવવા આવતા નથી. કેટલાક દર્દીઓ પોતાની સગવડ પ્રમાણે વડોદરા, સુરત , ભરૂચ , અંકલેશ્વરની ખાનગી હોસ્પીટલો માં દાખલ થાય છે,ત્યાં સમયસર સારવાર ન મળવાથી અને પુરતી વ્યવસ્થાના અભાવે આખરે જીવ ગુમાવો પડે છે . જેને ધ્યાને લઈ નર્મદા જિલ્લાના દરેક તાલુકા મથકે ઉભા કરાયેલ કોવીડ કેર સેન્ટરોમાં તમામ વ્યવસ્થા જેમકે પુરતો કવોલીફાઈડ ડોકટરો મેડીક્લ સ્ટાફ , દવાઓ , ઓકિસજન , વેન્ટીલેટર , પાણી , ચા - નાસ્તો , ભોજન , સાફ - સફાઈ , બેડની પુરતી વ્યવસ્થા ઉભી કરવામાં આવે અને જવાબદાર અધિકારીઓ દ્વારા સુપરવિઝન અને સંકલન કરવામાં આવે તેવી રજુઆત ડેડીયાપાડા ધારાસભ્ય મહેશભાઈ વસાવાએ ના.મુખ્ય મંત્રી નીતિન ભાઈ પટેલ ને એક પત્ર રૂપી કરી છે.

(10:16 pm IST)
  • કેન્દ્રીય સંરક્ષણ પ્રધાન રાજનાથસિંહના કાર્યાલયમાં મંત્રણાનો દોર શરૂ : જે રાજયોમાં કોરોનાની પરિસ્થિતિ બેકાબુ બની છે તે રાજયોની આર્મી હોસ્પિટલને કોવિડ હોસ્પિટલમાં ફેરવી આમ પ્રજા માટે ખુલ્લી મૂકવામાં આવે તેવા વિચાર કરી રહ્યા છે access_time 12:43 pm IST

  • ઉત્તર ગુજરાતના કેટલાક ભાગોમાં બપોર બાદ તોફાની પવન સાથે વરસાદની સંભાવના : ગુજરાતના અનેક શહેરોમાં મહત્તમ તાપમાનમાં એકથી ત્રણ ડિગ્રીનો ઘટાડો નોંધાયો છેઃ ઉત્તર ગુજરાતના બનાસકાંઠા, પાટણ અને કચ્છના અમુક ભાગોમાં આજે બપોર બાદ તોફાની પવન અને ગાજવીજ સાથે વરસાદની સંભાવના છે access_time 4:07 pm IST

  • કોરોનાના વધતા કહેરને લઈ યુજીસી નેટની (UGC Net May Exam 2021) પરીક્ષા પણ સ્થગિત કરી દેવામાં આવી છે. કેન્દ્રીય શિક્ષા મંત્રી રમેશ પોખરિયાલ નિશંકે ટ્વીટ કરીને જાણકારી આપી છે. શિક્ષણ મંત્રીએ ટ્વીટ કરીને લખ્યું, અત્યારના કોરોનાકાળ દરમિયાન ઉમેદવારો અને પરીક્ષા અધિકારીઓની સુરક્ષા તથા કલ્યાણને ધ્યાનમાં રાખી મેં ડગ NTA ને યુજીસી નેટ ડિસેમ્બર સાયકલની પરીક્ષા સ્થગિત કરવાની સલાહ આપી છે. પરીક્ષાની નવી તારીખો હવે પછી જાહેર કરાશે. access_time 9:43 pm IST