Gujarati News

Gujarati News

News of Monday, 23rd November 2020

વડોદરા જિલ્લાના મુજાર ગામડી ગામની સીમમાં જમીનના મુદ્દે થયેલ ઝઘડામાં આંઠ શખ્સો ગંભીર રીતે ઈજાગ્રસ્ત

વડોદરા: જિલ્લાના મુજાર ગામડી ખાતે પટેલ ફળિયામાં રહેતા ભાવેશભાઈ પટેલ ખેતી વ્યવસાય સાથે સંકળાયેલા છે. મુજાર ગામડી ગામની સીમમાં સર્વે નંબર 104 અને 108 વાળી વડીલોપાર્જીત જમીન આવેલી છે. રવિવારે તેઓ ભાઈ હેમંત તથા કાકાનો દીકરો મયુર, મયંક અને જયેશ સાથે ખેતરમાં પાણી નાખવા માટે ગયા હતા.

દરમિયાન ગામમાં રહેતા વિનય ભાઈ પટેલ તથા અન્ય એક વ્યક્તિ મોઢા ઉપર કાળો પટ્ટો બાંધી ટેકટર સવાર તેમજ અન્ય બીજા ચાર જેટલા શખ્સો મોટરસાયકલ પર ઘસી આવ્યા હતા અને " જમીન અમારી છે તમે કેમ ખેતરમાં આવ્યા છો" તેમ કહી લાકડી અને ધારિયાથી હુમલો કર્યા બાદ હુમલાખોરો નાસી છૂટ્યા હતા. હુમલામાં જીવલેણ ઇજાઓ થતાં મયુરભાઇ પટેલ, મયંક ભાઈ પટેલ, હેમંતભાઈ અને જયેશભાઈ ને ગંભીર ઇજાઓ થતાં તેઓને સારવાર અર્થે ખાનગી હોસ્પિટલમાં ખસેડવામાં આવ્યા હતા. ફરિયાદના આધારે વરણામા પોલીસે વિનય ભાઈ જશુભાઇ પટેલ, વિજયભાઈ જશુભાઇ પટેલ (બને રહે - મુજાર ગામડી, વડોદરા), રસિકભાઈ પનનુભાઈ પટેલ (રહે - અણખી ગામ, વડોદરા) તેમજ અન્ય પાંચ શખ્સો વિરુદ્ધ હત્યાની કોશિશ, મારામારી, ધાક- ધમકી સહિતની કલમો હેઠળ ગુનો નોંધી તેઓની ધરપકડના ચક્રો ગતિમાન કર્યા હતા.

(4:59 pm IST)
  • હવે કોરોનાથી ફેફસાને નહિ થાય નુકશાન : ભારતીય મૂળના ડોકટરે શોધ્યો કોરોના વાયરસનો ઈલાજ : ભારતમાં જન્મી અને ટેનેસીની સેન્ટ જ્યુડ ચિલ્ડ્રન રિસર્ચ હોસ્પિટલમાં કાર્યરત ડો, તિરુમલા દેવી કનનેગતિએ આ સબંધિત એક અભ્યાસ જર્નલ સેલ ઓનલાઇન સંસ્કરણમાં પ્રકાશિત કર્યો : તેણીએ ઉંદર પર સંશોધનમાં જાણ્યું કે કોરોના થવા પર કોશિકાઓમાં સોજાને કારણે અંગોને બેકાર થવાનો સબંધ હાઇપરઇન્ફ્લેમેટરી પ્રતિરોધ છે જેનાથી મોત થાય છે access_time 11:50 pm IST

  • દેશમાં કોરોનાનો કહેર યથાવત : કુલ કેસનો આંકડો 91 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 43,652 કેસ નોંધાયા :કુલ કેસનો આંકડો 91,39,560 થયો :એક્ટીવ કેસ ઘટીને 4,43,125 થયા:વધુ 40, 586 દર્દીઓ સ્વસ્થ થતા કુલ 85,60,625 રિકવર થયા :વધુ 487 લોકોના મોત સાથે કુલ મૃત્યુઆંક 1,33,750 થયો access_time 12:06 am IST

  • સાંસદો માટે દિલ્હીમાં બન્યા આલીશાન મલ્ટી સ્ટોરી ફ્લેટ : 4 બેડરૂમ, ઓફિસ, સ્ટાફ ક્વાર્ટર સહિતની અદ્યતન સુવિધા ધરાવતા વેલ ફર્નિસ્ડ ફ્લેટનું વડાપ્રધાન શ્રી નરેન્દ્ર મોદીએ ઉદઘાટન કર્યું : ગંગા, યમુના તથા સરસ્વતી નામક 3 ટાવરમાં 218 કરોડ રૂપિયાના ખર્ચે 76 ફ્લેટ બનાવાયા : જડબેસલાક સિક્યુરિટી વ્યવસ્થા ,દરેક ટાવરમાં 4 ઓટોમેટિક લિફ્ટ, ફાયર સુરક્ષા, સોલાર પેનલ્સ, જનરેટર સહિતની સુવિધા access_time 1:15 pm IST