Gujarati News

Gujarati News

News of Saturday, 21st November 2020

મોરબીની નામના એવા ધારાસભ્ય કામનાઃ બ્રિજેશ મેરજાએ અંગ્રેજીમાં શપથ લીધા

શબ્દોનો પ્રકાશ અને વાણીની મીઠાસ, ભાષાનો ઝળહળતો ઉજાસઃ આંતરરાષ્ટ્રીય કક્ષાએ જાણીતા મતક્ષેત્રના પ્રતિનિધિએ આંતરરાષ્ટ્રીય ભાષાનો ઉપયોગ કર્યો

રાજકોટ : ગુજરાત વિધાસભાની ૮ બેઠકોની પેટાચૂંટણીમાં વિજેતા બનેલા ભાજપના ૮ ધારાસભ્યોએ લાભ પાંચમના દિવસે વિધાનસભાના અધ્યક્ષ શ્રી રાજેન્દ્ર ત્રિવેદી સમક્ષ શપથ લીધેલા, સામાન્ય રીતે રાજયના ધારાસભ્યો ગુજરાતી ભાષામાં શપથ લેતા હોય છે. પણ અન્યથી અનોખા અને સૌમાં સવાયા મોરબીના ધારાસભ્ય શ્રી બ્રિજેશ મેરજાએ અંગ્રેજીમાં શપથ લઇને સુખદ આશ્ચર્ય સર્જયુ છે. (મો. ૯૮૭૯પ ર૩૦૭૯)

શ્રી બ્રિજેશ મેરજાને પ્રાદેશિક ભાષા ગુજરાતી અને રાષ્ટ્રીય ભાષા હિન્દી પર પ્રેમ છે. અને આંતરરાષ્ટ્રીય ભાષા અંગ્રેજી ગમે છે, ત્રણેય ભાષા પર તેમનું પ્રભુત્વ છે. મોરબી ઘડીયાલ ઉદ્યોગ સિરામીક ઉદ્યોગ વગેરે ક્ષેત્રે આંતરરાષ્ટ્રીય કક્ષાએ નામના ધરાવે છે. ત્યાંના જન પ્રતિનિધીએ અંગ્રેજી ભાષામાં શપથવિધીમાં (સોગંદ) ભાગ લઇને ગુજરાતીના ગૌરવ સાથે અંગ્રેજીનાં મહિમાનો સંદેશ આપ્યો છે. વિકાસના કાટાએ ગતિ પકડતા મોરબીની ઘડીયાલની સાથે હવે 'સમય' પણ બદલાઇ રહ્યો છે. પહેલી વખત કરતા બીજી વખત વધુ સરસાઇથી જીતેલા ધારાસભ્ય વધુ ઉત્સાહથી જનસેવા કરવા કટીબધ્ધ છે.

(11:48 am IST)
  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 12 વાગ્યા સુધીમાં કોરોનાના નવા 45,877 કેસ નોંધાયા :કુલ કેસનો આંકડો 90,50,212 થયો :એક્ટીવ કેસ ઘટીને 4,39,839 થયા:વધુ 48,560 દર્દીઓ સ્વસ્થ થતા કુલ 84,75,576 રિકવર થયા :વધુ 559 લોકોના મોત સાથે કુલ મૃત્યુઆંક 1,32,761 થયો access_time 1:06 am IST

  • કોરોના મહામારી કરતા પણ ભારતમાં ધાર્મિક કટ્ટરતા અને ઉગ્ર રાષ્ટ્રવાદ વધુ ખતરનાક છે : કોંગી અગ્રણી શશી થરૂરના પુસ્તક ' ધ બેટલ ઓફ બીલોગિંગ ' ના લોન્ચિંગ પ્રસંગે પૂર્વ ઉપરાષ્ટ્રપતિ હમીદ અંસારીનું વિવાદાસ્પદ વિધાન : આ અગાઉ દેશમાં મુસ્લિમો અસુરક્ષિત હોવાનું બયાન કર્યું હતું : આંતર રાષ્ટ્રીય યોગ દિવસના કાર્યક્રમમાં પણ ભાગ લીધો નહોતો access_time 12:14 pm IST

  • જન્મદિવસની પાર્ટીમાં ફાયરીંગ થયું : સપા MLC અમિત યાદવના ફલેટમાં યુવકની હત્યા થઇ : લખનઉમાં સમાજવાદી પાર્ટીના વિધાન પરિષદ સભ્ય અમિત યાદવના ફલેટમાં હત્યાથી હાહાકાર મચી ગઇ access_time 3:22 pm IST