Gujarati News

Gujarati News

News of Friday, 22nd January 2021

કપાસિયા પર સનફ્લાવરના સ્ટીકરવાળા તેલના ડબ્બા જપ્ત

કડીમાં પોલીસની કડક કાર્યવાહી : કડી ખાતેના માર્કેટ યાર્ડમાં તેલનો વેપાર કરતા વેપારીના ગોડાઉનમાંથી તેલના ડબ્બા ઝડપી કાર્યવાહી હાથ ધરાઈ

કડી, તા. ૨૨ : કડીના માર્કેટયાર્ડમાં રાંદલ કૃપા નામની પેઢીમાંથી કપાસિયા તેલ ભરેલા ડબ્બા ઉપર સનફલાવરના સ્ટીકર લગાવેલા તેલના ડબ્બા ઝડપાતાં પોલીસે કાયદેસરની કાર્યવાહી હાથ ધરી હતી. રાંદલકૃપા નામની પેઢીથી ખાદ્ય તેલનો વેપાર કરતા રાજેશ અમરત પટેલના નરસિંહપુરા ગામના લાભ એસ્ટેટ ગોડાઉનમાં પોલીસની રેડમાં કપાસિયા તેલ ભરેલા ડબ્બા ઉપર સન ફલાવર લગાવીને વેંચતા  ડબ્બા ઝડપાઈ ગયા હતા. પોલીસે રાંદલ કૃપાના માલિક પાસે તેલના ડબ્બાના બિલ માગતાં રાજેશ પટેલે આંબલિયાસણ ગામના વેપારી પટેલ મયુરે આપ્યા હતા તેમજ તેનું બિલ માગતા પછી આપીશ તેવું જણાવ્યું હતું.

મયુર પટેલ પાસેથી લીધેલ તેલના ડબ્બા રાજેશ પટેલે આંબલિયાસણના કેલાદેવી મોલના માલિક દીપકને વેચ્યા હતા. જેમણે બીજા દિવસે કપાસિયા તેલના ડબ્બા ઉપર સન ફલાવરનું સ્ટીકર લગાવેલ હોવાનું જણાવતાં પાછા મોકલ્યા હતા. જેને તેમણે લાભ એસ્ટેટમાં મુક્યા હતા.

આથી રાજેશભાઈએ મયુરભાઈને કહેતાં તેમણે નકલી નહિ હોવાનું કહી પાછા લઈ જવાની વાત કરી હતી પરંતુ ગોડાઉન પર પોલીસની રેડ પડતાં તેમણે પોલીસને હકીકતથી વાકેફ કરી કડી પોલીસ સ્ટેશને ફરિયાદ નોંધાવી હતી.

(7:41 pm IST)
  • શેલ્ટર હોમમાં ૩ મહિલાની લાજ લૂંટવામાં આવી: છત્તીસગઢમાં બિલાસપુરના એક શેલ્ટર હોમમાં ત્રણ મહિલાઓના યોન શોષણ નો મામલો બહાર આવ્યો છે એફઆઈઆર દાખલ કરવામાં આવી છે access_time 12:15 am IST

  • દેશમાં કોરોના હાંફી ગયો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 13,692 કેસ નોંધાયા :કુલ કેસની સંખ્યા 1,06,25,420 થઇ :એક્ટિવ કેસ 1,86,558 થયા: વધુ 16,288 દર્દીઓ સ્વસ્થ થતા કુલ 1,02,81,391 થયા :વધુ 147 લોકોના મોત સાથે કુલ મૃત્યુઆંક 1,53,053 થયા access_time 1:02 am IST

  • રામ મંદિર નિર્માણ માટે વિજયભાઈએ ૫ લાખ અને રામભાઈ મોકરિયાએ ૧૧ લાખ જાહેર કર્યા: મુખ્યમંત્રી વિજયભાઈ રૂપાણીએ આજે રાજકોટ ખાતે શ્રેષ્ઠઈઓની બેઠકમાં અયોધ્યામાં રામ મંદિર નિર્માણ માટે પાંચ લાખ રૂપિયાના દાનની જાહેરાત કરી છે, જ્યારે મારુતિ કુરિયર પ્રાઇવેટ લિમિટેડના શ્રી રામભાઈ મોકરિયાએ રામ મંદિર નિર્માણ માટે ૧૧ લાખ રૂપિયાની જાહેરાત કરી હતી. access_time 12:19 am IST