Gujarati News

Gujarati News

News of Tuesday, 23rd February 2021

હવે AAPની ગામડાઓમાં પણ એન્ટ્રી : મહેસાણામાં 35 કિમી લાંબી ટ્રેકટર રેલી

ખેડૂતોના સમર્થનમાં કાઢવામાં રેલીમાં મોટી સંખ્યામાં મહિલાઓ તથા કાર્યકર્તાઓ જોડાયા

મહેસાણા જિલ્લામાં સ્થાનિક સ્વરાજની ચૂંટણીને લઈને જોરશોરથી પ્રચાર કરવામાં આવી રહ્યો છે. ભાજપ અને કોંગ્રેસની સાથોસાથ હવે આમ આદમી પાર્ટી પણ લડી લેવાના મૂડમાં છે. મહેસાણા જિલ્લાના વિસનગરમાં આમ આદમી પાર્ટી તરફથી તાલુકા અને જિલ્લા પંચાયતની બેઠક માટે આમ આદમી પાર્ટીના નેતા ગોપાલ ઈટાલીયાની આગેવાનીમાં 35 કિમી લાંબી એક ટ્રેકટર રેલી કાઢવામાં આવી હતી

ખેડૂતોના સમર્થનમાં કાઢવામાં આવેલી આ રેલીમાં મોટી સંખ્યામાં મહિલાઓ તથા કાર્યકર્તાઓ જોડાયા હતા.

આમ આદમી પાર્ટી પણ ગ્રામ્ય વિસ્તારમાં મતદારોને રીઝવવા માટે પ્રયત્નો કરી રહી છે. આમ આદમી પાર્ટીના મુખ્ય નેતા ગોપાલ ઈટાલીયાએ વિસનગરના તાલુકાનના ગ્રામ્ય વિસ્તારમાં જઈને ડોર ટુ ડોર પ્રચાર કર્યો હતો. તેમજ સાંજે સભા ગજવી હતી. વિસનગર તાલુકાના ગ્રામ્ય વિસ્તારમાંથી ખેડૂતો, માલધારીઓ તથા દુકાનદારો તરફથી આમ આદમી પાર્ટીને સારૂ એવું સમર્થન મળ્યું છે. આમ આદમી પાર્ટી તરફથી વિસનગર ખાતે મહાસભાનું આયોજન પણ કરવામાં આવ્યું હતું.

જેમાં મોટી સંખ્યામાં લોકો એકઠા થયા હતા. રાજ્યની છ મહાનગર પાલિકાની ચૂંટણી પૂરી થઈ ગયા બાદ 28મી ફેબ્રુઆરીના રોજ 31 જિલ્લા પંચાયત, 231 તાલુકા પંચાયત તેમજ 81 નગરપાલિકાની ચૂંટણી માટે તમામ રાજકીય પક્ષો કામે લાગી ગયા છે. માત્ર વિસનગર જ નહીં પણ તળાજા તાલુકાના કઠવા ગામે પણ ગોપાલ ઈટાલિયાએ ઘરે ઘરે જઈને પ્રચાર કર્યો હતો. તેમજ સાંજના સમયે સભા પણ સંબોધી હતી.

આમ આદમી પાર્ટીના મોટા નેતા અરવિંદ કેજરીવાલે આપેલા નારા, એક મોકો આપને પછી જુઓ ગુજરાતને...ને કેન્દ્રમાં રાખીને મસમોટો પ્રચાર કરવામાં આવી રહ્યો છે. મહાનગર બાદ હવે આમ આદમી પાર્ટીએ ગ્રામ્ય તથા તાલુકા વિસ્તારમાં પોતાનું ધ્યાન કેન્દ્રીત કર્યું છે. ગોપાલ ઈટાલીયાએ વિસનગરમાં કહ્યું હતું કે, હવે લોકો પરિવર્તન ઈચ્છે છે. એક ઈમાનદાર સરકાર ઈચ્છે છે. વિસનગરના લોકો આમ આદમી પાર્ટીને પૂરતો સહયોગ આપી રહ્યા છે. એટલે તેઓ આમ આદમી પાર્ટીને મત આપશે. બીજી તરફ છ મહાનગર પાલિકાની ચૂંટણીના પરિણામ જાહેર થઈ રહ્યા છે. મતગણતરી કેન્દ્ર પર જે તે પક્ષના સમર્થકોનો જમાવડો જોવા મળી રહ્યો છે. ઘણી જગ્યાએ આમ આદમી પાર્ટીએ પોતાની બેઠક પર જીત મેળવી છે. ગ્રામ્ય પંથકમાંથી આમ આદમી પાર્ટીને કેવો અને કેટલો સાથ મળે છે એ હવે જોવાનું છે.

(12:57 am IST)
  • કોંગ્રેસ પ્રમુખ અમિત ચાવડાના કૌટુંબિક ભાઈ પ્રશાંત ચાવડાએ ભગવો ધારણ કર્યો, રાજ્યસભાના પૂર્વ સાંસદ લાલસિંહ વડોદીયાએ આણંદમાં ખેસ પહેરાવી કર્યું સ્વાગત access_time 1:05 am IST

  • ભારત- ઇંગ્લેન્ડ વ્હાઇટ બોલ સિરીઝમાં દિનેશ કાર્તિક બનશે કોમેન્ટેટર : તમિલનાડુના બેટ્સમેન દિનેશ કાર્તિક ભારત – ઈંગ્લેન્ડ વચ્ચે વ્હાઇટ બોલ સિરીઝમાં કોમેન્ટ્રી કરશે : 5 ટી -20 અને ત્રણ ત્રિદિવસીય મેચમાં કોમેન્ટ્રી કરશે જે 12મી માર્ચથી શરૂ થશે access_time 11:08 pm IST

  • મહાભારતના સુપ્રસિદ્ધ પાત્ર કર્ણ ઉપર "સૂર્યપુત્ર મહાવીર કર્ણ" ફિલ્મ બની રહી છે જે ના ગીત અને સંવાદ ડોક્ટર કુમાર વિશ્વાસ લખવાના છે access_time 12:07 am IST