Gujarati News

Gujarati News

News of Tuesday, 23rd February 2021

સુરતમાં ભાજપ સતાસ્થાને આપ વિરોધપક્ષે કોંગ્રેસ બહાર

૧ર૦ બેઠકમાંથી પ૬ બેઠકમાં ભાજપ-૧૬ બેઠકમાં આમ આદમી પાર્ટી તેમજ ૮ બેઠક ઉપર કોંગ્રેસનો વિજય-કોંગ્રેસની કંગાળ સ્થતિ-વિરોધપક્ષ પણ ગયો...?

રાજકોટ તા.ર૩ : હિરાનગરી સુરતમાં આજે મતગણત્રીના પ્રારંભથીજ કેસરીયા માહોલમાં ભાજપનું કમળ પુરબહારમાં ખુલ્યુ છે. તો કોંગ્રેસનો પંજો ગુમ થઇ ગયો છે. આમ આદમી પાર્ટીએ પણ પ્રથમ ચુંટણીમાં શાનદાર દેખાવ કરીને સેકન્ડ લાર્જસ્ટ પાર્ટી બની છે.

સુરત મહાનગરપાલીકાના ૩૦ વોર્ડની ૧ર૦ બેઠકમાં ૪૮૪ મુરતીયાઓ મેદાને હતા ૬પ૦૦ કરોડનો વાર્ષિક નાણાકીય વહીવટ ધરાવતી સુરત કોર્પોરેશનમાંં ભાજપ વન્સમોર થયું છે સુરત મહાનગર પાલીકાનું ૪૭૧૪ ટકા મતદાનમાં ભાજપના ઉમેદવારોને લોકોએ સમર્થન આપ્યું છે જયારે કોંગ્રેસને સ્પષ્ટ જાકારો આપ્યો હોય તેમ જણાય છે. જયારે આમ આદમી પાર્ટીના ૧૭ ઉમેદવારો વિજેતા થઇ સુરતની ૧ર૦ બેઠકોમાં પ્રથમ તબકકાની મતગણત્રી બાદ ૪૭ બેઠકો ઉપર ભાજપના ઉમેદવાર વિજેતા થયા છે તો આમ આદમી પાર્ટીના ૧પ અને કોંગ્રેસના ૧૦ ઉમેદવારો વિજેતા જાહેર થયા છે.

સુરતના વોર્ડ નં. ર-૪-૮-૧૬-૧૮માં આમ આદમી પાર્ટી વિજેતા થયા તો અન્ય વોર્ડમાં ભાજપના ઉમેદવારોના વિજય રથ આગળ નીકળી ગયો છે. ભાજપનો ૧,૧૪,૧પ,ર૧,રપ, ર૭, ર૯માં વિજય થયોછે.

સુરત મહાનગરપાલીકામાંં આમ આદમી પાર્ટી ભલે સતાથી દુર રહ્યું પરંતુ વિરોધ પક્ષનું સ્થાન કોંગ્રેસ પાસેથી આંચકી લીધું છે.

(4:05 pm IST)
  • ભારત- ઇંગ્લેન્ડ વ્હાઇટ બોલ સિરીઝમાં દિનેશ કાર્તિક બનશે કોમેન્ટેટર : તમિલનાડુના બેટ્સમેન દિનેશ કાર્તિક ભારત – ઈંગ્લેન્ડ વચ્ચે વ્હાઇટ બોલ સિરીઝમાં કોમેન્ટ્રી કરશે : 5 ટી -20 અને ત્રણ ત્રિદિવસીય મેચમાં કોમેન્ટ્રી કરશે જે 12મી માર્ચથી શરૂ થશે access_time 11:08 pm IST

  • દેશમાં કોરોનાના ધીમીગતિએ વધતા કેસ :રાત્રે 12 વાગ્યા સુધીમાં કોરોનાના નવા 13,462 કેસ નોંધાયા :કુલ કેસની સંખ્યા 1,10,29,326 થઇ :એક્ટિવ કેસ 1,44,027 થયા: વધુ 13,659 દર્દીઓ સ્વસ્થ થતા કુલ 1,07,24,146 થયા :વધુ 100 લોકોના મોત સાથે કુલ મૃત્યુઆંક 1,56,598 થયા access_time 9:01 am IST

  • 'આપ'ના રાજભા ઝાલાને માત્ર ૧૧૨૦ મત મળ્યા : બીજા રાઉન્ડના અંતે બપોરે ૨ વાગે 'આપ'ના અગ્રીમ નેતા અને ભાજપના સ્ટેન્ડીંગ ચેરમેન રહી ચૂકેલા, ભાજપ સામે ઉપવાસ આંદોલન કરનાર શ્રી રાજભા ઝાલાને પ્રજાએ સંપૂર્ણ જાકારો આપ્યો છેઃ બીજા રાઉન્ડના અંતે રાજભાને ૧૧૨૦ મત મળ્યા છેઃ જયમીન ઠાકરને ૩૮૪૫, મનીષ રાડીયા ૩૪૩૫૭ access_time 3:57 pm IST