Gujarati News

Gujarati News

News of Sunday, 24th January 2021

ડ્રાઈવિંગ લાયન્સ રિન્યુ માટે હવે ઓનલાઈન બેકલોગ થશે

ડ્રાઈવિંગ લાયસન્સધારકો માટે સારા સમાચાર : વર્ષ ૨૦૧૦ પહેલાં ઇસ્યુ થયું હોય તો લાયસન્સ રિન્યુ કરાવવા કે ડુપ્લીકેટ માટે આરટીઓ સુધી નહીં જવું પડે

ગાંધીનગર, તા. ૨૩ : ફરી એકવાર રાજ્યના વાહનચાલકો માટે મોટા સમાચાર મળી રહ્યા છે. જો તમારી પાસે જૂનું લાયસન્સ હોય તો સમાચાર ખુબ મહત્વપૂર્ણ છે. જો તમારૂ લાયસન્સ વર્ષ ૨૦૧૦ પહેલા ઇસ્યુ થયું હશે અને તમારે તેને રિન્યુ કરાવવું હશે તો તમારે તેનું બેકલોગ કરાવવું પડશે. પહેલાં રિન્યુ કરાવતા પહેલા બેકલોગ કરાવવા માટે અરજદારો આરટીઓ સુધી ધક્કા ખાવા પડતા હતા. પરંતુ હવે તમામ પ્રક્રિયા ઓનલાઇન કરી દેવામા આવતા અરજદારોને રાહત થઈ છે.

અરજદારોને આસાની રહે તે માટે વાહન વ્યવહાર વિભાગ દ્વારા તમામ કામીગીરી ઓનલાઇન કરવામા આવી રહી છે, ત્યારે હવે બેકલોગની કામગીરી પણ ઓનલાઇન કરી દેવામાં આવી છે. અરજદારોનું લાયસન્સ જો ૨૦૧૦ પહેલા ઇસ્યુ થયુ હોય તેઓએ લાયસન્સ રિન્યુ કરાવવુ હોય અથવા તો ડુપ્લીકેટ કરાવવું હોય તો તે માટે અરજદારે બેકલોગ કરાવવા માટે આરટીઓ સુધી ધક્કા ખાવા પડતા હતા, કારણ કે આરટીઓ પાસે ૨૦૧૦ પહેલાનો ડેટા ઓનલાઇન ઉપલબ્ધ નથી. ત્યારે હવે તેઓ ઘરે બેઠા લાયસન્સનુ બેકલોગ કરી શકે છે.

અરજદારે બેકલોગની ઓનલાઇન પ્રક્રિયા શરૂ કરતા પહેલા જુના લાયસન્સની કોપી સ્કેન કરવી પડશે. જો તમારે ઓનલાઇન એપ્લીકેશન સબમીટ કરવી હોય તો પ્રથમ ઁટ્ઠિૈદૃટ્ઠરટ્ઠહ.ર્ખ્તદૃ.ૈહ વેબસાઇટ ઓપન કરો. ત્યારબાદ ઓનલાઇન સર્વિસ સિલેક્ટ કરવું. ત્યારબાદ ડ્રાયવિંગ લાયસન્સ રિલેટેડ સર્વિસિસ પર જાઓ. સિલેક્ટ સ્ટેટ કર્યા બાદ એપ્લાય ઓનલાઈન કરો. સર્વિસ ઓન ડ્રીવિંગ લાયસન્સ સિલેક્ટ કરો. એન્ટર ડીએ નંબર એન્ડ ડેટ ઓફ બર્થ એન્ટર કરો. ફિલ અપ બેકલોગ ફોર્મ અને એપ્લીકેશન સબમિટં કરો. રીતે આખી પ્રોસેસથી તમે ઘરેબેઠા લાયસન્સનું બેકલોક કરી શકો છો. રાજ્યની આરટીઓ ઓફિસોમાં એજન્ટ રાજ પુર્ણ કર્યા બાદ આરટીઓમાં લોકોને ધકકા ખાવા પડે તે માટે બેકલોગની કામગીરી પણ ઓનલાઇન કરવામા આવી છે. ત્યારે સમગ્ર પ્રક્રિયાથી લોકોનો સમય પણ બચશે.

(9:05 pm IST)
  • વિજય માલ્યા બન્યો મરણીયો : બ્રિટનમાં જ રહેવા પૈતરો : ગૃહમંત્રી પ્રીતિ પટેલ સમક્ષ અરજી કરી : હાલ તે જામીન ઉપર છુટેલો છે access_time 3:16 pm IST

  • અમેરિકન બ્રોડકાસ્ટિંગ લિજેન્ડ લેરી કિંગનું લોસ એન્જલસમાં સીડર-સિનાઈ મેડિકલ સેન્ટરમાં નિધન થયું છે. અહેવાલ મુજબ તેઓને COVID19 પોઝિટિવ આવતા હોસ્પિટલમાં દાખલ કરાયા હતા. તેઓ 87 વર્ષના હતા. access_time 7:03 pm IST

  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 વાગ્યા સુધીમાં કોરોનાના નવા 12,914 કેસ નોંધાયા :કુલ કેસની સંખ્યા 1,06,68,356 થઇ :એક્ટિવ કેસ 1,81,673 થયા: વધુ 13,162 દર્દીઓ સ્વસ્થ થતા કુલ 1,03, 28,738 થયા :વધુ 126 લોકોના મોત સાથે કુલ મૃત્યુઆંક 1,53,503 થયા access_time 11:57 pm IST