Gujarati News

Gujarati News

News of Friday, 22nd January 2021

નાંદોદ ના રીગણી પાસે હાઈવા ટ્રકે બાઈક સવાર GRD જવાનને અડફ્ટમાં લેતા ઘટના સ્થળે જ મોત

GRD જવાન રાજપીપળા નોકરી પુરી કરી પરત ઘરે જતા અકસ્માત થયો,અકસ્માત બાદ હાઈવા ચાલાક ટ્રક મૂકી ફરાર,ઉશ્કેરાયેલા લોકોએ ટ્રકને આગ લગાડતા ફાયર બ્રિગેડ દોડ્યું

(ભરત શાહ દ્વારા) રાજપીપળા : નર્મદા જિલ્લાના નાંદોદ તાલુકાના રીંગણી ગામ નજીક આજે સવારે એક હાઈવા ટ્રકે મો.સાં.લઈ જતા GRD જવાન ને અડફ્ટ માં લેતા તેનું ઘટના સ્થળે જ મોત નીપજ્યું હતું.

પ્રાપ્ત માહિતી અનુસાર આમલેથા પો.સ્ટે.માં કનુભાઈ જેઠાભાઇ વસાવા એ આપેલી ફરિયાદ મુજબ તેમનો ભાઈ નિલેશ જેઠાભાઇ વાસવા રાજપીપળાથી પોતાની GRDની ફરજ પુરી કરી પરત નવાગામ પોતાના ઘરે મો.સા.ઉપર આવતો હતો એ સમયે ખામર તરફથી પુરપાટ રેતી ભરી આવી રહેલી હાઈવા ટ્રક નં. જી.જે.21.વી.1319 ના ચાલકે GRD ની મો.સા.ને ટક્કર મારતા નિલેશ વસાવા નું ઘટના સ્થળે જ કમકમાટીભર્યું મોત થયું હતું.અકસ્માત કરી ટ્રક ચાલાક ટ્રક ઘટના સ્થળે મૂકી નાસી ગયો હતો.આમલેથા પોલીસે ટ્રક ચાલાક વિરુદ્ધ ગુનો નોંધી તપાસ હાથ ધરી છે.

બોક્ષ :- અકસ્માત માં એક GRD જવાન નું મોત નિપજાવી ટ્રક મૂકી ચાલાક નાસી ગયો હોય લોકોમાં આ મોત ના કારણે ભારે આક્રોશ જોવા મળતા ટ્રક ને આગ લગાડતા રાજપીપળા થી ફાયર બ્રિગેડ ત્યાં ઘટના સ્થળે પહોંચી આગ પર કાબુ મેળવ્યો હતો.જોકે આ બાબતે પોલીસ ફરિયાદ માં કોઈ ઉલ્લેખ નથી પરંતુ સૂત્રો ના જણાવ્યા મુજબ અકડાયેલા લોકો એ ટ્રકમાં આગ લગાડતા ફાયર બ્રિગેડ દોડ્યું હતું.

(12:51 am IST)
  • રામ મંદિર નિર્માણ માટે વિજયભાઈએ ૫ લાખ અને રામભાઈ મોકરિયાએ ૧૧ લાખ જાહેર કર્યા: મુખ્યમંત્રી વિજયભાઈ રૂપાણીએ આજે રાજકોટ ખાતે શ્રેષ્ઠઈઓની બેઠકમાં અયોધ્યામાં રામ મંદિર નિર્માણ માટે પાંચ લાખ રૂપિયાના દાનની જાહેરાત કરી છે, જ્યારે મારુતિ કુરિયર પ્રાઇવેટ લિમિટેડના શ્રી રામભાઈ મોકરિયાએ રામ મંદિર નિર્માણ માટે ૧૧ લાખ રૂપિયાની જાહેરાત કરી હતી. access_time 12:19 am IST

  • નાંદોદ ના રીગણી પાસે હાઈવા ટ્રકે બાઈક સવાર GRD જવાનને અડફ્ટમાં લેતા ઘટના સ્થળે જ મોત access_time 12:58 am IST

  • રાજસ્થાનના દોઢ ડઝન જિલ્લામાં બર્ડ ફ્લુનો પગપેસારો: રાજસ્થાનના ૧૭ જિલ્લામાં બર્ડ ફ્લુનો પગપેસારો: સત્તાવાર જાહેરાત: રાજસ્થાનમાં અત્યાર સુધીમાં ૧૮૧ પક્ષીઓ મૃત્યુ પામેલ મળી આવ્યા છે. access_time 12:16 am IST