Gujarati News

Gujarati News

News of Saturday, 21st November 2020

ગાંધીનગર જિલ્લામાં દારૂની હેરાફેરી અટકાવવા પોલીસની દોડધામ શરૂ:સે-30 નજીક કારમાંથી 15 લાખથી વધુની કિંમતનો દારૂનો જથ્થો ઝડપવામાં આવ્યો

ગાંધીનગર:શહેર અને જિલ્લામાં દેશી વિદેશી દારૂની હેરાફેરી અને વેચાણ અટકાવવા માટે પોલીસ દોડધામ કરી રહી છે ત્યારે સે-ર૧ પોલીસે સે-૩૦ સર્કલ નજીકથી કારમાં વિદેશી દારૂનો જથ્થો ઝડપી પાડયો હતો. પોલીસે કાર અને દારૂ મળી કુલ ૧પ લાખ ઉપરાંતનો મુદ્દામાલ કબ્જે કરી પ્રોહીબીશન હેઠળ કાર્યવાહી હાથ ધરી હતી.   

રાજયમાં દારૂબંધી હોવા છતાં પરપ્રાંતમાંથી મોટા પ્રમાણમાં વિદેશી દારૂનો જથ્થો ઘુસાડવામાં આવી રહયો છે. ત્યારે પોલીસ આવા દારૂની હેરાફેરી અને વેચાણ અટકાવવા માટે પ્રયત્નો કરી રહી છે. ઠેરઠેર દરોડા કરીને આવા દારૂના જથ્થાને પકડી પણ રહી છે. બુટલેગરો માટે ચિલોડા-હિંમતનગર હાઈવે દારૂની ખેપ માટે ફેવરિટ બની ચુકયો હતો ત્યારે આ હાઈવે ઉપર પોલીસની વોચ વધી જતાં હવે બુટલેગરો અંતરિયાળ માર્ગોનો ઉપયોગ કરી રહયા છે. ગાંધીનગરના સે-૩૦ સર્કલ પાસેથી પણ પોલીસે વિદેશી દારૂની બોટલો સાથે કાર ઝડપી લઈ ૧પ લાખ ઉપરાંતનો મુદ્દામાલ કબ્જે કર્યો હતો. મળતી વિગતો પ્રમાણે સે-૩૦ સર્કલ પાસે સે-ર૧ પોલીસની ટીમ વાહન ચેકીંગ કરી રહી હતી તે દરમ્યાન કાર નં.જીજે-૧૮-બીજે-૦૫૦૭માં તપાસ કરતાં તેમાંથી વિદેશી દારૂની પાંચ બોટલો મળી આવી હતી. પોલીસે કારના ચાલક હિતેશ રામજીભાઈ ચૌધરી રહે.પ્લોટ નં.ર૪ સે-૧૯ મુળ ગામ-ડાવોલ, તા.ખેરાલુને ઝડપી લઈ કાર અને દારૂ મળી ૧પ લાખ ઉપરાંતનો મુદ્દામાલ કબ્જે લઈને પ્રોહીબીશન એકટ મુજબ કાર્યવાહી હાથ ધરી હતી. 

(5:13 pm IST)
  • એક લેબ્રાડોર ડોગ, અને બે માલીક, હવે પોલીસ કરાવશે શ્વાનનો DNA ટેસ્ટ : હોશંગાબાદમાં એક લેબ્રા ડોગ પર બે લોકોએ માલિકી હક્ક બતાવ્યો :મામલો વધુ બિચકાતા પોલીસ મથકે પહોંચ્યો : બંને પક્ષોએ પોતાની તરફેણમાં કેટલાક દસ્તાવેજો પણ રજૂ કરતા પોલીસ પણ ચકરાવે ચડી : હવે પોલીસ કરાવશે શ્વાનનો DNA ટેસ્ટ access_time 12:52 am IST

  • દેશમાં કોરોનાનો કહેર યથાવત : રાત્રે 12 વાગ્યા સુધીમાં કોરોનાના નવા 44,906 કેસ નોંધાયા :કુલ કેસનો આંકડો 90,95,543 થયો :એક્ટીવ કેસ ઘટીને 4,40,470 થયા:વધુ 43,797 દર્દીઓ સ્વસ્થ થતા કુલ 85,19,764 રિકવર થયા :વધુ 497 લોકોના મોત સાથે કુલ મૃત્યુઆંક 1,33,260 થયો access_time 1:05 am IST

  • અરવલ્લી જિલ્લાનું ધનસુરા 48 કલાકમાં 30થી વધુ કેસ આવતા 23 નવેમ્બર સુધી જનતા કરફયુ : આજથી સજ્જડ બંધ રહેશે access_time 11:20 pm IST