Gujarati News

Gujarati News

News of Tuesday, 24th November 2020

અમદાવાદ પોલીસ બેડામાં કોરોનાએ કહેર : DCP, PI, PSI સહિતના કોરોના પોઝિટિવ

છેલ્લા બે દિવસમાં 41 જેટલા પોલીસ કર્મચારીઓ સંક્રમિત: ક્રાઇમ બ્રાન્ચમાં પણ સાત પોલીસ કર્મચારીઓ કોરોના પોઝિટિવ

અમદાવાદના પોલીસ બેડામાં કોરોનાએ કહેર વર્તાવ્યો છે, છેલ્લા બે દિવસમાં 41 જેટલા પોલીસ કર્મચારીઓ કોરોનાગ્રસ્ત થયા છે. બે દિવસ પહેલા 38 પોલીસ કર્મચારીઓ સંક્રમિત હતા. તેમા ડીસીપી, પીઆઇ, પીએસઆઇ સહિતના જવાનો સહિતના સ્ટાફનો સમાવેશ થાય છે.ક્રાઇમ બ્રાન્ચમાં પણ સાત પોલીસ કર્મચારીઓ કોરોના પોઝિટિવ થયા છે. ક્રાઇમ બ્રાન્ચના સાત અધિકારીઓ પણ કોરોનાની ઝપેટમાં આવી ગયા છે. આમ કોરોનાએ અમદાવાદના પોલીસ બેડામાં પગપેસારો કર્યો છે.
   આ બધા પોલીસ કર્મચારીઓ અને તેના કુટુંબીઓ હાલમાં હોમ ક્વોરેન્ટાઇન થયા છે. આ બધાની હાલત સ્થિર છે. કોઈની પણ પરિસ્થિતિ નાજુક નથી. પણ તેઓ કોરોના સામે તકેદારી દાખવી રહ્યા છે.

રાજ્યમાં તહેવારો દરમિયાન કાયદો અને વ્યવસ્થા સંભાળવા જતા વધુને વધુ પોલીસ કર્મચારીઓ કોરોનાની ઝપેટમાં આવી ગયા છે. તહેવારો દરમિયાન વધુને વધુ લોકો બહાર નીકળતા અને સોશિયલ ડિસ્ટન્સિંગ અને માસ્ક પહેરવાનું પાલન ન કરતાં રાજ્યમાં કોરોનાનો વ્યાપ વધ્યો છે. લોકોની મોટાપાયા પરની ભીડે છેવટે કોરોના વિસ્ફોટને આમંત્રણ આપ્યુ છે અને તેનાથી પોલીસ વિભાગ પણ બાકાત રહ્યો નથી.

(6:26 pm IST)
  • ઝડપી અને સસ્તા દરમાં કોરોના ટેસ્ટનો પ્રારંભ કરાવતા અમિતભાઈ ગૃહમંત્રી અમિતભાઈ શાહે નવી દિલ્હી ખાતે, ઇન્ડિયન મેડિકલ કાઉન્સિલ ઓફ ઈન્ડિયાના હેડકવાટર ઉપર માત્ર 499 રૂપિયામાં કોવિડ આરટી-પીસીઆર ટેસ્ટનો પ્રારંભ કરાવ્યો; 6 કલાકમાં કોવિડ ટેસ્ટનું પરિણામ: પ્રથમ તબક્કામાં, આવી 20 લેબ્સ ઉભી થવાની સંભાવના છે: દરેક લેબ એક દિવસમાં 1000 કોવિડ ટેસ્ટ કરવા માટે સક્ષમ છે access_time 8:41 am IST

  • નામ છુપાવીને લગ્ન કરનારને 10 વર્ષની જેલસજા થશે :' લવ જેહાદ ' મામલે ઉત્તર પ્રદેશ કેબિનેટમાં કડક કાયદો પસાર : વિધર્મી સાથે લગ્ન કરતા પહેલા ડીસ્ટ્રીકટ મેજિસ્ટ્રેટની મંજૂરી લેવી પડશે : બે મહિના પહેલા નોટિસ આપવી ફરજીયાત : મંજૂરી વિના ધર્મ પરિવર્તન કરી લગ્ન કરવા બદલ 6 માસથી 3 વર્ષ સુધીની જેલસજા થઇ શકશે : ઉપરાંત 10 હજાર રૂપિયાનો દંડ થશે : છેલ્લા થોડા દિવસોમાં ફરજીયાત ધર્માન્તર ,લવ જેહાદ ,સહિતના 100 જેટલા કિસ્સા બનતા યોગી સરકાર આકરા પાણીએ access_time 7:59 pm IST

  • અમદાવાદમાં બગીચાઓ સવારે ૭ થી ૯, સાંજે ૫ થી ૭ જ ખુલ્લા રહેશે : અમદાવાદ શહેરના ઉદ્યાનો અને બગીચાઓ આગામી ઓર્ડર સુધી સવારે 7 થી 9 અને સાંજે 5 થી 7 દરમિયાન જ જાહેર જનતા માટે ખુલ્લા રહેશે. access_time 9:52 pm IST