Gujarati News

અમદાવાદ, તા.૨૨: ઈન્ટરનેટ અને સ્માર્ટફોનના જમાનામાં હવે સાયબર ક્રાઈમમાં પણ દિવસે ને દિવસે વધારો થઈ રહ્યો છે. આજકાલ વિડીયો કોલ દ્વારા લોકો સાથે છેતરપિંડી અને બ્લેકમેઈલિંગ થવાના કિસ્સામાં પણ દિન પ્રતિદિન વધારો થઈ રહ્યો છે. હવે, ન્યૂડ વિડીયો કોલ કરીને લોકોને ફસાવવાનું એક રેકેટ ચાલી રહ્યું છે. આવા ન્યૂડ વિડીયો કોલ આવે ત્યારે સામે છેડેની યુવતી પોતાના કપડા ઉતારે છે કે પછી રિતસર નગ્ન હોય છે. પછી વિડીયો કોલ રેકોર્ડ કરીને સામેની વ્યકિત પાસેથી પૈસાની ઉદ્યરાણી કરવામાં આવતી હોય છે. આવો જ એક કિસ્સો અમદાવાદમાંથી પણ સામે આવ્યો છે. જયાં એક યુવક પર એક યુવતીનો મેસેજ અને પછી કોલ આવ્યો હતો. આ યુવતીએ પોતાની ઓળખ મુંબઈની હોવાની આપી હતી. બાદમાં યુવતીએ યુવકને વિડીયો કોલ કર્યો હતો. તે નગ્ન હતી અને તેણે યુવકને પણ નગ્ન થઈ પોતાનો પ્રાઈવેટ પાર્ટ બતાવવા કહ્યું હતું.

અમદાવાદમાં રહેતો એક યુવક સોશિયલ મીડિયા પર એકિવટ રહેતો હોય છે. બે દિવસ પહેલાં આ યુવક તેનું ફેસબુક વાપરી રહ્યો હતો. એ સમયે એક યુવતીએ તેને મેસેજ કર્યો હતો. થોડી વાતચીત ચાલ્યા બાદ યુવતીએ કહ્યું કે તે મુંબઈમાં રહે છે અને એક ખાનગી કંપનીમાં નોકરી કરે છે. તેણે યુવકનો મોબાઈલ નંબર માગ્યો. યુવકે પહેલાં આપવાથી ઈનકાર કર્યો. પછી યુવતીએ તેને વિશ્વાસમાં લઈને પોતાનો મોબાઈલ નંબર આપ્યો અને કહ્યું કે, આપણે વોટ્સએપ પર વાત કરીએ. ત્યારબાદ યુવક અને યુવતી વચ્ચે વોટ્સએપ પર સામાન્ય વાતચીત ચાલી. યુવતીએ તેને વિડીયો કોલ કરવા માટે કહ્યું.

થોડી વારમાં યુવતીનો વોટ્સએપ પર વિડીયો કોલ આવ્યો. તેણે કેટલીક ઉત્ત્।ેજક અને અશ્લીલ હરકતો કરી હતી. પંદરથી વીસેક સેકન્ડ આ વિડીયો કોલ ચાલ્યો. પછી યુવતીએ કોલ કાપી દીધો. એણે યુવકને મેસેજ કર્યો કે, ન્યૂડ સેકસ કરોગે કયા? મેં ઓપન હો રહી હૂં. તરત જ યુવતીનો ફરીથી વિડીયો કોલ આવ્યો. તે એકદમ નગ્ન હતી અને અશ્લીલ ચેષ્ટાઓ કરવા લાગી. જો કે, એટલે યુવકને થોડી શંકા ગઈ. તેણે આ વિડીયો કોલ રેકોર્ડ કરી લીધો. યુવતીએ ફરી યુવકને મેસેજ કર્યો કે, તે તેનો પ્રાઈવેટ પાર્ટ બતાવે. પણ યુવકે એમ કર્યુ નહીં.

બીજા દિવસે બપોરે ફરીથી યુવતીનો યુવક પર મેસેજ આવ્યો. યુવકે કહ્યું, આમ કરવાથી તને શું મળે છે. ત્યારે યુવતીએ જવાબ આપ્યો કે, આ ફકત તમારા માટે છે. તમે કહો તો હાલ પણ વિડીયો પર સેકસ કરી શકીએ છીએ. યુવકની શંકા સાચી પડી. તેણે એમ કરવાથી ઈનકાર કર્યો. તેણે યુવતીને મેસેજ કર્યો કે, તમે આ રીતે ન્યૂડ વિડીયો કોલ કરો છે અને પછી તને રેકોર્ડ કરીને બ્લેકમેઈલ કરો છો. પછી રૂપિયા પડાવો છો. આવા કેસ અમારા ત્યાં અનેક બની ચૂકયા છે. અનેક પોલીસ ફરિયાદ પણ થઈ છે. હું તમારો નંબર પોલીસને આપી દઉ છું તમે એમની સામે આ વાત કરજો. છેલ્લે યુવીતે અચ્છા એવો મેસેજ કર્યો અને પછી તેના મેસેજ અને કોલ આવવાના બંધ થઈ ગયા.

ગયા ઓગસ્ટ મહિનામાં પણ આવો જ એક કિસ્સો ગુજરાતના રાજકોટમાંથી પણ સામે આવ્યો હતો. રાજકોટ શહેર ભાજપ આઈટી સેલના ઈન્ચાર્જ મનોજ ગેરૈયા પર રાતે એક વિડીયો કોલ આવ્યો હતો. વિડીયો કોલ કરીને યુવતીએ પોતાના કપડા ઉતારવા લાગી હતી. બાદમાં આ કોલ રેકોર્ડ કરીને તેમને બ્લેકમેલ કરવામાં આવ્યા હતા. પછી તેઓએ પોલીસ ફરિયાદ પણ કરી હતી.