Gujarati News

Gujarati News

News of Tuesday, 23rd February 2021

ગામડાઓમાં ખેતીની મોસમ પુરબહારમાં પંચાયતોના ચૂંટણી પ્રચારમાં ઉગ્યુ વિઘ્ન

ઘઉં, ચણા,જીરૂ, ધાણા વગેરે પાક ખેતરોમાંથી ઉપાડવામાં ખેડૂતો વ્યસ્ત : ઉમેદવારોએ જનસંપર્ક માટે બપોર પછી જ નીકળવું પડે છે

રાજકોટ,તા. ૨૨: ગુજરાતના ૬ મહાનગરોમાં તાલુકા પંચાયતોમાં આવતા રવિવારે મતદાન છે. એક તરફ ચૂંટણી પ્રચારની મોસમ છે. બીજી તરફ ખેતીની મોસમ છે. ગામડાઓમાં ઉમેદવારોએ ચૂંટણી પ્રચાર માટે બપોર પછી જ જવું છે.

હાલ ઘઉં, ચણા, જીરૂ, ધાણા વગેરે ઉપાડવામાં સમય છે. ગત ચોમાસુ સારૂ થયું હોવાથી આ વખતે શિયાળુ પાક સારો થશે. થોડા દિવસોમાં જ શિયાળુ પાક બજારમાં દેખાવા માંડશે. હાલ ખેડૂતો ખેતીના કાર્યમાં વ્યસ્ત છે. ઉમેદવારો સવારમાં અન્ય કામ પતાવી બપોર પછી) ગામડાઓમાં સંપર્કમા જાય છે. ખેતીના નવા કાયદા, વિકાસ, મોંઘવારી વગેરે મુદ્દા પ્રચારમાં ચાલે છે.

નવા કૃષિ કાયદા અમલમાં આવ્યા પછી ગ્રામીણક્ષેત્રે વ્યાપક જનાદેશનો પ્રથમ અવસર છે. કૃષિ કાયદા ઉપરાંત પેટ્રોલ, ડીઝલ, ગેસના ભાવ, પોલીસ દ્વારા વસુલાતો  દંડ વગેરે મુદા વિપક્ષોએ ઉપાડયા છે. ભાજપે વિકાસ અને ખેડૂતો માટેની યોજનાઓના આધારે મત માંગ્યા છે. મહતમ મતદાન કરાવા ભાજપે પેઇઝ સમિતિ યોજના અમલમાં મૂકી છે. ૬ કોર્પોરેશનોનું પરિણામ ચૂંટણી પંચે જાહેર કર્યા મુજબ આવતીકાલે જ જાહેર થઇ જાય તો તેની અસર રવિવારે નગરો અને ગામડાઓના મતદાન પર પડવાની શકયતા નકારાતી નથી.

(11:49 am IST)
  • 'આપ'ના રાજભા ઝાલાને માત્ર ૧૧૨૦ મત મળ્યા : બીજા રાઉન્ડના અંતે બપોરે ૨ વાગે 'આપ'ના અગ્રીમ નેતા અને ભાજપના સ્ટેન્ડીંગ ચેરમેન રહી ચૂકેલા, ભાજપ સામે ઉપવાસ આંદોલન કરનાર શ્રી રાજભા ઝાલાને પ્રજાએ સંપૂર્ણ જાકારો આપ્યો છેઃ બીજા રાઉન્ડના અંતે રાજભાને ૧૧૨૦ મત મળ્યા છેઃ જયમીન ઠાકરને ૩૮૪૫, મનીષ રાડીયા ૩૪૩૫૭ access_time 3:57 pm IST

  • દેશમાં કોરોનાના ધીમીગતિએ વધતા કેસ :રાત્રે 12 વાગ્યા સુધીમાં કોરોનાના નવા 13,462 કેસ નોંધાયા :કુલ કેસની સંખ્યા 1,10,29,326 થઇ :એક્ટિવ કેસ 1,44,027 થયા: વધુ 13,659 દર્દીઓ સ્વસ્થ થતા કુલ 1,07,24,146 થયા :વધુ 100 લોકોના મોત સાથે કુલ મૃત્યુઆંક 1,56,598 થયા access_time 9:01 am IST

  • રાજકોટના વોર્ડ નં.૯માં ભાજપની પેનલનો ભવ્ય વિજય : અત્યાર સુધીમાં સૌથી વધુ ૧૩ હજારની લીડથી જીત : રાજકોટ વોર્ડ નં.૨માં બીજા રાઉન્ડમાં પણ ભાજપની પેનલ આગળ access_time 1:50 pm IST