Gujarati News

Gujarati News

News of Friday, 22nd January 2021

રાજપીપળા નજીકના માંડણ ગામ પાસેથી ૪,૮૫ લાખના દારૂના મુદ્દામાલ સાથે આરોપીઓને ઝડપી પાડતી LCB નર્મદા

(ભરત શાહ દ્વારા) રાજપીપળા : હિમકર સિંહ પોલીસ અધિક્ષક નર્મદા એ જીલ્લામાંથી દારૂના દુષણ ને ડામવા તેમજ અસરકારક કામગીરી કરવા માટેની કડક નિર્દેશો અને સુચનાનાં પગલે એ.એમ.પટેલ, પો.ઇન્સ.એલ.સી. બી.દ્વારા એલ.સી બી.સ્ટાફના પોલીસ માણસોને જીલ્લામાં દારૂની હેરાફેરી તથા ગેરકાયદેસર પ્રવૃતિ કરતા ઇસમો ઉપર વોચ રાખવા જણાવતા બાતમી મળેલ કે એક ભુરા કલરની બલેનો ફોર વ્હીલર ગાડી નં.GJ - 16 - CN 8342માં વિદેશી દારૂ ભરી ડેડીયાપાડા રોડ તરફથી રાજપીપળા તરફ આવવા નિકળેલ છે જે બાતમી આધારે આ વાહનની વોચમાં રહી ખુટાઆંબા બસ સ્ટેશન પાસે આ ગાડીની વોચમાં ઉભા હતા દરમ્યાન બાતમીવાળી બલેનો ગાડી મોવી તરફથી આવતા તેને ઉભી રાખવાનો હાથથી ઇશારો કરતા ગાડીના ચાલકે ગાડી ઉભી રાખેલ નહીં અને રાજપીપળા તરફ ભાગવા લાગેલ જેથી તેનો પીછો કરતા તે ગાડી માંડણ ગામમાં જવાના રસ્તા પાસે પકડી ગાડીની તપાસ કરતા ઇગ્લીશ દારૂના ક્વાટરીયા નંગ -૭૦૪ કિ.રૂ. ૭૦,૪૦૦ તથા મોબાઇલ નંગ -૪ કિ.રૂ. ૧૫,૫૦૦ તથા બલેનો ફોરવ્હીલ ગાડી -૧ કિ.રૂ. ૪,૮૫, ૯૦૦ ના મુદ્દામાલ સાથે પ્રતિકભાઇ મહેશભાઈ પટેલ( ઉ.વ .૨૯ ) ( હાલ રહે.નેત્રંગ જીન બજાર રમેશભાઇ પટેલના મકાનમાં તા.નેત્રંગ જી.ભરૂચ મુળ રહે.ગવાડા પટેલ ફળીયુ તા. વીજાપુર જી.મહેસાણા )તથા કિરણ ભાઇ ઇશ્વરભાઇ વસાવા (ઉ.વ.૨૪ ) ( રહે.માંડણ તા.નાંદોદ જી. નર્મદા ) ને મુદ્દામાલ સાથે ઝડપી પુછપરછ દરમ્યાન રમેશ ભાઇ (રહે.પીપલખુંટા તા.અકકલકુવા જી.નંદુરબાર ( મહારાષ્ટ્ર ),જગદીશભાઇ પાંચીયા ભાઇ વસાવા( રહે.કુટીલપાડા )જયદીપભાઇ જગદીશભાઇ વસાવા( રહે.માડણ), સુરેશભાઇ ઇશ્વરભાઇ વસાવા (રહે.માંડણ) તથા સુરેશભાઇ વસાવા (રહે.ઝરણા તા.નેત્રંગ જી.ભરૂચ) ને વોન્ટેડ જાહેર કરી પ્રોહીબીશનનો કેસ શોધી કાઢી રાજપીપળા પો.સ્ટેમાં ગુનો રજીસ્ટર કરી કાયદેસરની કાર્યવાહી કરવામાં આવી છે.

(1:01 am IST)
  • શેલ્ટર હોમમાં ૩ મહિલાની લાજ લૂંટવામાં આવી: છત્તીસગઢમાં બિલાસપુરના એક શેલ્ટર હોમમાં ત્રણ મહિલાઓના યોન શોષણ નો મામલો બહાર આવ્યો છે એફઆઈઆર દાખલ કરવામાં આવી છે access_time 12:15 am IST

  • રામ મંદિર નિર્માણ માટે વિજયભાઈએ ૫ લાખ અને રામભાઈ મોકરિયાએ ૧૧ લાખ જાહેર કર્યા: મુખ્યમંત્રી વિજયભાઈ રૂપાણીએ આજે રાજકોટ ખાતે શ્રેષ્ઠઈઓની બેઠકમાં અયોધ્યામાં રામ મંદિર નિર્માણ માટે પાંચ લાખ રૂપિયાના દાનની જાહેરાત કરી છે, જ્યારે મારુતિ કુરિયર પ્રાઇવેટ લિમિટેડના શ્રી રામભાઈ મોકરિયાએ રામ મંદિર નિર્માણ માટે ૧૧ લાખ રૂપિયાની જાહેરાત કરી હતી. access_time 12:19 am IST

  • મે મહિનામાં યોજાશે કોગ્રેસ અધ્યક્ષની ચૂંટણી : સીડબલ્યુસીની બેઠકમાં લેવાયો નિર્ણય access_time 12:14 pm IST