Gujarati News

અમદાવાદ :  ગુજરાત એ ભારતનું પહેલું રાજ્ય બન્યું છે જેમાં ખરા અર્થમાં 'સ્માર્ટ વિલેજ' નું નિર્માણ થયું છે. જેણે ડિજિટલ ઇન્ડિયા અભિયાનના નવા અધ્યાયની શરૂઆત કરી છે. અમદાવાદ સ્થિત એન એ વી  વાયરલેસ ટેક્નોલોજીસ પ્રા.લિ. દ્વારા રાજ્યના અરવલી જિલ્લાના ધનસુરા તાલુકાના  અકરુંદ અને નવાનગર ગામોમાં નવીનતમ LiFi  ટેકનોલોજી આધારિત ઓપ્ટિકલ  વાયરલેસ કમ્યુનિકેશન સિસ્ટમની સ્થાપના કરવામાં આવી છે.
આ સેટઅપથી, આ ગામોમાં શાળાઓ, હોસ્પિટલો, પોસ્ટ ઓફિસ , અને અન્ય સરકારી કચેરીઓ હાલની ઇલેક્ટ્રિક પાવર લાઇનોથી વધુ ઝડપી અને સલામત ઇન્ટરનેટ કનેક્શન મેળવશે.

એનએવી વાયરલેસ ટેકનોલોજી એશિયામાં LiFi ક્ષેત્રની એકમાત્ર નોંધાયેલ કંપની છે .જેના સહ-સ્થાપક, તથા એનએવી  વાયરલેસ ટેક્નોલોજીસ પ્રા.લિ.ના સિટીઓ શ્રી હાર્દિક સોનીએ એ  જણાવ્યું હતું કે "અમને આપણા ગૃહ રાજ્ય ગુજરાતમાં આ તકનીકી ક્રાંતિ લાવવા માટે ગૌરવ  છે. LiFi   વાયરલેસ ઓપ્ટિકલ  કમ્યુનિકેશન સાથે અકરુંદ  ગ્રામ પંચાયત બિલ્ડિંગથી નવાનગર ગામની પ્રાથમિક શાળા સુધી ફાઇબર ઇન્ટરનેટ કનેક્ટિવિટી, 1.5 કિ.મી.ના અંતરે છે .  ઉપરાંત, અમે શાળાઓ, હોસ્પિટલોમાં અને પોસ્ટ ઓફિસ  રૂમમાં હાઇબ્રીડ માઇક્રોવેવ LiFi સક્ષમ એલઇડી લાઇટ પણ લાગુ કરી હતી. 

LiFi એટલે આઉટડોર અને ઇન્ડોર વાતાવરણમાં ખુલ્લી જગ્યા દ્વારા લાઇટ બીમ સ્પેક્ટ્રમ સાથે ડેટા ટ્રાન્સમિટ કરવો. LiFi  સિસ્ટમો અલ્ટ્રા-ફાસ્ટ ડેટા કનેક્શન્સ પ્રદાન કરે છે, અને ખાસ કરીને શહેરી વિસ્તારોમાં ઉપયોગી છે જ્યાં રેડિયો સ્પેક્ટ્રા ગીચ છે, અને તે ગ્રામીણ વિસ્તારોમાં પણ ખૂબ ઉપયોગી છે જેમાં ફાઇબર ઓપ્ટિક કેબલ્સ અથવા નેટવર્ક પહોંચી શકાય તેવા નથી. હમણાં સુધી, ફક્ત મોટી, સારી ભંડોળવાળી સંસ્થાઓ ભારતમાં એનએવી  વાયરલેસ ટેક્નોલોજીસ પ્રા.લિ. જેવી LiFi - વાયરલેસ ઓપ્ટિકલ કોમ્યુનિકેશન ટેકનોલોજી વિકસાવવામાં સક્ષમ છે.

પ્રોજેક્ટ અંગે  એનએવી વાયરલેસ ટેક્નોલોજીસ પ્રા.લિ.ના સીઇઓ શ્રી મહેન્દ્ર કાબરા અને જોઇન્ટ એમડી, શ્રી આરઆર કાબલે ,ગુજરત ફાઇબર ગ્રીડ નેટવર્ક લિમિટેડ, ટેકનીકલ અને ઇન્ફ્રાસ્ટ્રક્ચર હેડ / ડિરેક્ટર શ્રી ધર્મેન્દ્ર શર્મા , એસ ઈ એમ ટી ગુજરાત હેડ શ્રી સંજય ગડેન ,અભિનેતા શ્રી મનોજ જોશી ,અકરૂંદ ગ્રામ પંચાયત સરપંચ સુશ્રી લલીતાબેન પટેલ ,સહિતનાઓએ પ્રાસંગિક ઉદબોધનો કર્યા હતા તથા હર્ષ વ્યક્ત કર્યો હતો.તેવું શ્રી ગોપાલ મોદીની યાદી જણાવે છે.