Gujarati News

Gujarati News

News of Tuesday, 23rd February 2021

સુરતના અડાજણમાં ચેઇન સ્નેચર વિધવા મહિલાના ગળામાંથી સોનાના પેન્ડલ સહીત ચેઇન આંચકી રફુચક્કર

સુરત: શહેરના અડાજણ એલ.પી. સવાણી રોડ પર સોનલ રો હાઉસ પાસે ત્રાટકેલા ચેઇન સ્નેચર વિધવા મહિલાના ગળામાંથી સોનાના પેન્ડલ સહિતની ચેઇન આંચકી મોટરસાઇકલ પુર ઝડપે હંકારીને ભાગી ગયા હતા.

અડાજણ હનીપાર્ક રોડ સ્થિત નાઇન સ્કેવર નજીક એસએમસી કવાટર્સમાં રહેતા અશ્વીનીબેન અનિલ પાડુંરંગ (ઉ.વ. 50 મૂળ રહે. પલસગાવ, તા. માણગાવ, જિ. રાયગઢ, મહારાષ્ટ્ર) ગત બપોરે બહેન સુમન મધુકર મોરે (રહે. સંગમ ટાઉનશીપ, અડાજણ એલ.પી. સવાણી રોડ) સાથે અડાજણ એલ.પી.સવાણી રોડ સ્થિત જલારામ મંદિરની પાછળ ડીજીવીસીએલની ઓફિસે લાઇટ બિલ ભરવા ગયા હતા. લાઇટ બિલ ભરી બંને બેન પગપાળા ઘર તરફ જઇ રહ્યા હતા ત્યારે માસ્ક પહેરેલો એક યુવાન પાછળથી ઘસી આવ્યો હતો અને અશ્વીનીબેનના ગળામાંથી પેન્ડલ સહિતની સોનાની ચેઇન કિંમત રૂા. 15 હજારની આંચકી લઇ નજીકમાં મોટરસાઇકલ લઇ ઉભેલા તેના સાથીદાર સાથે બેસીને ભાગી ગયો હતો.

(5:00 pm IST)
  • ૪ કોર્પોરેશનના તમામ પરિણામો જાહેર : (૧) રાજકોટ : ૭૨માંથી ૬૮ ભાજપ, ૪ કોંગ્રેસ (૨) જામનગર : ૬૪માંથી ૫૦ ભાજપ, ૧૧ કોંગ્રેસ, ૩ બસપા (૩) ભાવનગર : ૫૨માંથી ૪૪ ભાજપ, ૮ કોંગ્રેસ (૪) વડોદરા : ૭૬માંથી ૬૬ ભાજપ, ૧૦ કોંગ્રેસ : અમદાવાદ - સુરતની કેટલીક બેઠકોની ગણત્રી ચાલુ છે ત્યારે અમદાવાદમાં ૧૯૨માં ૧૩૯ બેઠકો ભાજપ મેળવે છે, કોંગ્રેસ ૧૫ અને ૧ અન્ય પક્ષને, મોડે સુધી ગણત્રી ચાલશે. જયારે સુરતમાં ૧૨૦ બેઠકમાંથી ૯૩ બેઠક ભાજપ મેળવી રહ્યું છે (૫૫ જાહેર થઈ), ૨૫ બેઠક ઉપર આપનો વિજય, ૨ ઉપર આપ આગળ છે, કોંગ્રેસને એક પણ મળી નથી. access_time 4:57 pm IST

  • અમદાવાદના જમાલપુરમાં વિવાદાસ્‍પદ એમએલએ ઓવૈસીની પાર્ટીનો વિજય access_time 5:48 pm IST

  • મહાભારતના સુપ્રસિદ્ધ પાત્ર કર્ણ ઉપર "સૂર્યપુત્ર મહાવીર કર્ણ" ફિલ્મ બની રહી છે જે ના ગીત અને સંવાદ ડોક્ટર કુમાર વિશ્વાસ લખવાના છે access_time 12:07 am IST