Gujarati News

Gujarati News

News of Friday, 22nd January 2021

અમદાવાદ રીજીયોનલ પાસપોર્ટ ઓફિસે સોમથી શુક્ર એપોઈન્ટમેન્ટ વિના જઈ શકાશે

નવનિયુકત ઓફિસર રેન મિશ્રાએ લોકોની સુવિધા વધારવા કર્યો નિર્ણય

અમદાવાદ, તા. ૨૨ :. વિદેશ જવા ઈચ્છુક લોકોની સંખ્યા વધવાને પગલે રાજ્યમાં પાસપોર્ટ બનાવવા માંગતા અરજદારોનો પાસપોર્ટ ઓફિસે ધસારો વધતો રહે છે. જેને લઈને છાશવારે વ્યવસ્થામાં બદલાવ સહિતના નિર્ણયો લેવામાં આવે છે. જેમાં હવે પાસપોર્ટમાં વિવિધ સુધારા સહિતના પ્રશ્નો માટે રિજનલ પાસપોર્ટ ઓફિસે એપોઈન્મેન્ટ લીધા વિના પણ અરજદારો ગમે ત્યારે જઈ શકશે તેવી છૂટ આપવાનો નિર્ણય લેવાયો છે.

પાસપોર્ટ અંગેના કામ માટે અરજદારોને કોઈ મુશ્કેલીઓ હોય તો હવેથી તેઓ રિજનલ પાસપોર્ટ ઓફિસે સોમવારથી શુક્રવાર દરમિયાન ઓફિસ સમયે કોઈપણ પ્રકારના એપોઈન્ટમેન્ટ લીધા વિના જઈ શકશે. પાસપોર્ટના અરજદારોને વર્ષોથી માત્ર બુધવારે જ પાસપોર્ટ ઓફિસની મુલાકાત કરવા મળતી હતી ત્યારે નવા રિજનલ પાસપોર્ટ ઓફિસર રેન મિશ્રાએ અરજદારો ગમે ત્યારે પણ મળી શકે છે તેવો નિર્ણય લીધો છે.

પાસપોર્ટ માટે અરજદારોનો ધસારો વધતા દેશભરમાં પાસપોર્ટ સહાયતા કેન્દ્રો કાર્યરત કરવામાં આવેલા છે. હવે કોઈ અરજદારની સમસ્યાનો નિકાલ પાસપોર્ટ સહાયતા કેન્દ્રમાં ન થાય તો અમદાવાદ સ્થિત રિજનલ પાસપોર્ટ ઓફિસમાં અધિકારી સમક્ષ પોતાની રજૂઆત કરવાની રહેતી હતી. છેલ્લા ઘણા વર્ષોથી આવા અરજદારો પાસપોર્ટ ઓફિસે માત્ર બુધવારે જ અધિકારીને મળી શકતા હતા. જેના કારણે અરજદારને કોઈ તકલીફ પડે તો આખુ અઠવાડીયું રાહ જોવી પડતી હતી. તેના પગલે ઘણી ફરીયાદો ઉઠી હતી. દરમિયાન અમદાવાદ પ્રાદેશિક પાસપોર્ટ ઓફિસનો નવા અધિકારી રેન મિશ્રાએ ચાર્જ સંભાળી તેમણે લોકોના હિતમાં નિર્ણય લીધો છે. અરજદારની સમસ્યાનું ઝડપી નિવારણ આવે તે માટે તેમણે અઠવાડિયાના પાંચેય દિવસ કોઈપણ અરજદાર પોતાની સમસ્યા લઈને પાસપોર્ટ ઓફિસે આવી શકે તેવી વ્યવસ્થા ગોઠવી છે. તેમના આ નિર્ણયથી અરજદારોને પણ રાહત થઈ છે.

(2:55 pm IST)
  • શેલ્ટર હોમમાં ૩ મહિલાની લાજ લૂંટવામાં આવી: છત્તીસગઢમાં બિલાસપુરના એક શેલ્ટર હોમમાં ત્રણ મહિલાઓના યોન શોષણ નો મામલો બહાર આવ્યો છે એફઆઈઆર દાખલ કરવામાં આવી છે access_time 12:15 am IST

  • મે મહિનામાં યોજાશે કોગ્રેસ અધ્યક્ષની ચૂંટણી : સીડબલ્યુસીની બેઠકમાં લેવાયો નિર્ણય access_time 12:14 pm IST

  • રાજકોટ-68નાં કોંગ્રેસનાં પુર્વ ધારાસભ્ય ઈન્દ્રનીલ રાજ્યગુરુ, રાજકોટ મહાનગરપાલિકાનાં પુર્વ વિપક્ષી નેતા વશરામ સાગઠીયા સહિતનાં આગેવાનોની આજે મોડી રાત્રે અકિલા ચોકમાં અનશન ઉપર બેસતા ત્રીજી વખત અટકાયત કરતી રાજકોટ પોલીસ... access_time 11:10 pm IST