Gujarati News

Gujarati News

News of Friday, 22nd January 2021

ગાંધીનગર નજીક બહિયલ પાસે મુસાફરો ભરેલ રીક્ષા પલ્ટી ખાતા ત્રણ મહિલા મુસાફર ગંભીર રીતે ઈજાગ્રસ્ત થતા સારવાર અર્થે ખસેડવામાં આવી

ગાંધીનગર:જિલ્લાના હાઈવે માર્ગો ઉપર અકસ્માતની ઘટનાઓ બની રહી છે ત્યારે બહિયલ પાસે ગત મંગળવારની રાત્રે મુસાફરો ભરેલી રીક્ષા પલટી જતાં તેમાં સવાર ત્રણ મહિલાઓને ઈજાઓ થતાં સારવાર માટે દહેગામ ખસેડવામાં આવી હતી અને જયાંથી એક મહિલાને વધુ સારવાર માટે અમદાવાદ સિવિલ ખસેડાઈ હતી. જયાં સારવાર દરમ્યાન તેનું મોત નીપજયું હતું. ઘટના અંગે દહેગામ પોલીસે રીક્ષા ચાલક સામે ગુનો નોંધ્યો છે. 

ઘટના અંગે બહિયલ ગામે રહેતા રાવજીભાઈ બબાભાઈ વાદીએ નોંધાવેલી ફરીયાદ પ્રમાણે ગત મંગળવારે સાંજના સમયે તેમના ભાભી મંગુબેન તથા મધુબેન અને ગીતાબેન ગામના રીક્ષાચાલક સંજયભાઈ દેવીપુજકની રીક્ષા લઈને મોટા ચિલોડા ખાતે મધુબેનની દીકરી મેનાબેનને લેવા માટે ગયા હતા. રાત્રીના સમયે તેમની રીક્ષા બહિયલ નજીક પહોંચી ત્યારે આ રીક્ષા પલ્ટી ગઈ હતી અને જેના પગલે પરિવારજનોને જાણ થતાં તેઓ તાત્કાલિક સ્થળે પહોંચ્યા હતા. જયા મંગુબેનમધુબેન અને ગીતાબેનને ઈજાઓ પહોંચતા દહેગામની હોસ્પિટલમાં લઈ જવામાં આવ્યા હતા. જયાં મંગુબેનને વધુ સારવાર માટે ૧૦૮ એમ્બ્યુલનસ મારફતે અમદાવાદ સિવિલ હોસ્પિટલ લઈ જવામાં આવ્યા હતા. જો કે સારવાર દરમ્યાન ગઈકાલે સવારના સમયે મંગુબેનનું મોત નીપજયું હતું. જેના પગલે દહેગામ પોલીસે રીક્ષાચાલક સામે અકસ્માતનો ગુનો નોંધીને વધુ તપાસ શરૃ કરી છે.

(6:00 pm IST)
  • રાજસ્થાનના દોઢ ડઝન જિલ્લામાં બર્ડ ફ્લુનો પગપેસારો: રાજસ્થાનના ૧૭ જિલ્લામાં બર્ડ ફ્લુનો પગપેસારો: સત્તાવાર જાહેરાત: રાજસ્થાનમાં અત્યાર સુધીમાં ૧૮૧ પક્ષીઓ મૃત્યુ પામેલ મળી આવ્યા છે. access_time 12:16 am IST

  • રાજકોટ-68નાં કોંગ્રેસનાં પુર્વ ધારાસભ્ય ઈન્દ્રનીલ રાજ્યગુરુ, રાજકોટ મહાનગરપાલિકાનાં પુર્વ વિપક્ષી નેતા વશરામ સાગઠીયા સહિતનાં આગેવાનોની આજે મોડી રાત્રે અકિલા ચોકમાં અનશન ઉપર બેસતા ત્રીજી વખત અટકાયત કરતી રાજકોટ પોલીસ... access_time 11:10 pm IST

  • દેશમાં કોરોના હાંફી ગયો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 13,692 કેસ નોંધાયા :કુલ કેસની સંખ્યા 1,06,25,420 થઇ :એક્ટિવ કેસ 1,86,558 થયા: વધુ 16,288 દર્દીઓ સ્વસ્થ થતા કુલ 1,02,81,391 થયા :વધુ 147 લોકોના મોત સાથે કુલ મૃત્યુઆંક 1,53,053 થયા access_time 1:02 am IST