Gujarati News

Gujarati News

News of Saturday, 23rd January 2021

રાજપીપળા સિંચાઇ યોજનાના કાર્યપાલક ઈજનેરની આખરે બદલી થઇ

કેવડિયા મુકામે રાષ્ટ્રપતિના કાર્યક્રમ વખતે ફરજમાં બેદરકારી બદલ તંત્રએ નોટિસ ફટકારી હતી

(ભરત શાહ દ્વારા) રાજપીપળા : રાજપીપળા કરજણ સિંચાઈ યોજના વિભાગ -4ના કાર્યપાલક ઈજનેર જે ડી વાઘેલાની આખરે સરકારે બદલી કરી છે.
  પ્રાપ્ત માહિતી મુજબ સિંચાઈ યોજના -4ના કાર્યપાલક ઈજનેર વિરુદ્ધ અનેક વિવાદો અને ફરિયાદો હતી અને ચીફ એન્જિનિયર સુધી ફરિયાદો પહોંચી હતી ત્યારે ગત નવેમ્બર મહિનામાં કેવડિયા ખાતે રાષ્ટ્રપતિના કાર્યક્રમના આયોજન સમયે ફરજમાં બેદરકારી બદલ તંત્રએ નોટિસ ફટકારી હતી અને ઉચ્ચ કક્ષાએ સામાન્ય વહીવટ વિભાગને પણ જાણ કરી કાર્યપાલક ઈજનેર નો ખુલાસો માંગ્યો હતો તેમજ  સિંચાઈ યોજના વિભાગ -4ના  કર્મચારીઓ એ પણ આ અધિકારી ના વર્તનથી કંટાળી સામુહિક બદલીની માંગણી કરી હતી જેથી સરકારે આ બાબતે ગંભીર નોંધ લઇ કાર્યપાલક ઈજનેર જે ડી  વાઘેલાની નર્મદા યોજના પુનઃવસવાટ બાંધકામ વિભાગ માં બદલી કરી વહીવટી તંત્ર માં સબકરુપ દાખલો બેસાડયો છે જયારે આ બદલીથી. રાજપીપળા સિંચાઈ વિભાગના કર્મચારીઓમાં આનંદની લાગણી ફેલાઈ હોવાનું જાણવા મળ્યું છે.

(10:38 pm IST)
  • ધો.૯ અને ૧૧ના વર્ગો શરૂ થઈ શકે છે : ભુપેન્દ્રસિંહજીએ આપ્યા સંકેત : શિક્ષણમંત્રી ભુપેન્દ્રસિંહજી ચુડાસમાએ જણાવ્યુ હતું કે આગામી દિવસોમાં ધો.૯ અને ૧૧ના વર્ગો પણ શરૂ થઈ શકે છે : હાલ ધો. ૧૦ અને ૧૨ની શાળાઓમાં શિક્ષણકાર્ય ચાલુ છે અને શાળાઓ હાલ નોર્મલ જેવી સ્થિતિ જોવા મળી રહી છે : આ અંગે ૨૭મીએ ચર્ચા - વિચારણા કરવામાં આવશે access_time 12:17 pm IST

  • સુરેન્દ્રનગરમાં સ્થાનીક સ્વરાજ્યની ચૂંટણી પહેલા ભાજપમાં ભંગાણઃ મુળી તાલુકામાં કોંગ્રેસનું જનજાગૃતિ અભિયાન, ઉમરડા ગામના સરપંચ સહિત ૧૦૦ કાર્યકરો કોંગ્રેસમાં જોડાયા, ધારાસભ્ય ઋત્વિક મકવાણાએ કાર્યકરોને કોંગ્રેસનો ખેસ પહેરાવી સ્વાગત કર્યું access_time 12:53 pm IST

  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 14,246 કેસ નોંધાયા :કુલ કેસની સંખ્યા 1,06,40,669 થઇ :એક્ટિવ કેસ 1,82,891 થયા: વધુ 17,034 દર્દીઓ સ્વસ્થ થતા કુલ 1,02,99,931 થયા :વધુ 151 લોકોના મોત સાથે કુલ મૃત્યુઆંક 1,53,218 થયા access_time 1:07 am IST