Gujarati News

Gujarati News

News of Friday, 22nd January 2021

રાજપીપળા એસટી ડેપોના કંડક્ટરે મહિલા કંડકટર સાથે સગાઈ કર્યા બાદ શરીર સબંધ બાંધ્યા પછી લગ્નની ના પાડતા બળાત્કાર ફરિયાદ

બંનેની સગાઈ થઈ હતી પરંતું સગાઈ બાદ લગ્ન નહિ કરવાનું કહી રાજેશ પટેલિયાએ મહિલા કંડકટર સાથે મરજી વિરુદ્ધ શરીર સબંધ બાંધી મારી નાંખવાની ધમકી આપતા ફરિયાદ

(ભરત શાહ દ્વારા) રાજપીપળા : રાજપીપળા એસટી ડેપો માં કંડકટર તરીકે  ફરજ બજાવતી મહિલા ના ત્યાંજ કંડકટર તરીકે ફરજ બજાવતા સાથી કંડક્ટર સાથે ૨૦૧૯ ના મે મહિનામાં જ્ઞાતિના રીત રીવાજ મુજબ સગાઇ થઇ હતી, સગાઇ બાદ ભોગ બનનાર મહિલા કંડકટર રાજપીપળા ડેપો પાસેના રજપુત ફળીયામા ભાડેથી મકાન રાખી રહેતા હોય તેની સાથે સગાઈ કરનાર કંડકટર રાજેશ પર્વતભાઇ પટેલીયા સથી કંડકટર મહિલા ના ઘરે અવાર-નવાર મળવા જઇ તેની સાથે રહેતી બહેનો ઘરે હાજર ન હોય તે વખતે તેણીને લગ્ન કરવાનું જણાવી અવાર-નવાર શરીર સંબંધ બાંધતો અને સગાઇ થયાના છ મહિના પછી રાજેશના પિતાજી પર્વતભાઇ દ્રારા ભોગ બનનાર સાથે રાજેશની સગાઇ તોડવાની વાત કરી લગ્નની ના પાડેલી ત્યારબાદ પણ રાજેશ ભોગ બનનારના રૂમ ઉપર જઇ "હુ મારા પિતાજીને સમજાવી લઇશ " અને " હું લગ્ન કરીશ તો તારી સાથે જ કરીશ" તેમ કહી શરીર સંબંધ બાંધ્યા બાદ શરીર સંબંધ બાંધવાની ના પાડતા રાજેશ દ્વારા ધમકી આપી મારઝુડ કરી અંતે તા ૧૪/૧૧/૨૦૨૦ ના રોજ રાત્રીના દશેક વાગે ભોગ બનનાર ઘરે એકલી હોય ત્યારે રાજેશે તેના ઘરે આવી " હુ તારી સાથે લગ્ન કરવાનો નથી" અને "હુ બીજી જગ્યાએ લગ્ન કરવાનો છુ" તેમ કહી આ મહિલાની મરજી વિરૂધ્ધ શરીર સંબંધ બાંધવાનો પ્રયત્ન કરતા મહિલા દ્રારા ના પાડી છુટવાનો પ્રયાસ કરતા રાજેશે તેમને જાનથી મારી નાખવાની ધમકી આપી મરજી વિરૂધ્ધ શરીર સંબંધ બાંધતા મહિલા કંડક્ટરે રાજપીપળા પો.સ્ટે.માં રાજેશ પટેલિયા વિરુદ્ધ ફરિયાદ આપતા પોલીસે બળાત્કાર નો ગુનો દાખલ કરી તપાસ હાથ ધરી છે.

(12:38 am IST)
  • ગુજરાતમાં પણ ઝડપભેર લવ જેહાદ વિરુદ્ધ કાયદો આવી રહ્યો છે : ગુજરાત સરકાર નજીકના ભવિષ્યમાં લવ જીહાદ વિરુદ્ધ નવો કાનૂન લાવી રહી છે કોંગ્રેસ પક્ષની આંતરિક ચૂંટણીઓ મે મહિનામાં યોજાય તેવી સંભાવના છે આજે કોંગ્રેસની કારોબારી બેઠક મળી રહી છે access_time 11:44 am IST

  • રામ મંદિર નિર્માણ માટે વિજયભાઈએ ૫ લાખ અને રામભાઈ મોકરિયાએ ૧૧ લાખ જાહેર કર્યા: મુખ્યમંત્રી વિજયભાઈ રૂપાણીએ આજે રાજકોટ ખાતે શ્રેષ્ઠઈઓની બેઠકમાં અયોધ્યામાં રામ મંદિર નિર્માણ માટે પાંચ લાખ રૂપિયાના દાનની જાહેરાત કરી છે, જ્યારે મારુતિ કુરિયર પ્રાઇવેટ લિમિટેડના શ્રી રામભાઈ મોકરિયાએ રામ મંદિર નિર્માણ માટે ૧૧ લાખ રૂપિયાની જાહેરાત કરી હતી. access_time 12:19 am IST

  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 14,246 કેસ નોંધાયા :કુલ કેસની સંખ્યા 1,06,40,669 થઇ :એક્ટિવ કેસ 1,82,891 થયા: વધુ 17,034 દર્દીઓ સ્વસ્થ થતા કુલ 1,02,99,931 થયા :વધુ 151 લોકોના મોત સાથે કુલ મૃત્યુઆંક 1,53,218 થયા access_time 1:07 am IST