Gujarati News

Gujarati News

News of Friday, 22nd January 2021

ગાંધીનગર એલસીબી-2ની ટીમે કુડાસણમાં કોમ્પ્લેક્ષમાં ક્રિકેટ પર ઓનલાઇન સટ્ટો રમતા શખ્સોને ઝડપી પાડ્યા

ગાંધીનગર:જિલ્લામાં છેલ્લા થોડા સમયથી ઓનલાઈન ક્રિકેટ સટ્ટાની પ્રવૃતિ વધી છે ત્યારે પોલીસ પણ બાતમીદારોને સક્રિય કરી ઠેકઠેકાણે સટ્ટો રમતાં શખ્સોને પકડી રહી છે ત્યારે ગાંધીનગર એલસીબી પીઆઈ એચ.પી.ઝાલાએ સ્ટાફના માણસોને એલર્ટ રહી સટ્ટા અંગેના કેસો કરવા તાકીદ કરી હતી. જેના પગલે એલસીબીની ટીમ પેટ્રોલીંગમાં હતી તે દરમ્યાન એએસઆઈ દીલીપસિંહ અને કો.રવિન્દ્રસિંહને બાતમી મળી હતી કે કુડાસણના શ્યામસૃષ્ટી કોમ્પ્લેક્ષ- ના પહેલા માળે આવેલા ટી એન્ડ ટ્રેકસ નામની દુકાનની બાજુમાં બે ઈસમો હાલમાં ચાલતી બીગ બેઝ લીગ ટી-ર૦ ઉપર ઓનલાઈન ક્રિકેટ સટ્ટો રમી રહયા છે. જે બાતમીના પગલે પોલીસે દરોડો પાડીને મયુર દીલીપભાઈ પટેલ રહે.કુડાસણ મેંગો આવાસ ફલેટ નં. અને હિતેશ અરૃણભાઈ પટેલ રહે.પોરગામ સ્વામીનારાયણવાસને ઝડપી પાડયા હતા. જેમની પાસેથી ૧૫ હજાર રોકડા અને ત્રણ મોબાઈલ મળી ૨૯૫૦૦ રૃપિયાનો મુદ્દામાલ કબ્જે કરવામાં આવ્યો હતો. આરોપીઓની પુછપરછ દરમ્યાન ગોઝારીયા ખાતે રહેતા કલ્પેશ પ્રજાપતિએ તેમને યુઝર આઈડી અને પાસવર્ડ આપ્યા હોવાથી પોલીસે તેની સામે પણ ગુનો નોંધી શોધખોળ આદરી છે.

(5:59 pm IST)
  • પંજાબના બે પોલ્ટ્રી ફાર્મમાં બર્ડ ફ્લૂની પુષ્ટિ : 50 હજાર મરઘીઓને મારી નાખવાનું અભિયાન આજ 22 જાન્યુઆરીથી શરૂ : પી.પી.ઈ.કીટ પહેરી જુદી જુદી ટીમો કામગીરી શરૂ કરી દેશે access_time 12:40 pm IST

  • રામ મંદિર નિર્માણ માટે વિજયભાઈએ ૫ લાખ અને રામભાઈ મોકરિયાએ ૧૧ લાખ જાહેર કર્યા: મુખ્યમંત્રી વિજયભાઈ રૂપાણીએ આજે રાજકોટ ખાતે શ્રેષ્ઠઈઓની બેઠકમાં અયોધ્યામાં રામ મંદિર નિર્માણ માટે પાંચ લાખ રૂપિયાના દાનની જાહેરાત કરી છે, જ્યારે મારુતિ કુરિયર પ્રાઇવેટ લિમિટેડના શ્રી રામભાઈ મોકરિયાએ રામ મંદિર નિર્માણ માટે ૧૧ લાખ રૂપિયાની જાહેરાત કરી હતી. access_time 12:19 am IST

  • રાજકોટ-68નાં કોંગ્રેસનાં પુર્વ ધારાસભ્ય ઈન્દ્રનીલ રાજ્યગુરુ, રાજકોટ મહાનગરપાલિકાનાં પુર્વ વિપક્ષી નેતા વશરામ સાગઠીયા સહિતનાં આગેવાનોની આજે મોડી રાત્રે અકિલા ચોકમાં અનશન ઉપર બેસતા ત્રીજી વખત અટકાયત કરતી રાજકોટ પોલીસ... access_time 11:10 pm IST