Gujarati News

Gujarati News

News of Thursday, 22nd April 2021

સુરતમાં નિવૃત વયોવૃદ્ધ પોલીસે કોરોનાના ડરના કારણોસર ફાસો ખાઈ જીવન ટુંકાવતા ચકચાર

સુરત: શહેરમાંકોરોના કરતા કોરોનાનો ડર લોકોને મારી રહ્યો છે. સુરતમાં એક નિવૃત વયોવૃદ્ધ પોલીસ કર્મચારીએ કોરોના થવાના ડરથી માનસિક તણાવમાં ફાંસો ખાઇ આપઘાત કરી લીધો હતો. અલબત્ત મૃત્યુ બાદ તેમનો કોરોના ટેસ્ટ પોઝિટીવ આવ્યો હતો. જોકે પાંચ દિવસ પહેલા કરેલો ટેસ્ટ નેગેટિવ હતો તેમછંતા ગભરામણમાં અને પણ જીવનના અંતિમ પડાવમાં અંતિમ પગલુ ભરી લીધુ હતુ. ઘટના કંઇક આવી છે. શહેરના નાનપુરા વિસ્તારમાં ખારવાવાડમાં રહેતા ૮૩ વર્ષનાં નિવૃત પોલીસ કર્માચારી હરકિશનભાઇ પિતાંબરભાઇ ખલાસીએ ગત તા- ૨૦મી એપ્રિલે સાંજે વાગ્યા આસપાસ ઘરના ટોયલેટ પાસેના ખુણામાં દિવાલ ઉપર એક ખીલા સાથે નાયલોનની દોરી બાંધી ફાંસો ખાઇ લીધો હતો. તેમના કૌટુંબિક ભત્રીજા વિજયભાઇ ઇશ્વરલાલ માસ્તરના કહેવા પ્રમાણે તે અને હરકિસનભાઇ માર્ચ મહિનામાં સાથે કોરોનાની રસીનો પહેલો ડોઝ લેવા ગયા હતા. ડોઝ લીધા બંનેની તબીયત સારી હતી. વિજયભાઇએ તેમની પત્ની સાથે બીજો ડોઝ તા-૨૦મીએ લીધો હતો. બાદમાં કાકાને ડોઝ અપાવવા માટે તેમના ઘરે ગયા હતા ત્યારે હરકિશનભાઇ ફાંસો ખાધેલી હાલતમાં દેખાતા ચોંકી ગયા હતા. અને રૃમમાં સુઇ રહેલી હરકિશનભાઇની પત્ની સુશિલાબેન અને પોલીસને જાણ કરાતા અઠવા પોલીસ પણ સ્થળ પર પહોંચી હતી.

(6:50 pm IST)
  • આજે રાજકોટ શહેર - જિલ્લામાં કોરોનાએ ફરી જોર પકડ્યું : આજે સાંજ સુધીમાં રાજકોટ શહેરમાં 697 અને ગ્રામ્યના 65 કેસ સાથે કુલ 762 નવા કોરોના ના કેસ નોંધાયા access_time 7:30 pm IST

  • કલેકટરની અપીલ : હળવા લક્ષણ ધરાવતા લોકો રેમડેસીવીર ઈન્જેકશનનો આગ્રહ ન રાખે : રાજકોટના ડોકટરો પણ ખોટુ દબાણ ન લઈ આવે : એન્ટીજન ટેસ્ટ પોઝીટીવ આવ્યો હોય એટલે ગભરાવવાની જરૂર નથી : ખોટી રીતે ઈન્જેકશન ન મેળવે : ડોકટરો પણ લોકોના દબાણથી થાકીને ઈન્જેકશન લખી આપે છે : રાજકોટમાં ફેબી ફલુ ટેબ્લેટનો પૂરતો સ્ટોક છે : સિવિલમાં ઓકિસજન જરૂરીયાતવાળા ૨૫૦ જેટલા ગંભીર દર્દીઓ છે : પગાર વધારા થયા બાદ ડોકટરો અને સ્ટાફ વધવા માંડ્યો છે : ૨ થી ૩ દિવસમાં ઈન્ડિયન મેડીકલ એસોસીએશન દ્વારા ટેલી મેડીશ્યન અને ટેલી મેન્ટરી સેવા પણ ચાલુ થઈ જશે : રાજકોટમાં ઓકિસજનની અછત છે પણ અમે મગાવી રહ્યા છીએ : કેન્સર કોવિડ હોસ્પિટલમાં ૨૦ બેડ વેન્ટીલેટર વાળા ચાલુ થઈ ગયા છે : સિવિલ બેડ કૌભાંડમાં પોલીસ તપાસ કરી રહી છે : જે કોઈ જવાબદાર હશે એને અમે નહિં મૂકીએ : કલેકટર રેમ્યા મોહનની પત્રકારો સાથેની વાતચીતમાં જાહેરાત access_time 12:42 pm IST

  • દેશમાં કોરોનાએ હાહાકાર મચાવ્યો : તમામ રેકોર્ડ તોડ્યા : રાત્રે 12 વાગ્યા સુધીમાં કોરોનાના નવા સર્વાધિક 3.15.552 કેસ નોંધાયા : કુલ કેસની સંખ્યા 1.59.24.806 થઇ : એક્ટિવ કેસ 22.84.248 થયા : વધુ 1.79.407 દર્દીઓ સ્વસ્થ થતા કુલ 1,34,49,406 સ્વસ્થ થયા : વધુ 2101 લોકોના મોત સાથે કુલ મૃત્યુઆંક 1,84,672 થયો : દેશમાં સૌથી વધુ મહારાષ્ટ્રમાં નવા 67,468 નવા કેસ નોંધાયા access_time 1:39 am IST