Gujarati News

Gujarati News

News of Saturday, 21st November 2020

મોડાસાના બોલુન્દ્રા ગામે પ્લોટની વહેંચણી કરવા મુદ્દે બે જૂથો બાખડ્યા:સામસામે હુમલામાં પાંચ ગંભીર રીતે ઈજાગ્રસ્ત

મોડાસા:તાલુકાના બોલુન્દ્રા ગામે પ્લોટ વહેંચણીના મુદ્દે બે પરીવારોમાં સર્જાયેલી બોલાચાલી મારામારીમાં પરીણમી હતી.અને આ પ્રકરણે લાભ પાંચમના દિવસે જ લાકડીઓ વીઝાતાં ૫ જણાને નાની મોટી ઈજાઓ પહોંચતાં સારવાર પુરી પડાઈ હતી.જયારે સામ સામે નોંધાયેલ ફરીયાદોના આધારે મોડાસા રૂરલ પોલીસે ૮ જણા વિરૃધ્ધ ગુનો નોંધી કાયદેસરની કાર્યવાહી હાથ ધરી હતી.

તાલુકાના બોલુન્દ્રા ગામના અલ્પેશભાઈ પરમાર મોડાસા ખાતે ટીઆરબી જવાન તરીકે ફરજ બજાવી રહયા છે.ગત ગુરૂવારે તેઓના ઘરેથી ફોન આવતાં તેઓ ઘરે ગયા હતા.તેમના માતા ના જણાવ્યા મુજબ બાજુના ઘરવાળા પ્લોટ મુદ્દે તેઓ સાથે બોલાચાલી કરી રહયા હતા.અલ્પેશભાઈ પરમાર ઘર આગળ ઉભા હતા ત્યારે શૈલેષભાઈ પરમાર સહિતના ઈસમો તેમને કહેવા લાગ્યા હતા કે ઘર ના પ્લોટની વહેંચણી કેમ કરતા નથી તેમ કહી જેમ તેમ ગાળો ભાંડવા માંડયા હતા.ગાળો બોલવાની અલ્પેશભાઈ એ ના પાડતાં શૈલેષભાઈ અને કનુભાઈ પરમાર ઉશ્કેરાઈ ગયા હતા.અને તેમની લાકડી લઈ અલ્પેશભાઈ ના માથાના ભાગે ફટકારી દીધી હતી. જયારે નાથાભાઈ પરમાર નામના શખ્શે પોતાની મોટર સાયકલ લઈ આવી અલ્પેશભાઈ ને ટક્કર મારી ઈજાઓ પહોંચાડી હતી.આ ઝઘડામાં મણીબેન પરમાર વચ્ચે પડતાં શૈલેષભાઈ એ આ મહિલાને કમ્મરના ભાગે લાકડી ફટકારી દીધી હતી.જયારે કાન્તાબેન નામની મહિલાએ મણીબેનને ગળદાપાટુનો માર માર્યો હતો. અલ્પેશભાઈ અને મણીબેન ને ઈજાઓ પહોંચતાં સારવાર અર્થે ખસેડાયા હતા.જયારે મોડાસા રૂરલ પોલીસે આ પ્રકરણે શૈલેષભાઈ પરમાર સહિત ચાર વિરૃધ્ધ ગુનો નોંધી તપાસ હાથ ધરી હતી.

(5:07 pm IST)
  • મુંબઈમાં ' કરાંચી સ્વીટ્સ ' નું નામ બદલવા શિવસેનાની માંગણી અંગે ભાજપ અગ્રણી દેવેન્દ્ર ફડણવીસનું મંતવ્ય : અમે ' અખંડ ભારત ' નું સ્વપ્ન સાકાર કરવા માંગીએ છીએ : એક દિવસ એવો આવશે કે કરાંચી પણ ભારતમાં હશે : લવ જેહાદ વિરુદ્ધ કાયદો પસાર કરવાની જવાબદારી સરકારની access_time 12:00 pm IST

  • રાજસ્થાનમાં કોરોનાએ કાળોકેર વર્તાવ્યો : છેલ્લા 24 કલાકમાં 3007 નવા કેસ નોંધાયા : જયપુર,જોધપુર, ઉદયપુર,બિકાનેર , અલ્વર ,કોટા , અજમેર અને ભીલવાડામાં રાત્રી કર્ફ્યુ લગાડયો access_time 12:33 am IST

  • કોરોના મહામારી કરતા પણ ભારતમાં ધાર્મિક કટ્ટરતા અને ઉગ્ર રાષ્ટ્રવાદ વધુ ખતરનાક છે : કોંગી અગ્રણી શશી થરૂરના પુસ્તક ' ધ બેટલ ઓફ બીલોગિંગ ' ના લોન્ચિંગ પ્રસંગે પૂર્વ ઉપરાષ્ટ્રપતિ હમીદ અંસારીનું વિવાદાસ્પદ વિધાન : આ અગાઉ દેશમાં મુસ્લિમો અસુરક્ષિત હોવાનું બયાન કર્યું હતું : આંતર રાષ્ટ્રીય યોગ દિવસના કાર્યક્રમમાં પણ ભાગ લીધો નહોતો access_time 12:14 pm IST